真的不悔嗎？

楊不悔，係《倚天屠龍記》入面其中一位女主角。

名字由來係咁o既：
峨嵋派女弟子紀曉笑，在一次巧合下，意外地救了明教光明左使楊逍。

佢地兩派係講明勢不兩立，但係楊逍卻愛上左紀曉笑。

由於呢段係一段世間不可能容納o既愛情，紀曉笑多次拒絕楊逍o既愛意，因為楊逍死纏唔放，係某一次機會下，楊逍強暴左紀曉笑。之後紀曉笑偷偷離開。

之後，紀曉笑發現有左身孕，佢生左個女之後，就改名為楊不悔。
代表紀曉笑係楊逍o既妻子；不悔，代表自己對呢段感情o既不悔。

當一個人係感情或愛情上用上【不悔】二字，都只因為當中涉及一定o既錯誤。
而【不悔】o既意思，就等如【我知道呢個係一個錯誤】。

但紀曉笑同楊逍o既錯誤，好大可能係愛情開始之前就已經係到。紀曉笑知道錯誤，但佢就知錯而錯，最後又比一個【明知o既錯】發展成【不可收拾o既錯】。

大錯已成，補救亦做不了，還可以講什麼呢？

於是只可以向大家承認－－【我知道呢個係一個錯誤】，而為左挽回面子，或者等自己好過 d ，就會加上一句：【但我唔會後悔。】

所以當一個人，大大聲咁同人講：【我對果段感情不悔！】
其實並唔係一件好有型o既事，因為咁樣只可以表示係明知自己犯左一個錯，同時亦等於接受自己犯左呢個錯。

《倚天屠龍記》中，紀曉笑雖然幫個女改名做楊不悔，但要留意，就係佢同楊逍，最終都係分開生活。佢愛楊逍，楊逍都愛佢，佢地絕對可以有更好o既方法，等佢地兩個可以一齊遠離江湖，遠走高飛。

但係佢地做唔到～

因此，【不悔】除左等於【我知道呢個係一個錯誤】之外，另一個意思就係暗示【當初本來可以處理得更加好】。

可惜我做唔到…


珊…你對我呢段友情，真係不悔嗎？真係少少開心o既回憶都冇…？

後日就係白色情人節了…我除左送禮物比你之外，只可以祝你前途無可限量，能夠搵到一個愛你o既好男人…