我人生的一個願望：原諒我吧…

3月14號就係白色情人節喇…
但…

呢個情人節同2月唔同o既地方，係在於－－當有人係2月14號送左野比你之後，表明鐘意你，而你又想同佢講返你又鐘意佢，你就可以係3月14號之前送野比佢，表示你都鐘意佢。

姐係呢個節日又同我地 d 單身冇關喇…

唉…

14號…又係星期六，有咩做呢…唉…

什麼了？點解我又諗起珊o既…？

係喇，我之前諗緊白色情人節送 d 咩比珊架bo…
但…我諗呢個念頭可以打消吧…？

畢竟我唔係珊o既邊一個，何況佢都有男友lo，我諗珊男友都一定會送野比珊吧？
至少珊一定唔會重視我份禮物…

但我真係控制唔到自己，我真係好想買份禮物送比珊…
唔通我個心仲未忘記珊？

唉… d 人成日叫我忘記左珊，搵過另外一個，但我開始對拍拖有陰影…
我成日驚我只係單戀人，如果我同佢開始，反而可能會害到佢終身咁…

唉……
究竟我幾時先可以得到一個解脫－－原諒呢？

我記得今日中文堂教過，某個作者因為早前得罪左佢朋友，但呢家得唔到佢朋友o既原諒而後悔當初。
如果珊忘記左呢件事，我呢一世都無可能再得到原諒了…
即使珊第時可以同我做返朋友，如果佢都唔肯話【我原諒你】，咁我呢世就生存得有遺憾了…

即可珊諗起呢件事發哂火，都好過諗唔起…
我唔想珊係記憶入邊會冇左我小任呢個人…

即使我係佢仇人都好，只要珊仲記得我，諗起我閎係發火定乜都好，我就無憾了…