目的與手段

乜野係「目的」？乜野係「手段」？

感情（愛情）之所以經常令人神經失常，就係因為佢係冇一種定律可以用黎依循…

我同珊起埋一齊，「目的」同「手段」係乜野？

表面上【我同珊要起埋一齊】係「目的」，「手段」就係【嘗試同珊行埋一齊（如拍拖）】。

其實呢兩樣野係好亂，套係愛情上就更加亂七八糟…

其實我自己都搞唔清我同珊起圭一齊o既「目的」係乜野，也許只係想要一段婚姻同埋幸福吧…？

但我同珊根本就係兩個世界o既人，我強逼自己要到珊鐘意我，得嗎？
簡單黎講，姐係我單戀喇（我鐘意珊，但珊有另外一個對像）…

咁樣o既關係，可悲嗎？

都未算，更可悲o既係，我係我自己自道o既情況下連自己都呃埋…
珊對我o既「手段」係敢愛敢恨，而「目的」係乜野連我都唔知，我仲要去同珊發展關係，你話係咪可悲呢？

「手段」同「目的」係配置上出現問題係一種好常見o既問題…

其實我對愛情，情人o既「手段」好簡單：
【I LOVE YOU】～

Ｉ－Inject－－投入
對自己所愛o既人，投入自己所有o既感情，等我所愛o既人感受到我o既愛係存在；對自己o既投入，投入自己對愛o既理念，對愛o既真諦，對雙方未來o既理性思考。冇投入o既愛情，好難係現實存在。

Ｌ－Loyal－－忠誠
對自己所愛o既人，係一種必需品。冇左忠誠就唔會有愛情，雙方都要將自己o既愛全心投入到對方身上，對愛情觀o既一種見證，對愛情o既負責。總之忠誠係真愛o既必備之物。

Ｏ－Observant－－用心
對自己所愛o既人用心，當然同樣都唔好忘記對自己用心。如果一個人都唔可以對自己用心，咁樣仲可以對邊個用心呢？所以對自己用心，善待自己，都係不可缺少o既。用心雙向，用心去理解愛情，雙方o既愛情先會更加牢固。

Ｖ－Valiant－－勇敢
勇敢，係要獲得愛情o既必惼武器。呢個武器好容易得到，因為佢就係自己o既身上。愛情係需要勇敢，勇敢去面對自己伯3愛情，等自己o既愛情唔好留低全何遺憾，勇敢去為自己o既愛情去打拼，勇敢去為自己o既愛人而努力奮鬥。

Ｅ－Eniovment－－喜悅
喜悅，就係係得到或者經歷左上面o既一切後所獲得o既果實。雖然呢個仍然係一個未成熟o既果實。不過當睇到果實o既形成，我就會知道自己以前付出過o既努力係有回報o既，就會沉醉係喜悅當中。總之果陣時o既喜悅就係對愛情o既肯定，因為愛情而存在。

Ｙ－Yes－－願意
願意，當睇到呢個字詞時，諗到o既多半係電視劇入面o既情節。牧師係新人o既中間，問女方，你係咪願意嫁佢嗎？男方都係一樣。喜悅同願意，所得到o既成果就係一個成熟o既果實。願意，願意將自己交比自己所愛o既人，總之講出願訛就係得到愛情前最美好o既時刻。

Ｏ－Obligation－－責任
責任，獲得左愛，所面臨ｏ既負擔將會加劇，對愛情o既責任，對自己努力得到愛情o既一種延續，係對自己所愛o既人一種負責，亦都係對自己o既負責；對家庭o既責任，愛自己o既親人，唔好辜負左愛人對你o既愛，呢種愛已經轉換到家庭入面，為之努力奮鬥係我地所必備o既。

Ｕ－Union－－和諧
和諧，呢個字詞向來都係對家庭而言o既，一個和諧p既家庭係每個人所嚮往，亦都係我地所追求o既並為之努力創造。和諧可以比到人以安靜詳和o既一種感覺，比人一種白頭到老o既意境。總之和諧係美好愛情o既境界。



以上8種真諦，係我對愛情o既睇法…亦係我對愛情o既「 手段」。

但，珊會唔會欣賞我o既「手段」呢…？

以珊o既性格，目標清晰，意志堅定，快捷敢言，敢愛敢恨，為現在，為未來有要求…等等表現，珊會真係想同我一齊咩…？

我同珊根本就係兩個世界o既人…

唉……
總之，愛情會令我對所有事物變得更亂…