企圖？錯覺？

今日溫完書開機上2kf壇到睇，係失戀區到有一個人分享佢失戀o既情況，令我都好驚會係我身上發生…

話說樓主鐘意左一個女仔，之後向佢表白，但被拒絕…

之後佢個朋友話可以幫樓主同果位女仔"搞好關係"…

有一日樓主朋友約佢出黎話佢有個新女朋友，想比樓主見下…
點知……

原來樓主朋友個女朋友係樓主心儀果位女仔……


－－－－－－－－－大約係咁－－－－－－－－－－－－


潘某，究竟你係咪想借我去追「佢」？
你利用我唔緊要，起碼都比我知先喇，如果你有一日真係同「佢」一齊手拖手咁出黎，我真係唔知會做咩…

即使我係被你洗腦，我暫時都控制唔到我鐘意「佢」…

潘某呀，你最終目的係想借「佢」黎玩我嗎……？


心姣痛……


點解我愛情同命運都要被人操控+玩弄？
天也？命也？

可惡！

即使馬泳如話【女仔大把可以慢慢搵】，我都係唔甘心！
點解我冇權去鐘意我想鐘意我o既人先？

潘某，你究竟係我朋友定係我仇人定情敵？
你對「佢」係咪有意思？唔好同我講【好笑】。
今次我一定搵你對質！



另外有一個回覆都係我最唔想見到，亦希望係我錯覺…

話說回帖果位人兄鐘意左一個女仔，但因為佢細膽而唔敢表白，最報果位女仔親口同佢講：

「我知道你係鐘意我，點解你鐘意我唔向我表白呀？你知唔知我鍾意左你好耐呀？不過你而家先同我講都已經太遲喇，因為我已經有心上人喇......」


某人…我希望你唔會同我講呢句野，即使你睇左【潘某代我寫果個塗鴉】…

我亦都希望個係我錯覺，因為我唔可以愛上妳…
雖然馬泳如話愛人無分階級，但係我始終…好介意…我同你o既距離…


唉…又多兩件事令我心姣痛同心亂…