不佔mbps數o既人生…

雖然話存在感弱眾人皆知…

但…
有一種不安感係呢排開始出現…

過多陣之後，相信都冇人記得我吧？
我所有o既經歷同所做o過既事，會被人忘記得一清二楚…

當然唔係而家，但會係幾個月後…
感覺…會被人遺忘。

冇人會記得我小任，當然亦都唔會覺得曾經有呢個人存在。
我呢個人，係呢個世界，根本唔佔任何mbps數。

即使係呢個世界上o既所有生物死物，都比我更有存在價值。

小任？對唔著，乜水呀？未聽過呢個人。

垃圾都不如o既我。
真係死左都冇人知，當然係冇人會理啦。

哈哈哈哈哈哈…

我早就應該消失係大家面前。
冇任何存在價值o既我，誕生係呢個世界上，真係一個悲劇。

冇任何開心﹑冇任何痛苦，生活有如行屍走肉。
呢種咁o既物體，唔應該存在…冇錯，唔應該存在。

哈哈哈…慢慢等著自己被人遺忘吧…


有時候，我都諗過想死，當然係自殺啦。
不過，通常講想自殺o既人係最淆自殺，呢點我認。

我想自殺，但又怕死，好荒謬吧？
哈哈哈，我小任就係呢 d 咁賤格o既人…唔係，我根本唔配稱為人。

想自殺又淆死，「我」…


「我」啊…真係存在係呢個世界嗎？
或許有吧…曾經存在過吧？

「我」…曾經以為自己真係一個「人」。
但係呢家，「我」先認清事實。

我唔係「人」，只係一個表面上似「人」，但內心已經腐化o既物體罷了。
對「我」黎講，「我」既無誕生過，亦唔會死亡。皆因我唔係「人」。

「我」真係好想做「人」…
好想而且，「我」並無可能成為「人」－－呢種有感情o既高等生物…

對，「我」係連垃圾都不配，只有靈魂同少量意識o既物體，而且。

「我」…
好想喊…奈何「我」冇呢個能力。
是啊，「我」冇得去喊，因為我唔係「人」。

不佔任何mbps數o既物體…嗎？
或許唔好用「物體」黎形容自己，因為「物體」總有佢地o既存在價值，但「我」冇，肯定。

哈哈，「我」原來係冇形容詞黎形容自己…

悲哀…抱歉，「我」的確好悲哀，但「我」冇能力去有呢種感情。


距離本人消失o既日子不遠了…
再見了，世界。