愈做愈錯的我（下）

一早就被珊分到【無感覺】o既組別，愈係付出，珊就越容易感到唔耐煩。

特別係 d 有誠意o既行動，只會令珊特別抗拒…

係珊心入面，我只可以間唔中送下 d 手袋，手機等用完即棄o既野比佢，但佢珊應該最怕我未得佢同意之下，一廂情願咁去為佢實踐目標。

我以為珊好鐘意同我吹水，所以成日都一上msn就搵佢，我什麼推哂公會所有活動，為求同珊吹水，又扮鐘意佢 d 明星等，以博【紅顏一笑】，可惜最後………

珊只會怪我破壞左佢夢想－－因為我強迫珊o既夢想同我掛左鈎。

決絕o既珊，有可能唔會再鐘意返呢樣野，呢個歌星/名星，又或者靠自己（或另一個男友）o既力量，重新去做過另一樣野…

以上 d 行動令珊反感o既原因，係佢會覺得－－我根本都冇叫你去做！－－而當我做完之後，珊又可能會覺得我專登要佢欠左我咁，於是更不忿。珊同我由只係朋友，開始變成仇人，討厭我。

除左理想外，另一個同樣唔掂得o既－－係偶像。

（假設）我知道珊鐘意某歌手，於是千方百計為佢搵黎獨一無二o既演唱會門票，又或者係絕版o既偶像（或其他）商品，以為珊會鐘意，點知係我發夢娶媳婦－－珊會兜得我褻瀆神明呀！

同自己唔鐘意o既人一齊去睇演唱會，一定唔會開心快樂。自己最喜愛o既偶像珍藏比唔鐘意p既人掂過之後，就唔會再完美。




我諗珊呢家仲可能會同我講一句：「你點解要為我做呢種事？如果你唔做，我仲可能會尊重你多 d 。」