2009年2月27日星期五
2009年2月26日星期四
2009年2月24日星期二
2009年2月23日星期一
理性與感性的愛情
其實既然知道自己唔可以滿足到對方,你應該就要離開對方。
你要知道,對方唔會為你改變佢o既願望!
我知道我自己根本唔可以滿足到珊o既要求,所以先唔同佢講我鐘意佢。
我唔想因為我而令到珊失去左時間,我應該係珊仲有青春之時,比佢去搵一個任何條件都好過我/可以滿足到珊o既男人。
我可以克服到珊o既任性,珊o既不羈,但我唔可以克服到佢對未來o既願望。
何況我根本就唔可以比到安全感同【被需要o既感覺】。
我可能比唔到我所有野比珊,因為我可能冇一種立刻需要珊o既感覺…
可能有幾個好男人更需要珊呢…?
珊…希望你記著:
搵到一個需要你o既男友,有時比起金錢,也許更惑令你得到安全感。
而我呢?
也許吧…
我因為感性咁真心鐘意左珊,最後都係理性咁有小小唔甘心咁比珊出去尋找更多機會。
當然我冇咁偉大喇…
若果我真係好愛珊,咁我就更加應該放佢出去尋找機會…
只因我想珊o既未來可以幸福快樂。
2009年2月21日星期六
家長日
今日返到去第一件事係聽新高中講座先。
原來新高中係唔再分文理商科,而係按自己興趣去選科。
到中五o既時候就要退選一科…
呢家選科o既心頭好(第x志願,教學語言):
1.經濟(中文)
2.組合科學(生物,代學,物理其中兩科,中文)
3.地理/歷史(中文)
4.中國歷史(中文)
5.宗教(中文)
因為我英文唔掂,所以除左中史外,其他有得選語言o既都選哂中文…
呢家大學係睇我成績,唔係睇我係英定中,雖然中真係冇咩前途…
聽完講座之後就拎成績表,老豆見到成績表後,就不停咁指指點點係到罵我…
唉…
數差0.6分就合格喇…
Miss話會比架…
算了…
今晚小不免又會比呀媽罵…
唉…
愛情反思
當珊叫我收皮之後,我就知道無可能有將來喇…
但我我都係要博落去。
我不斷係咁摺星星(呢家都仲有),珊好似唔知我摺星星比佢…
唔知點解,我諗總有一日珊會收左得 d 星星,原諒我。
發展就冇可能架喇,做返朋友都仲得…
我點解會要咁賭?(我花左好多時間同金錢上去)
因為我相信只要珊下左火,再加上我小小誠意,佢就應該會原諒我吧?
雖然10成一定係發夢娶老婆,但係…
因為我唔想重頭黎過,一段關係話重新開始就重新開始咁易咩?
要變返未絕交之前o既係關,要用幾多心機,時間呀…?
我呢家手中o既籌碼得返開心o既回憶同往事,再加上誠意落去,就係我所有籌碼。
我一定唔會放棄呢場愛情賭博,因為我要為我同珊未必o既幸福去爭取。
即使珊講句「我寧願要佢都唔要小任你呀!」,我都唔會放棄,只不過我一定要尊重珊o既意願先得…
尊重珊o既意願…其實我之前有冇尊重過珊呢?
答案好似係冇。
我亂講佢似邊個邊個就表明左我冇尊重佢喇,珊之前罵我,記得佢都有講過「你根本冇尊重過我」呢句說話…
尊重!點解我呢家先知道呀?
機會可一不可再,尊重呀!
我要比珊知道我改過,第一就一定要尊重佢選擇邊個做佢男友/老公,咁先至可以比珊知道我有改到…
尊重…尊重…
2009年2月19日星期四
情場的戰爭
舊愛o既新歡,姐係已經分手o既情人,佢呢家o既另一半。
新歡o既舊愛,姐係你呢家已經相識o既情人,佢以前o既另一半。
兩者其實係一塊鏡。
我面對兩者,我都小不免會攞黎同自己作比較。
對於珊,我係過去式,只可以憑著留係珊腦海入面o既舊回憶同珊o既新歡交手…
但係珊o既新歡,佢係現在式,佢永遠有著爭勝o既希望,因為佢有時間,可以去搵出珊o既回憶,然後針對我o既弱點黎出手。
但係,我o既勝負只係意氣之爭,因為我係珊心入面o既形象,已經趺到冇哂;珊o既新歡就要非勝不可,因為關係到佢係珊心入面o既形象,呢場仗,足足可以令到佢將珊呢後感情扭轉。
我真係勝算嗎?不盡然。
只小我係「難勝但可輸」,但珊o既新歡係「易勝而不可輸」。
姐係係雖然輸左,但仲有機會可以去追求,但珊o既新歡如果呢家失勢,就好難再有機會追求…
只係我難嬴同佢易嬴咁解…
唉…係我心入面,我同珊新歡o既對決幾時先會完呢…
沒完沒了o既鬥爭,對我,珊,同珊o既新歡有好處嗎…?
我基本上都擺哂樣話要放棄,但係我好唔甘心,所以先會有呢 d 野發生…
睇黎我同珊o既關係要定一定位先得…
2009年2月18日星期三
無言的結局…
對珊,一定係;對我,則唔係。
間唔中有 d 人都問我我同珊搞成點…
其實都無咩點…只不過我仲有 d 唔甘心同有小小未接受現實o既感覺姐…
每次返到黎,都會搵淆問:珊點樣?
即使每次o既答案都係一樣--唔知,我都係繼續問落去。
因為我唔可以再接觸珊,唔係珊又唔知會爆 d 咩野出黎…
同埋我唔想將一個壞印象留係珊心入面…
起碼我想珊留個"再見亦是朋友"o既印象係心入面…
自1月31號開始,基本上我同珊已經解決左,以一個無言o既結局黎結束6個月o既友誼…
呢種無言o既結局,可能會將我美好o既印象留比珊,或許…係生命中亦都會留下刻骨銘心o既回憶…
無言o既結局留低美好o既回憶,同時都留低大量問號,呢 d 問題其實就係心結,總要解開,我成個人自會回復到正常…
或許我/珊應該要用 d 行動,先可以完完全全了解呢個問題吧…?
我只希望"再見亦是朋友",就心滿意足了。
我究竟仲有冇希望?
根本就令我無還擊之力…
我只係珊o既舊朋友(唔係情人),我係過去式,對手係珊現任男友,係現在式。
過去式可以出o既招,只有回憶,舊事,舊物;現在式有權參考我之前做過o既一切,將佢地(招式)針對性咁一一擊倒。
而我,係完全冇任何招式去還擊--因為我只係過去式。
珊o既男友,大部份時間我都會好眼紅,就係當我聽到淆講珊個msn時,我愛現珊改變左絕交前o既某 d 特性。
【你乜野時候開始著呢種衫?】我見到佢做型時,心入面問左一問。
【關你咩事姐你收x喇!佢我男友買比我o既!】珊(係心入面)回答。
以前珊o既衣著,即使不至於好好睇,但至少有佢自己o既風格/造型,但今日o既珊…
我會覺得,我識o既珊根本就已經唔見左,罪魁禍首,當然就係珊個男友喇!
但有時候,佢令我眼紅之外,亦都令我唔甘心咁認輸,就係--珊竟然因為新男友而變得更好。
【我成績全班第一!】珊回答我:【佢好關心我學業。】
唔同我同珊做朋友時,我冇關心佢學業咩?
好明顯,珊愛佢多過愛我。我輸得一敗塗地。
但,輸嬴對我黎講,或許真係唔重要吧?其實根本就係無意義o既意氣之爭--因為點都好,
珊o既一切,早就與我無關了…
珊亦都唔比我知道佢o既事…
唉……
2009年2月17日星期二
死都不服輸
但係點解自己都仲係唔服輸呢?
即使知道自己輸哂,但係死都唔認輸…
同舊情人o既新歡比較時,係第一刻,你已經知道你自己輸左係邊到。
因為你同佢相識/相戀左一段時間,你應該知道佢o既喜好同性格,舊情人選新歡,一定有佢o既原因…
果個原因,你一眼就睇得出,果一刻,你係知道自己輸係果個地方,不過只係你死口唔認咁解!
(以下係我自己想法,並非真實)
明明係珊個新情人令仔過我,我都可以話佢係面上印有美男纏,係剋妻o既象徵;明明佢比我更有成就,我又會話佢係個生意人,一定容易冷落珊,什至背後有第2個女人;明明佢比我更有老公feel,我又會話珊品味差,竟然要個唔想結婚o既男人;明明佢比我更關心珊,又溫柔,我又會話佢係個娘娘腔,唔似自己咁有男人味…(嘔~~~)
我可能有9個地方比珊個新情人,但係就輸左果一個,亦都足以令你耿耿於懷。
如果我嬴左果9個,我會分9日,每日講1次我嬴佢乜乜,但係輸左果個,我由朝到晚都會諗起。
9分輸左1分,卵根本唔甘心。
雖然,我其實知道,輸果一分先係致命分--係果一分鐘一秒,佢就用呢1分黎擊中珊,令珊著迷,就係咁簡單~
佢唔夠我高(呢個只係假設,真實佢一定高過我),眼唔夠你大,著衫唔夠你潮(我其實都唔潮),做野唔夠你叻(我都唔算叻),整野食唔夠你好味(呢個唔知);佢架車唔夠我貴(假設),樣唔夠你令(假設,真實一定令過我),個子唔夠我高(無可能,一定高過我),收入唔夠我多(呢個未知),學識唔夠我多(我都唔叫多)。
但係,珊就係鐘意佢大大隻(正常),就係鐘意佢 d gag比我更差勁更"難"!
我無奈了…點解呢個世界咁不可理喻?(呢個純怨)
其實,我之所以會覺得不可理喻,其實係我唔記得左--當初我愛上珊時,同樣都係咁不可理喻~
愛情,又教我無奈多一次了。
原來我仲未知到點解…
淆初初都好似唔想答我,之後我再問,終於知道發生咩事:
珊會嬲你當然唔止你話佢肥咁簡單喇,而係你成日煩著佢~
當珊睇緊MV時,你就成日震佢msn,係咁吹埋果 d 有關政治(下稱政治水),搞到珊成日都睇唔到MV,佢成日話你煩著佢呀!
…
我都估到珊會話我煩架喇,不過估唔到係政治果方面姐…
之前藍莓都話過我煩,又成日亂講野…
結果,我終於都有今日了…
話佢似某人件事其實只係導火線~
我都知道我吹呢 d 野吹得太過火喇,但係我始終仲未識收手…
呢家知道左…我有咩可以補救?
答案可以好肯定:無
即使有機會o既我都試過,但…
……屢敗屢戰吧~
我相信總有一日珊會原諒我吧…?
即使冇,我都會等待…直至世界終結!
以後吹水唔可以再吹呢 d 野了…
政治水,相信只有抽水肯定我吹…
算吧…呢樣我會改了…
我唔係口頭講,我一定會改過!
希望珊可以見到我改過…
珊,我知道你尋日生日,但我冇叫淆幫我同你講聲生日快樂,對唔住
呢家補返,雖然遲左好多,但希望你都接受:
珊,生日快樂~
2009年2月16日星期一
自己比情敵
究竟邊個先可以比到幸福珊呢…?
人,少不免會將自己同人比較。
比較o既對像,通常都係 d 有同等身份o既人:同學,同事,同年紀o既名人,什至--愛上如一個人o既人,姐係你舊情人呢家o既情人(新情人)。
無論你同你o既舊情人,係和平分手,了解分手,反臉分手,你背叛佢,佢背叛你,當你知道對方擁有新戀情後,你一定會千方百計想知道,佢究竟係乜野人。
未知之前,係出於好奇心;知道更多之後,就會出於比較。
珊呢家o既情人我知幾多?掛名男友我就知道,佢係同珊同年,而且雙方一個月先見一次,仲要大家係冇大家o既msn--當我係淆到知道呢樣野後,我成個人都輕鬆哂…
雙方都冇msn,咁樣點可以做到情人呀,起碼我呢家都仲保留緊珊個msn,只係珊單方面封+刪左我msn姐…
不過令我失望o既係珊呢家暗戀左第2個人,淆話珊msn寫收唔到佢情人節禮物好傷心…
連淆都唔知佢祗細,唉…
呢排肯定又好憂鬱…
我想知道,其實佢係咪好令仔,令仔過我先(自問本人太樣衰了…)
我想知道,佢學業/事業係咪好勁,勁得過我先(本人除左政治之外,都冇乜勁)
比較後,自然得出結果(呢家其實仲未開始比較)
(以下係假設有結果)
輸左,我唔倨,唔甘心,覺得自己竟然比唔上人,於是我唔開心。
嬴左,我可能會沾沾自喜,之後我會諗:點解珊會選擇個條件咁差o既人呢?
原來珊o既品味係咁差架?咁姐係之前自己【蝕】左嗎?定係--自己有 d 睇唔到而又比唔上佢o既野呢?如果當日係珊唔要我o既話,你會唔甘心;如果當日係你唔要珊,我向好諗,我會內疚;向壞諗,我會覺得自己【蝕】左。
於是,我更加唔開心--無論輸嬴,最後都係自己輸(因為你唔開心,而問題都冇解決)。
其實比較果一刻,我究竟期待乜野呢…?
答案好簡單:我要証明我嬴珊個人情人一個位。
人比人,比死人;自己比情敵,死都唔甘心。
即使珊o既新情人,樣貌同你一樣(不管令定醜),學業同你一樣勁,但你就係覺得佢對眼唔夠你迷人,又唔夠你高(我自己都好細粒的說)…等等。
我其實可以沾沾自喜,但過一陣我又會好開心,咁無謂喇;
不過我可以好有男人風度咁同珊講:其實珊你o既情人都唔算差呀,祝你地兩個白頭到老吧!
你肯祝你舊情人幸福,係因為你仲好愛佢,你決定要比一個幸福o既未來佢,後退比一個可以比到珊永遠幸福o既人去同佢一齊吧~
假若我仲可以見珊一面,我真係好係珊面前講句"祝福你"…
不論珊即場話我kai定膠定憨x好,只要可以係珊面前表明我意思,不論珊接唔表受,我就無憾了…
2009年2月15日星期日
情人節?(補)
今年都唔例外…
情人節第一件要做o既事就係去新都會廣場將我手上o既禮物送比珊…
其實珊同我絕交,我送份禮物去其實冇咩意思,但唔知點解我仲係要用我o既新年錢($100)去買禮物($88)比珊,而且仲要係生日禮物…
我諗珊9成都唔會重視吧…?
見到淆之後第一句就係問:珊點樣呀…?
淆照舊咁答喇:唔知,我呢家都好少撞到佢…
不禁有小小失望…
由於肚餓關係,我地去左m記買野食先…
之後上左去公園到吹水…
我問:其實實嬲我乜野呢…
淆:betsy(珊)話你成日煩著佢,佢係睇MV時成日都要聽你吹 d 政治水,好煩咁bo~
…
原來…珊真係咁討厭(憎恨)我…
雖然呢個我都預左,但估唔到個情況係咁姐…唉…
過份o既政治狂熱果然會害到自己以為朋友…
淆:其實珊想送返張跑點數卡比你,佢話你係跑入面送左咁多野比佢,佢想送返小小野比你咁~
其實…珊你唔需要咁做,
因為呢 d 係我應該要做o既…
始終都係我做錯在先,我送比你o既禮物其實係用黎陪罪…
……
或者珊你認為我想要你有種欠我o既感覺,珊…
你想錯了…
我只係想向你陪罪,冇其他心意…
我問:今日珊應該有節目吧,佢個男友有冇搵佢?
淆:珊邊有男友姐?game入面果個唔係黎架,佢地兩個連msn都冇,一個月先見一次,點算係!
無言……
淆:不過呢我見到珊好似暗戀左某個男仔,唔知係咪喇,但佢msn都寫:
"情人節收到好多禮物呀,但收黎收去,都仲係收唔到【佢】o既禮物…"
我當時表面上冇咩反應,但…
我個心感覺好痛。
小任你痛乜野姐?人地有暗戀對像咪姐係唔鐘意你lo,你應該要為佢祝福,希望珊可以成功,知唔知呀?
……
是嗎…?
珊…你肯定你真係鐘意"果個人"?唔係三分鐘熱度吧?
……
………
我心入面一正都唔知講咩好…
因為我有種好似失戀o既感覺出左黎…
不過,"變心不是你不對",倪匡話過有feel先可以起埋一齊…
所以……
我臨走之前係新都會廣場中心個情人節樹面前許左個願望:
珊,祝你生日快樂,身體健康,並希望你可以搵到你o既"幸福的青鳥",永遠幸福快樂地生活下去,以為前途無可限量…
只要以上願望可以實現,我就死而無憾了…
珊,生日快樂~~
2009年2月14日星期六
不要介意自己的介意
究竟呢句說話岩唔岩呢…?
若果有一日,你認識伴侶o既時候,佢係個斯文內向o既可人兒,或者係文質彬彬o既男士,到後來先知道,原來佢係發生過一夜情,或者得過性病,什至呢家有個5歲大o既仔,你介唔介意呢?
(以上全是虛構)
除非你有講大話,否則已經知道答案--你一定會介意~
只不過,因為你太愛對方喇,你決定用理智去阻止自己表達介意,什至用理智去說服自己,唔好去介意…
果 d 已經成為過去o既事,如果仲留係心入面o既話,就會做成兩個人中間o既一幅
咁樣係一種罪行嗎?
其實唔係,只係大家都將感情浪漫化姐,旁觀者,朋友,網友等,統統都會理直氣壯咁大叫【愛情莫問出處】,即使係援交女仔,又或者佢係"雞/鴨",都應該忘記過去,重新去愛等…
問題出黎喇:
若果可以時光倒流,你會回到過去,將佢之前愛過其他人o既事忘記得一清二楚嗎?
你認為呢?咪係lo,就表示你仍然好介意…
不過,介意並唔係一種罪,人o既感覺始終都係最真實o既,介意就介意,冇人可以改變到你~
你會為對方o既過去而介意,咁樣就証明左,你想對方變得更完美。
真正o既愛情,點會唔包括嫉妒呢?因為你愛對方,所以你先想抱得對方更緊,緊抱著對方o既全部--對方o既過去與未來。
只要你繼續唔將果份介意表露出黎,唔好再傷大家o既心,慢慢等時間去沖淡佢,就ok了…
所以,請唔好介意自己o既介意…
我介意o既唔係珊o既過去,而係現在同未來…
現在我介意咩?我好介意珊到底愛唔愛我…
但答案我自己都心中有數--唔愛…
因為珊唔愛我,所以我好嫉妒…但淆話珊呢家冇仔,呢珊個"掛名男朋友"都要用粗口黎罵我…
我唔知點解仲好在意珊……
在意=介意?
至於未來就簡單得多--我介意珊o既未來究竟係咪幸福o既…
呢 d 事當然唔到我插手喇,珊佢鐘意點就點,我唔可以改變佢…
但我可以提供多一條路比珊去選擇…
但我提供條路係正確幸福嗎?
……
點解我要咁介意珊…?
連我自己都唔太清楚…
2009年2月12日星期四
男人應有的愛情風度,愛情的選擇
站(企)上來,唔一定係【啤咩呀啤!】果種街頭武頭(太唔文明了吧?),而係當女友遇到困難時,你會自自然然行前一步,將身體擋係佢而前,為佢出頭/解決難題,幫佢o既困難扛下來。
其實,只要你愛一個人夠深,你根本就唔洗思考,就會企出黎幫佢,呢 d 單靠反射神經就可以做到。只要你愛得佢夠深,係街頭,停車場,時裝店,什至公司,學校等,都係你表現男性魅力o既舞台~
若果你未試過為伴侶企出黎o既話,都唔洗怪責自己。因為掉轉黎講,其實【企出黎】亦都可以係你對伴侶感情o既測試場。
如果你係伴侶遇到困難果一剖,冇諗過企出黎o既感覺,雙腳冇行前o既感覺,就証明--你唔夠愛佢。
其實,你都可以表現到你o既男性風度,但就一定比唔上某 d 好愛對方o既人…
愛情的選擇…(短文一篇,給珊的愛情意見)
假如你係女人,有個名列係富豪榜上o既男人,比你五百萬,條件係你要同佢出街,拍拖(強逼)等,你會唔會接受呢?
如果你接受,咁做就証明你其實係到做緊【援交】~
通常名列富豪榜上o既人都有過千萬身家,五百萬只係佢財富o既萬分之一,
但係,佢真係真心愛你嗎?
比五百萬你做一個有名無實o既老婆,你會肯嗎?(除非你係物質支配者)
孤獨富婆,有邊個想做呢?
有錢又唔可以分享,有乜野開心事傷心事,都冇人同你分享,會願意過呢 d 生活嗎?
相反,一位好尋常(平凡)o既男人,抱著【平安就是福】o既願望,比你五十萬,而且係佢全部o既財富,你又願唔願意過呢 d 生活呢?
兩個男人o既分別就係:
富豪o既老婆通常都會有3至4個,仲有就係成日會出去拈花惹草,之後你就要面對好似唐沁風暴或龔如心爭產案,日日返到屋企就係等嘈交,分錢,咁樣好嗎?又唔專一,你又有機會被打入"冷宮",感覺好受嗎?
平凡男人,佢抱著【平安就是福】,姐係只要可以建立一個,佢就會心滿意足。自然就唔會出去搞三搞四喇…
只少唔會面對唐沁果個大亂鬥家庭,對你又專一,又可以分享,咁樣咪幾好?
珊…
若果你真係想要永恆o既幸福,你就一定要"三思而結"…
姐係佢可以配合你,你又可以配合佢果種… 50:50 o既愛情,先算完美…
簡單黎講,姐係可以互相遷就對方!
我唔係話你呢家果個唔好,而係你要判斷下佢究竟係咪可以將幸福快樂比到你…
如果你真係只愛呢個人而唔需要以上我講o既野,你可無視我呢篇文…
但…珊,我其實都只係想你好擺了…
只要見到你幸福快樂,我就心滿意足,無怨了…
2009年2月11日星期三
身在福中,但你知福嗎?(葉子的決擇)
【葉子的離開是因為風的追求,樹的不挽留,定係葉子自己o既理想呢?】
葉子係樹梢上,表面平平靜靜地同同伴談笑歡生,冇人知道葉子心底o既寂寞…
葉子成日想,【呢個唔係自己想要o既生活】,呢句話經常係腦入面迴響。
有一日,天氣突然吹起大風。
大風吹到葉子輕輕o既身子搖搖欲墮,葉子使出全身氣力抓著樹幹。
葉子突然一想:【自己唔係好討厭呢種生活,厭煩重複不變o既步調嗎?或者可以隨風流浪,追逐夢寐以求o既生活呀~】
葉子被自己o既想法嚇呆左,最後仲係承受唔到大風,或者根本出浪跡天崖,最後放手了--隨風而去了…
葉子隨風飛舞,感覺係幾咁奇妙,手舞足蹈咁跳著,叫著,同風天南地北咁傾計。
但係就係呢個時候,風力開始減少,葉子感到有古怪,仲未知道發生咩事,就飄左落地了…
失去左風o既葉子呆呆咁坐係地上諗:【咁樣係咪自己想要o既生活呢…?點解我會有眼淚流出o既…?】
呢個時候先發覺,風已經離去,四周任何野都冇。
【有什麼時候比現在更孤獨呢?】葉子後悔了。停留係樹上,起碼都有夥伴相陪,飄舞係空中有風相依…
但呢家,孤單一個人,身已痛,心已累…
就係葉子相當沮喪o既時候,忽然起左一陣大風。葉子大喜:【風,你黎喇?】
風回答:【對唔著,我唔想架。你都係回到大樹身邊吧!呢家你只能滋養大樹了,就係決定同我飛舞o既時候,你已經失去左生命同自由…】
【唔係咁架,唔係咁架!你呃我…】葉子喊著咁講…喊著,感覺自己好男o既時候先被驚醒,當初係幾咁想脫離大樹,而呢家只可以為依附大樹而感到有小小幸福…
【大樹,求你原諒我的無知!你比左我生命,但願來世可以再做你o既一片葉子……】葉子沙啞咁對著樹講,而聲音亦都漸漸變得微弱……
就係此時,葉子因缺水而與世長辭了……………
葉子與世長辭前,非常後悔點解要選擇放開大樹;若果冇果陣風,也許呢家仲係樹上過得好開心…
葉子自己都非常無奈,但係葉子知道自己時日無多,最後都講左句:【求你原諒我的無知吧!但願我來世可以再做你大樹上o既一片葉子……】
故事完---------
未來o既幸福/命運,其實選擇權就係你手中…
若果你只係貪圖眼前o既情景而忽視未刺來o既前途,必然會好似葉子咁失敗…
小任…選科就近了,要好好準備了…
長情?其實會唔會係害左自己呀?
呢種人最識得就係搵"藉口"去博同情~
佢係會連自己都呃埋,等自己感到無罪,或者遊說自己當初係被逼犯錯…
係工作上,如果佢地犯左咩過失,,就會先搵"藉口"--【工作過量】,【冇人提點我】,【我點知佢地會咁者】,【我唔係神,我都會錯手,點解你出街前唔幫公司check下】……等等。
愛情崗位上都一樣:
佢係拍拖o時候,一定都有唔同o既"藉口"--【我工作好累】,【妳點解唔提點我】,【我都唔知妳會咁者】,【我唔係神,我都會錯手,點解妳唔可以原諒我者】…等等。
基本上,"藉口"可以完全一樣。
仲有一個討厭之處,就係冇風度(又講我自己?)
拖著新女友,但口中就成日都講話掛著舊女友。呢個情況不但令前女友感受到厲鬼纏身,更加令新女友係外人面前非常難堪。
情況如果更嚴重,佢更加會係新女友面前,不斷強調自己掛著舊女友,從而建立【愛得舊很深】o既形象。
到左一日,新女友頂唔順發火時,就一定爆句:「由我地起埋一齊第一日開始,你就不斷提返起舊女友喇!」
係兩個女人面前,呢個男人一 d 都表現唔到男人應有o既風度。
不過,肯定o既係,呢種男人最多都係口頭上,向前女友做成滋擾--耐唔耐就打一次電話比佢,又或者發一封煩人o既電郵,以表示自己有幾慘之類。要真正採取激烈行動,搶返前女友返黎,唔係呢皇人o既風格。
因為呢種搵"藉口"o既男人,大都只係廢物。
前女友o既現任男友,佢係唔會敢去郁佢…
再睇返上面o既文,其實我係咪文中入面o既…男人呢?
係主日學到,我成日都同人講我幾咁掛著珊--係,我係冇女友,但係咁樣講,傳入珊o既朋友到,會唔會令到珊更無面呢…?
"藉口"…【欣宜】果件事,我究竟有冇為到自己搵藉口?有吧…?情不自禁,講野唔經大腦…等等,呢 d 係"藉口"嗎…?
再說厲鬼纏身。
珊同我絕交之後,我都sd過唔小sms,都打過好多次電話比珊,當然冇回覆喇…
但係1月31日,我算唔算煩著珊呢果日?
叫我唔好再煩佢,睇黎…我真係珊隻"鬼"--不斷煩著佢,纏著佢。
都係咁,我緊係唔夠膽去郁珊男友喇,唔好講係法律o既問題,根本上係我冇膽去!
你話喇…我同上面果男人有咩分別呢?
長情不僅會令你前任男/女友憎恨你,全世界都會認為你係一個廢物!
小任呀小任,你真係入青山都冇用,死左都冇人理你o既廢物呀!
或者我身在福中不知福吧…?
後文繼續講…
在此,僅祝珊情人節以及生日快樂…
2009年2月10日星期二
扮情聖的男人
男仔L與女仔G分手了,分手o既原因係L有左第三者。
面對著咁多年o既感情化為灰燼,女仔傷心透頂。回復單身之後,不時避見朋友。咁男仔呢?
當時就係同果位第三者一齊過著郱生活喇 (倪震?)
但係,由當初識左第三者,到決定分手,男仔L都係朋友以為女仔G面前擺出一副好無奈o既姿態。
【佢(女仔G)真係好需要我架!】【我其實仲好愛P,但我又應該點樣決擇呢…】
什至到左分手果日,佢表現得比G更傷心。之後o既日子,朋友就聽到佢係到吐苦水,L話好掛著P,新女友又點樣唔好咁樣…當然喟,大家都估到,唔到半年男仔L又同第三者分手及向女仔P提出復合o既要求。
女仔P朋友o既立場係咩?基本上係清一色反對,所有人唔認同L o既行為,什至認為P離開L其實係上天賜比P o既福份,P唔應該再返回火坑之類…
P其實都係個聰明女仔,佢最後緊決同L分手了;幾年後o既今日,P已經擁有一個條件更好o既男友,過著準備結婚o既穩定感情生活。
咁L呢?岩岩分手時,L仲係同佢個第三者拍緊拖,但P個名佢仲成掛係口中,乜野【我好後悔】【好擔心】【好想時光倒流】;幾年後o既今日,加上P拒絕復合,L開始出現變化,內疚更變成左怨恨--【好絕情】【忘記我地o既承諾】【害我常常以淚洗面】……
結論:市面上其實都有好多呢類型o既男人。佢地係旁人,什麼係女友面前扮情聖,扮長情,為o既好簡單--佢需要以呢種受害者o既形象,黎掩飾當年見異思遷既行為。
故事完---------
其實係究竟係咪珊同佢男友o既第三者呢…?
我成日都係班主導師面前,話我仲好愛珊--我呢 d 叫做長情定扮情聖呢?
但係我咁做並唔係要掩飾乜野,而我真係仲好掛著珊~
我都冇係珊講左句【收皮】後怨佢,而係想繼續道歉,只係佢唔想聽…
我真係好似L?……
講錯一句說話,同有第三者分別應該好大吧?
或許我o既條件真係比唔上珊o既青鳥吧…?
雖然如此,但我都係到祝【珊,祝你情人節快樂】以及【生日快樂,珊】…
但願人長久,千里共嬋娟…
2009年2月9日星期一
論談戀愛/結婚…
不過對我黎講呢,情人節比起死更痛苦,特別係今年…
呢家好多人都話咁細個你學人拍咩拖呀?
我唔係拍拖呢(重點),我係單戀…呢個情況成日都有…
其實…點解呢家 d 後生仔咁鐘意只係享受拍拖而唔結婚呢?
通常有以下幾點:
1.唔想受到家庭觀念o既限制
2.唔想建立一個家庭(因為建立左要負好大責任)
3.唔想負責任(同上)
其實仲有好多…
唉…我都有 d唔明…點解呢家 d 年青人咁唔鐘意建立一個家呢…?
男/女友成日轉係件好事嗎?
家人會適應/接受到佢個仔/女成日轉人嗎?
以珊為例(珊唔好嬲呀>____________<),我記得珊同佢 d 朋友都講過珊係跑到都轉左十幾個老公…如果係虛疑世界都算喇…
真人呢?當然冇虛疑世界咁勁喇,但以我所知都轉個唔小人…
感情真可以用黎咁玩?
如果感情真係咁唔認真,我相信第時老公都唔會對你太真心,除非你結左婚之後轉性格吧~
我唔知珊當感情係咩一回事,呢家成人都有人話兩個人起埋一齊最重要有feel(倪匡)…
起埋一齊代唔代表終身呢?
即使我花心,只要男/女友對我好咪得lo~
咁樣會唔會有 d 【阿Q精神】呢?
你點樣對你O既另一半,另一半都會點樣對返你…除非你另一半忍耐性極高。
不過戀愛同結婚都有兩面性o既…
我地成日聽到:【得一唔得二】!
不論係拍拖/婚姻上,想要有個好伴侶,就要包容到佢o既缺點;
【再聽話o既孩子,都會有頑皮o既一面,令你勞氣o既一刻】,【再懶,再蠢o既孩子,都會有佢o既強項】。
【既來之,則安之】吧…
假如你睇到你另一半o既問題係你角度無法解決,你應該用另一個角度去睇。
或許你會發現,【世事就是這樣,奈何!】
如果你真係容唔到對方o既缺點,我好難相信你地可以起埋一齊一身一世…
世事就是這樣,奈何!
無錯呀…世事係咁就咁…你奈佢何…?
既然我同珊…都已經冇可能發展落去,點解我仲要咁執著呢…?
我相信珊唔係傻女黎,佢應該知道嬲一個人要用幾多精神去嬲,咁樣反而害到自己…珊應該唔會咁做吧?
也許係我自作多情吧…?
其實珊同我絕交呢一切一切,雖然好傷心,但反而比左好多靈感去寫作文…
亦都令我學識左好多野,至少令我變得無咁低能先…
情人節對單身黎講的確好令佢地好傷感,但傷感之餘,亦都要為你之前鐘意過o既人送上默默祝福…
所以--珊,祝你同你o既青鳥情人節快樂…
唉…問世間情是何物呢…
忘掉種過的花,重新的出發,放棄理想吧;
別再看,塵封的喜帖,你正在要般家;
築得起,人應該接受都有日倒下~
其實沒有一實安隱快樂,永遠也不差…
冇左珊唔會死o既,至多唔開心姐…
但仲有家人,朋友,主日學同中華民國(國民黨)陪我看每一個日出呀…
加油吧小任…!
2009年2月8日星期日
惡搞的主日學生活
今日返到去好似冇乜野做咁…皆因又有個義工黎我班幫手,同埋課堂實在太悶了…
搞到我有 d 想訓…
怕羞仔小任~___________~
返完學之後就開左個追思會,為某個主日學工作人員o既離世而祈禱…
安息吧…我地會掛著你…
之後就到"打邊爐"喇~
我係課堂上都聽閒會有外人(同校)黎主日學,以為係果班,其實係精英班 d 人,咁樣就更加要打醒十二分精神--始終精英班 d 人唔可以得罪…
當一切準備好之後,打邊爐就開始lo~
首先係抽獎(抽錢),好唔好彩我抽到100蚊…
媽呀,人地有500呀!!!
不過都算…500蚊果 d要請食飯,100蚊唔洗呢~
不過今日好似冇乜餵口…唔多想食,同埋都唔係太好食 d 野…
惡搞黎喇…
將兩位棉花糖放入我杯到…真係惡搞,不過味道唔錯bo…
但係飲下飲下,棉花糖開始熔,仲變左成堆野(大家知係咩喇)
想嘔…再加埋一次意外令到條烏冬趺落去…更加唔想飲…
之後又話要玩咩ture or dare…
囧左…又係全ture,得我一個dare…
dare o既懲罰係咩?可樂+雪碧+"士油"+棉花糖+好多雜野
d 味真係想嘔…之後出去玩…飲左兩淡之後龜叫我倒左佢…
見到龜拎著碗"愛心粥"(有仔送比佢),唉…諗起珊…
之後入面搞唱k…
乜歌都有…
唱完之後散水…
本身話去滿記…因為太夜所以好多人都走哂…去左沙田公園講心事…
原來某某人同某某人只係扮拍拖…唔係真拍…
我係囧左…拍拖都有得扮咩…
之後佢就將成件事來龍去脈講一次…
A同B之前行埋一齊,後來兩人都散左,之後B識左C,C就不斷問B點解B成日都提起A,A為左令C唔好再咁多野問,於是搵左D黎扮A o既朋友…
估唔到主日學表面睇黎好正面/正經,但實際上係咁亂…
真惡搞呢…
之後同人一齊行返屋企同吹下水咁…之後12點就散水…
今日好支力呀…
休息先…
2009年2月7日星期六
分約
多年前,女性友人A同男性朋友B分手,佢地兩個分手後連朋友都做唔成。
A係一個習慣愛得毫無保留o既女仔,佢當年愛到B死咁濟;所以當B因為另一個女仔而離開佢o既時,A傷心不已,用左好多好多個月先可以比自己重新振作起黎。
其實世界上,兩個人決定行埋一齊,可以簽返張【婚約】;但當兩個人分開時,就從來冇一張可以話比完世界,表示兩人從此各行各路o既【分約】。
分手後幾年,A一直比B o既名係潛意識入面圍繞著,直到A識左新男友之後,仍然都未能完全散去。
終於有一日,A收到個消息--B要結婚喇~
果一刻,A心入面湧出弓份好強烈o既感覺--終於都解脫了…
故事完-------
分析返上面先…
A仲愛B嗎?早就已經唔愛;B仲有冇搵A呢?從上得知係冇o既;A希望如B復合嗎?一 d 都冇。
其實係當年果份o既深愛,果份傷害,令B係A心入面,形成一種無形壓力…估唔到,因為B o既一張【婚約】,終於成就左A o既【分約】~
婚姻係現今o既世界,雖然已經唔係咩天長地久o既代表,但係係A心入面,B終於都可以搵到一個女人黎【名正言順】咁做左佢o既【另一半】…
簡單而言--A同B從此就【名正言順】咁分開得乾乾淨淨,各行各路,互不相干。
或者吧…一個人o既【婚約】,就係舊情人心入面最利落o既【分約】。
原來要斬斷舊情,除左可以為對方送上一份【仇恨/怨恨】外,仲可以送上一份婚傢o既祝福…
或者我同珊就有如上面o既故事吧…?
珊同我絕交以後(強調多次,我同珊係冇開始過),【珊】呢個字(或同音)都可以令我情緒大上大落…
雖然算唔上係乜野壓力,但始終一提到個【珊】字(或同音),都會令我諗起珊,以及之前o既事…
至於解脫--我到呢家都仲未係解脫…
雖然珊比左個仇恨我,但始終呢個仇恨傷得我唔係太深,同埋珊仲差我一張同佢男友o既【婚約】,姐係我o既【分約】…
恐怕呢個【珊】字(或同音),會圍繞我一生吧…除非我收到珊果張【婚約】,我先會解脫得到…
唉…一切隨緣吧…反正強求係冇幸福,我當然唔可以逼珊鐘意我喇,但我至少唔可以逼珊原諒我…
唉…………
2009年2月5日星期四
蹉跎之戀--感性與理性
所謂長痛不如短痛,應該及早切斷關係!
既然你知道果段關係係唔會有結果,到左分開果時,一定會影響到你回歸單身之後o既日子,什至有機會會影響到將來組織一個家庭o既預算。
其實早 d 重新開始/脫離關係,對雙方都有好處(呢點我強調左好多次)~
但,有 d 人可能會認為:一夜情都可以發展到白頭到老,金婚夫婦亦都可以離婚收場架bo~
首先,我地要先知道【長久】o既定義係咩。
長久定義:
1.雙方o既家庭理念最好相同
2.對方對你同佢一齊生活o既睇方最好係正面
3.性格最好合得黎,或者可以包容到對方o既性格
4.環境因素(對方識唔識好好處理金錢呢等)
其實你只要理性少少去諗下果段唔會長相廝守o既感情究竟會唔會建立到一個家庭(如果你想有o既話),你就應該好早就知道/感覺到答案了…
要記著--對方唔會因你而改變!
如果想繼續落去,就只有改變你自己~
如果你係心甘命底咁為對方而變,都仲得;但如果你係被逼改變,到你蹉跎左幾年,先發覺你愈黎愈討厭改變後o既自己,咁就只有更痛苦o既下場了…
唉…問世間情是何物呢…?
長久o既未來,當然不可預料,但若果眼前o既人並唔係你杯茶,你就有責任去諗清楚應唔應該同佢開始~
當然喇,如果"你"冇諗過要一頭家,或者搵一個永久伴侶,"你"就可以無視上文…
因為…呢篇文我係寫比珊睇o既…
我只係想比珊多種思考未必o既方法…
2009年2月4日星期三
苦戀一個月
其實我係感情方面,我究竟係蠢,定係長情呢…?
假若你面對一個明知唔會長相廝守,但又好鐘意佢o既人,你會唔會同佢開始呢?
我就一定唔會喇…
我對伴侶o既要求(擇偶條件)好簡單:
1.要對未來頭家有責任感
2.要識得大體(起碼唔好失體成頭家先)
3.唔識教仔女唔緊要,最緊要有好o既品行
4.要懂得包容對方
索唔索並唔係一個考慮因素,只要我未來o既伴侶肯同我一齊頂起頭家,我就心滿意足~
倪匡係《不寄的信》入面,大力表明【只要雙方兩情相悅,就不必理會其他外來因素,應該忘記果堆因素,走埋一齊。】
我7成半唔係幾認同吧…
點解唔係全部唔認同?
如果你係唔怕孤獨,你就可以好似倪匡咁講,只要大家一雙情願就可以走埋一齊;
但如果你心入面係好希望有個家庭o既話,問題就黎喇:
明知大家唔會永遠起埋一齊(長相廝守),簡單而言--即係單純追求浪漫~
單純追求浪漫係冇問題,但重點黎喇--浪漫過後(分手),究竟應該點做呢?
最重要係會唔會影響到你o既生活…
好似我同珊咁樣就一定唔係長相廝守…
我暗戀(或者苦戀)珊咁耐,得到左好多開心(浪漫),但係開心過後點樣呢?
唔小心一句【似欣宜】而玩完…
當然我有錯喇!但係都不致於要講句粗口回應我吧…?
由此可見,一對夫婦要相處得恆久,必順懂得包容對方。
唔可以因為你嬲佢,而唔同佢溝通,咁樣反而會令兩夫婦更易分開…
因為小溝通,久而久之會變得無感情,最後更會離婚(之前有講過呢個故事)
我對珊o既苦戀換黎左乜野…?
傷心?仇恨?消滅過往o既快樂回憶?恐怕樣樣都有…
幾個月o既快樂,一個月o既苦戀,當然可遇不可求喇~
但…快樂/苦戀過後又點樣呢?好似我咁成日都掛著珊,又成日諗到珊同邊個男仔出街等…
放手真係咁易嗎?真係可以即刻唔愛就唔愛,停止所有感情嗎?
我同珊相處只有幾個月,但係就留戀珊好耐(連返學都掛著珊)…
也許分開是件好事吧…我同珊如果真係行埋一齊好多年,先發覺對方唔岩自己分開
你仲敢唔敢再踏足情場呢?你會唔會感到辛苦呢?
一把年記先再次踏入情場,恐怕力不從心吧?
所以我同珊如果真係唔岩,就唔應該再拖落去。
估唔到我苦戀珊一個月同埋珊離開左我之後可以睇會到咁多野…
或者我都要多謝珊分開呢個決定吧…?
珊…後會有期了,希望我地會再有
相見的一日。
被掟鞋時應有o既風度
外交部對溫家寶遭擲鞋表強烈不滿 認為行徑卑劣
2009-02-03 HKT 16:16
外交部發言人姜瑜表示,對於國務院總理溫家寶在英國劍橋大學演講時被掟鞋,中方表達強烈不滿,認為是卑劣的行徑,而英方已表明會依法處理擲鞋的人。
總理溫家寶在英國劍橋大學演講時被掟鞋,外交部發言人姜瑜表示,中方對事件表示強烈不滿,英方已向中方深表歉意,並表示將對掟鞋的人依法處理。
姜瑜表示,溫家寶在演講過程中,有人極力干擾現場,破壞演講,遭現場師生強烈反對,該批滋事份子在一片斥責聲中被帶離現場,而這種卑劣行徑是不得人心,也阻擋不了中英兩國友好合作關係發展的勢頭。
經歷過上任美國總統小布殊比人掟鞋之後,中華人民共和國o既總理溫家寶都比人掟鞋,其實沒有咩大不了。
仲記得布殊比人連掟兩次鞋,果次鞋真係飛在布殊o既面前,他幾廿歲人但係就一一避開,避完仲笑笑口,仲識得拎起人地隻鞋話係 Nike o既 10 號鞋。
溫總呀溫總,你睇下人地做得民主o既美國總統,就係同你 d 獨裁政府唔同--即使被喻為係五十年來最差o既美國總統,即使係幾咁乞人憎o既性格,佢o既即時反應,係識得化大事為小事,化劍拔弩張為一個笑話。
呢 d 水平(風度)真係領先中國幾百年。
各位中國膠門睇開 d ,中華人民共和國總理終於同美國總統睇齊,成為全球掟鞋人士o既對象,唔係證明左土共【大腳崛起】嗎?掟鞋又唔係掟炸彈,仲要掟得咁唔準,交比英國方面處理未得囉,洗唔洗發表咩【強烈不滿】,又話人地【行徑卑劣】之類呀?
早排有人掟布殊,唔係成班中國膠都拍哂手好開心,大讚掟得好咩?
唔少土共支持者仲將掟鞋改圖貼在各大討論區,好開心o架喎~
今次掟o既唔係布殊而係自己o既國家總理,唔知佢地係唔係立即一百八十度掉轉槍頭,學外交部話人地【行徑卑劣】呢?講黎講去,唔通掟美國總統係替天行道,掟中共總理就係行徑卑劣?恐怖份子炸美國,炸以色列,從來聽唔到有人鬧【行徑卑劣】,仲話人地入侵加沙唔岩,今次畀人掟隻鞋,洗唔洗咁大反應呀?唔通要大叫【抵制英貨】呀?
係囉~之前成班友改遊戲掟布殊,又冇人講話係要針對美國人;美國人民選o既總統比人掟,但係就唔係針對美國人民;反過黎唔知點解,一個獨裁冇選舉o既總理被掟,有人就自稱代表中國人民,就話係中國人民受辱!真係諗極都唔明…
一時又話溫總係好人唔應該比人掟,一時又話溫總係代表中國人比人掟,咁點解掟佢o既唔可以代表佢掟共產黨呢?話時話,除非支持台獨,否則台灣人民點樣承認溫家寶係【中國總理】呀?如果只係【中華人民共和國總理】,而唔係【中國總理】,又點樣代表海內外o既所謂【中國人民】呢?
溫嘉寶被掟鞋:
http://hk.youtube.com/watch?v=IQ_50VrLUBo&eurl=http://plastichk.blogspot.com/2009/02/blog-post_03.html
小布殊被掟鞋:
http://hk.youtube.com/watch?v=VFX-dKpcDz8&eurl=http://plastichk.blogspot.com/2009/02/blog-post_03.html
為分開而驕傲
今日2000FuN副會晴姐無喇喇msn到叫我唔好自殺
其實我只係諗詔想介手自殘下姐…冇自殺咁恐怖…
我將我同珊o既事由頭到尾講左次比晴姐聽…
晴姐基本上都係安慰我吧…
不過佢都講左句:鐘意一個人,並唔一定要得到佢o既人或佢o既心--只要對方開心就可以了。
呢句令我晃然大悟
其實我咁緊張珊有咩用呢?佢不斷避開我,唔想見到我…係因為我煩著佢
咁樣點可以得到珊o既歡心呢?
無錯~其實只要令到珊開心,我就滿足了
點樣先令到珊開心?唔再煩佢,唔想理佢,唔想送野比佢…等等
所以我應該要放手了。
但係我講左咁多次放手,最後都冇放到
其實自從珊同我講左句收皮後,我都知我同珊已經冇可能再做到朋友…
同埋好多人都認為我同珊玩完
加上希岩岩講左,認為我必順要逃離呢個痛苦o既生活--日日掛著珊,不但學業唔得,做事更會分心…
不過我同珊分開都有好處:
1.專心學業
2.專心反共產主義
3.忘記過去o既痛苦同埋快樂
4.令我睇會疑似分手o既感覺
…
我係咪應該為同珊分開而祇到驕傲呢…?
即使我得唔到珊o既人同埋佢o既心,我都好希望珊可以快樂咁生活落去
放手吧小任…面對+接受你同珊正式分開(絕交)o既事實吧!
………
2009年2月3日星期二
多做多錯,小做小錯
係珊果方面…
也許吧…人地私生活,識乜野人,我都要管咁…
其實我之前唔應該送咁多禮物比佢
咁樣不但只唔可以表現到我o既誠意,反而珊會認為我煩著佢…
我以為我做左咁多野,珊會原諒我
我太天真了
一個女人比人話似欣宜(間接話肥),連我都想像都會有幾嬲…
至少肯定嬲足一世記…
所以…玩完了吧?
多做多錯,小做小錯
以後就小 d 理珊吧…?
待有機會先再同佢講清楚…
故事時間:
有一位智者同一位朋友去旅行,行過一個山谷,智者一時唔小心失足,智者個朋友拼死咁救左佢一命。智者得救後,就係石頭到刻上呢件事。朋友問:真係有必要咁做?
智者就堅持要咁做。
智者係石頭刻下咁o既文字:係某年某月某日,係某山谷經過時,朋友某某救了我一命。
後來,係海邊,佢地兩個因為一件事而嘈起黎。朋友一氣之下,打左智者一巴。
智者摸著紅左o既臉講:我一定要記下呢件事!
朋友回答:隨你記,你先唔驚你呢~
於是智者搵左枝木棍,係沙灘上刻左:係某年某月某日,係某某海灘上,朋友某某摑了我一巴。
智者另一位朋友睇到之後就唔明白,問:你點解唔將呢件事刻係石頭上?
智者答:我刻係石頭o既,係驚我會唔記得o既事,我要石頭幫我記著;我刻係沙灘o既,係我驚成日都會記得o既事,我要沙灘幫我忘記佢。
故事完----------
結論:聰明o既人懂得善待別人,唔會抓著對方o既錯誤唔放,佢會用自己o既方式走出沒有結果的事情。
睇黎我唔係一個聰明人
我有善待他人,我冇抓著別人o既錯誤唔放,但我冇用任何方式去完結我同珊呢個冇結果o既故事。
但係我呢家有一件事必順要做--記低我同珊開心與唔開心o既事情
我刻係石頭上o既文字:係2008年5月尾至12月20日前,我同珊係呢段時間,經過電玩展,萬聖節等等o既開心事,令我人生充滿左快樂。
我刻係海灘上o既文字:係2008年12月20日,我因為一句【你似欣宜】而令珊嬲左我,令我從此失去快樂。
珊…希望我同你會再有相見o既一日…