不公平的愛情

男女關係，天生就注定唔公平。

我成日都埋怨：點解女生可以咁善變，咁情緒化，咁不求什解；點解我對女仔一定要咁有風度，點解我一定要養家，點解乜都係我接管？

係戀愛世界中，點解男生永遠都要習慣性去飾演付出者，而女生又可以永遠都習慣性咁做接收者？

就係因為天生唔公平－－姐係，上天對女性o既唔公平（其實雙方都唔公平，不過女性比男性更唔公平）～

係戀愛世界入面，女生先係慘受【愛情不平等的條約】制裁o既一方。

男生以上種種付出，都只係補償而已…

點解？因為我地由出世果日開始，男生同女生生命入面o既愛情版圖，入面o既成份所佔o既比例就已經全完唔同。對於男生而言，佢地o既一生，心理上就注定要面對好多方面o既鬥爭－－權力同金錢等等。另外，愛情大約會佔成個生命版圖約30%。

而我自己就佔40%。

咁女生呢？由於天職所限，佢地雖然要面對同時面對權力，金錢同埋愛情等。但就欲望而言，愛情，其實佔左成個版圖80%至90%！

唔信？諗多少少喇！
男生同女生書架上，邊個o既愛情小說較多呢？男生同女生的腦海中，邊個對婚姻有更多憧憬（希望）？男生同女生，邊個更希望結婚後就放棄所有事業，留係家到打理家頭細務？同樣係單身，點解五十歲男人CEO會被人叫做「鑽石王老五」，女性CEO就叫做「老姑婆」？

上面全部問題o既答案，都呼之欲出吧？

而我自己，基本上同大家諗o既都差唔多，除左結婚憧憬外，因為我對結婚都懷有好大希望，希望搵到個好老婆，可以建立到一個好o既家庭。

就算，同樣係因為貪錢，而選擇左同一個唔鐘意對方o既人結婚，你話邊個會慘 d ？女生一定比男生更慘。男生o既一生中，除左愛情，仲有其他果70%可以追逐；女生有80%至90%都放哂係愛情到。

一個兼職一個全職，男生仲要同女生一樣平等？未免太過份了吧？

唔好唔記得，你頭家一個人扛唔起果陣，你o既太太仲要係僅餘o既10%版圖入面，抽出精神去打工賺錢。


仲係到埋怨o既男生們，睇開 d 吧！下次接女生放工放學記著唔好遲到喇～