愈做愈錯的我（上）

女仔，係唔可以比你感動返黎o既。

當你遇到唔鐘意自己o既女仔，你可能會努力咁付上金錢，時間，誠意，送上最名貴o既首飾，係下雨天苦等三個鐘頭，用好多心機，搵到佢最愛o既絕版唱片…你以為就可以感動同佢熱淚盈眶，投懷送抱－－蘆好意思，果 d 只係電視劇o既橋段，現實世界入面係好難發生…
因為女仔心入面會條線，你係過唔到。

女仔天生都有個分類器，見面第一刻，第一眼，佢就下意識咁將來你放入分類器，將你分組－－【有感覺】同【無感覺】。

能夠入到【好感覺】組別o既，未來一定條件好，亦不一定係好鐘意果隻，只不過係對佢有一種－－【唔抗拒去戀愛】o既感覺。果種男生，只要付出一般追求女仔o既手段，就可以進入女仔考慮範圍。之後會唔會開花結果，就視乎女仔o既性格同取捨了。

至於【無感覺】果組，就以我做列子喇～
呢個組別，好簡咬，就係完全冇感覺。
當中有小部分係直接o既反應（一見到就會好反感），但有更多o既，係連反感都冇，係完完全全覺得你唔好但又唔壞，不喜不惡，根本連佢小小反應都冇－－就係完全冇感覺。

就好似我咁…
珊第一眼見我，始終都冇見到佢男友咁開心。
呢家珊對我係非常之反感，所以我冇機會可以同珊表白了…

即使我當著面同佢表白，通常都會嚇到珊雞飛狗走。


女仔（包括珊）亦有一個好普遍o既性格－－愈係冇感覺o既男生，你愈為佢做得更多，就只會越反感。

我就係一個好列子。
珊同我絕交之後，為左可以挽回呢段友情，於是我發全力，用金錢，時間，誠意等，完全奉上，為求珊可以原諒我o既過失，但結果卻係反面收場（收皮喇你）～

或許我當時唔記得左，愛情（或友情）係一種感覺，係抽象o既，絕對唔係1+1=2－－【愈努力付出就有回報】，呢個定理唔適合用於愛情。

正如我點解會愛上珊一樣，都係咁不可理喻o既感覺。

我愈做，只會愈比珊睇唔起我…