一切都係為左新o既開始

咁樣真係好咩？　咁樣真係好咩？

嗯，咁樣就最好…

3年以黎o既主日學生活終於都要不負責任咁結束，哈哈…


好辛苦…
唔知由幾時開始，返主日學就已經成為我壓力o既來源。
唔單止係精神上o既壓力，仲有金錢上o既壓力…

真係好攰…
不知不覺中我覺得我自己精神就快崩潰…

明明係暑假完結前我仲好想返主日學…
但究竟係乜野改變我自己o既想法？

學業壓力等等，只不過係藉口…

基本上我呢家都唔知我自己發生咩事…


我只可以講，我又係到逃避現實…
由返學果日開始，我開始唔想見到人…

變得好討厭多人o既地方…
即使係城市論壇，去果陣都已經冇左之前好興奮果種感覺…

係我性格改變左，定追唔上周圍o既改變？

讀書甚麼，都已經唔想去做…
表面話去上law堂唔返主日學…
都只係藉口。

law堂本來係係朝早9:30 - 12:30 上堂。
為左逃避，我同自己講左個藉口：因為我想參加「政壇新秀訓練班」，而活動又係朝早，所以我想改期…

「政壇新秀訓練班」…呢家野即使唔參加，對我都唔會有損失。

只係…逃避o既一種手段…only。


向好o既方面諗：一切都係為左我人生新o既開始。
向壞o既方面諗：墮落。


一個人要墮落，係冇任何理由。
正如你想做一件事，係冇任何理由。
如果要強行講個理由，就只有「因為我想」。

我想墮落﹑我希望墮落。

墮落就係我o既新開始。


攰o既原因，係因為我係主日學搵唔到「快樂」。
記得有位哲學家講過：「當你尋找甚麼是快樂時，你已經遠離快樂很遠了。」

本來我以為主日學會係我休息o既地方…
但事與願遺，一切都係我太過樂觀？

我已經受唔著咁樣o既生活…

與其繼續痛苦，不如我親手將佢了結仲好。

所以，我決定辭職－－辭去主日學小導師一職。
嘛…不過反正都係義工，冇咩辭唔辭職吧？


各位，抱歉…
請原諒我o既不負責任﹑請原諒我o既墮落﹑請原諒我o既少少的任性。
（相信我起我個名做小任o既原因，應該就係呢個意思吧－－少少的任性）

我已經無法再係留係呢到…
我只可以逃避…
好痛苦…好辛苦…


呢個blog我亦都唔會再更新。

毛利元就曾講過：「天下間能了解我的人，只有我自己一個就夠了！」
心聲，只有自己一個知道，就夠了！


9月11號，可能會係我最後一日返主日學o既日子…
姑且去參加彌撒吧…
反正將來都未必再有機會返church…