舊愛o既新歡，姐係珊呢家o既情人。

我究竟仲有冇希望？
根本就令我無還擊之力…

我只係珊o既舊朋友（唔係情人），我係過去式，對手係珊現任男友，係現在式。

過去式可以出o既招，只有回憶，舊事，舊物；現在式有權參考我之前做過o既一切，將佢地（招式）針對性咁一一擊倒。

而我，係完全冇任何招式去還擊－－因為我只係過去式。

珊o既男友，大部份時間我都會好眼紅，就係當我聽到淆講珊個msn時，我愛現珊改變左絕交前o既某 d 特性。



【你乜野時候開始著呢種衫？】我見到佢做型時，心入面問左一問。
【關你咩事姐你收ｘ喇！佢我男友買比我o既！】珊（係心入面）回答。

以前珊o既衣著，即使不至於好好睇，但至少有佢自己o既風格/造型，但今日o既珊…

我會覺得，我識o既珊根本就已經唔見左，罪魁禍首，當然就係珊個男友喇！

但有時候，佢令我眼紅之外，亦都令我唔甘心咁認輸，就係－－珊竟然因為新男友而變得更好。
【我成績全班第一！】珊回答我：【佢好關心我學業。】

唔同我同珊做朋友時，我冇關心佢學業咩？

好明顯，珊愛佢多過愛我。我輸得一敗塗地。

但，輸嬴對我黎講，或許真係唔重要吧？其實根本就係無意義o既意氣之爭－－因為點都好，
珊o既一切，早就與我無關了…

珊亦都唔比我知道佢o既事…


唉……