期待我對珊會有夢醒的一天

就用一個故事做個開頭吧…

係好多年前，一位黎自澳洲o既女人，佢當時21歲，岩岩係大學畢業，佢同佢個女性朋友決定左要實踐一個理想－－用兩年時間環遊世界。

揹著背包去周遊列國，雖然有 d 【老套】，但更老套o既係，佢地決定唔為旅程作安排，而係隨感覺－－覺得去邊到就去邊到！

旅程開始後，佢地先猶澳洲到左峇里，之後去左新加坡。新加坡對年青人黎講，唔算太好玩，於是好快轉左去曼谷。

係曼谷 hea 左幾日，旅程出現左個變掛。

女主角o既旅伴表示好掛著澳洲o既男友，好想返去澳洲。

其實呢個本來就係一個感覺旅程嗎？所以果個女仔好快就唔理女主角，一個人返左澳洲。

女主角一個人係曼谷，當然會覺得驚驚地喇，但又唔想放棄理想，於是佢做左個決定－－女主角打電話返去澳洲，邀請左一位男性朋友（唔係情侶），陪佢繼續行程。

點解要搵個男？因為女主角發現果位男伍朋友一直都鐘意佢，而女主角自己就唔鐘意佢。裙下之臣（觀音兵），一定唔會拒絕。

果然第2日，男o既就飛到黎曼谷，企左係女主角面前。

女主角同果位男o既繼續行程。佢地兩個到過斯里蘭卡，中東，英國，荷蘭等地，後來因為要搵旅費，而又返到英國。

兩年o既旅程入面，佢地經歷左好多好多事情，一個又一個o既困難，咁佢地兩個最後有冇起埋一齊？佢地o既關係又變成點？

答案係關係冇變到，關係冇變到自然就唔可以開始喇…
男愛女，但女唔愛男－－男處處為女付出，但女仍然對男呼呼喚喚。

點解女對男咁差？
因為唔鐘意就係唔鐘意！

男對女越好，女就越內疚，內疚令女唔開心，唔開心令佢感到對唔著自己，於是唯有傷害男，等自己平衡返 d 。

最後，成個旅程只係維持左半年，之後佢地就返左澳洲。

男係去左呢個旅程後，就冇再搵女主角，男更明確咁講：「呢個係我一生之中最差o既旅行。」

女主角都認同男o既講法。

只係用左半年時間，就可以比自己夢醒，咁樣未必算係一件壞事吧…？




故事完喇…

我同珊o既經歷，呢半年黎，究竟係咪只係一場夢？
如果係，咁我幾時先會夢醒？

珊明知我早就鐘意左佢，但點解佢唔講出黎？
命也？天意也？風水也？

我唔知道呀！
我呢家只係知道一樣野：既然珊都唔鐘意我，就不如果 d 離開珊～

唉…呢家只可以見步行步，珊…
難道你對我真的一點感覺都沒有嗎？