愛情的矛盾

其實我以前都唔知點解珊成日都會轉男朋友（我真係８公），長則半年，短則半個月…

之前問佢：「點解？」

珊答我：「因為香港有好多差勁o既男人，難得睇中個比呢家更好o既，點解唔試下呢？」

呢家我終於知道，珊其實係到搵緊佢o既真愛，可惜仲未搵到。

珊o既男友，多數都係網上/online game到識。有時係陌生人，有時係朋友o既朋友。根據我認識o既珊（呢個係估），佢對「男友」o既界線係咁樣定o既：相見第1日，嘻嘻哈哈同你玩幾個鐘－－呢個時候如果珊覺得佢感覺良好（有感覺果類），就會遲 d 再約佢（係珊主動約）出黎。
但苦果男友想表明想同佢建立性關係，珊係堅決拒絕o既。

第2次見面，若果雙方都有好感，就會開始單獨行街，展開左呢家所謂o既「散拖」（短暫）o既關係。呢類拖通常都係手拖手行街，睇戲之類。若果珊o既男友想上佢屋企，珊都會緊決拒絕，因為一日未有確定o既感覺，珊仍然唁想咁快「見家長」。

通常一兩個月後，珊通常會逼自己做決定－－若果冇超過70%o既發展成功感，又或者發覺對方只係想同佢發生性關係，又或者對方已經有女朋友之類，珊就會提出分手。


我諗緊：究竟有幾多個人可以pass，可以成功渡過呢幾個星期o既試用呢？
睇見珊以前，我諗我已經有答案：每4至5個就有1個吧～

過左試用期，某人可能就會成為珊o既「官方男友」。雖然珊未必會公諸於世，到處宣揚，但我有時問到，珊都會承認佢地兩個交住中。

但係，珊o既「官方男友」，最多只係維持左半年有多（差唔多喇）。
或者香港好男人真係太少了吧？

我想同珊講一句：「其實，係咪認識地點問題？－－你想係網上識到好男人，會唔會矛盾左 d 呢？」

也許珊會回我一句：「連網上唔泡o既男人，有乜野樂趣可言呢？」

珊…愈矛盾o既女人，就愈希望得到完美o既愛情啊！

網上識男友，不如係現實識喇，至少你會知道佢對你係咪真心…