理性與感性的愛情

當你發現你同你另一半係計劃未來或其他方面有唔同，你會點做？

其實既然知道自己唔可以滿足到對方，你應該就要離開對方。
你要知道，對方唔會為你改變佢o既願望！

我知道我自己根本唔可以滿足到珊o既要求，所以先唔同佢講我鐘意佢。

我唔想因為我而令到珊失去左時間，我應該係珊仲有青春之時，比佢去搵一個任何條件都好過我/可以滿足到珊o既男人。


我可以克服到珊o既任性，珊o既不羈，但我唔可以克服到佢對未來o既願望。


何況我根本就唔可以比到安全感同【被需要o既感覺】。

我可能比唔到我所有野比珊，因為我可能冇一種立刻需要珊o既感覺…
可能有幾個好男人更需要珊呢…？


珊…希望你記著：
搵到一個需要你o既男友，有時比起金錢，也許更惑令你得到安全感。


而我呢？
也許吧…
我因為感性咁真心鐘意左珊，最後都係理性咁有小小唔甘心咁比珊出去尋找更多機會。

當然我冇咁偉大喇…
若果我真係好愛珊，咁我就更加應該放佢出去尋找機會…

只因我想珊o既未來可以幸福快樂。