離開與否的智慧

我一直都諗緊一個問題：珊究竟係咪我o既真愛呢？

何謂真愛？「愛一個人，不單只是互相欣賞對方的優點，還要包容對方的缺點，互相信任，除了照顧對方生活上實際的需要之外，還要照顧周到對方心靈上的感受！」

我愛珊，但係咪要接受佢o既一切，照單全收呢？有必要經常為左珊改變唔到o既性格，同埋處事方法，令到珊深受心靈上o既傷害呢？
係lo…究竟有冇必要呢？

一位教授曾經咁講過：「既然不愛人家，就該及早離開，免得耽誤了大家的青春與幸福！」

將呢個答案套落去我到，絕對適合。

珊係我心儀o既人，我的確係好希望可以同佢廝守終身。但珊可能有保留，或者佢唔係真係鐘意我。呢個時候，我一相情願咁付出自己o既情感，結局最後只會有兩個：一係珊就被我感動，同我一齊，但呢段感情隨時可能會崩塌；一係珊冷漠咁離開我，任我對佢再好都係冇用。

呢家答案好明顯係後者。咁樣，我應該選擇毅然離開，定係繼續堅持落去？

好難答吧…？

畢竟面對自己所愛，係未絕望之前，點可以輕易放棄呢？只要能夠挽回戀人（珊）o既心，自己犧牲切都在所不惜。

但換一換角色－－假設我係珊，係我根本冇打算接納對方o既大前提下，你會選擇離開，叫對方死心，定係選擇自由發展？

答案已經係呼之欲出－－既然不愛人家，就該及早離開，免得耽誤了大家的青春與幸福！

果位教授最後總結話：「係人生中，離開與靠近是一門很大的學問。有很多人在面對問題的時候，本該離開卻選擇了靠近，本該靠近卻選擇了離開，所以他們的人生路途，走得趺趺撞撞痛苦不堪。如果你們連分辦離開與靠近的智慧都沒有，那麼所有的人生規劃都是空談，再學什麼也是枉然！」

真係要離開珊呀…？
連分辦離唔離開o既能力都冇呀我…我點做中學生呀？

唉…真係要走呢一步？我同珊真係冇得救？