原來我先係電燈膽…（5月2日）

今朝諗著3點先出街去圖書館做功課，6點就去彌撒…

點知12點幾果時潘某打電話比我，話要問我借$30比佢…

之後我緊係以我最慢速度去新城市中心喇…

都估到會有古怪架喇…
去到m記去到佢同龜係到打緊機…

唉-.-
又唔係冇錢食野，洗咩call我出黎先…？

真係好唔自然，做左第三者…

於是借口去圖書館做功課就閃左人…廢事阻著佢地發展…
我睇得出龜係鐘意潘某架…（通常自認係tb o既，應該就唔係tb）

做左一粒鐘，就去搵返佢地…原來佢地叫埋pc落黎…

之後就去左新城市到周圍玩+hea…

玩左乜野呢…紅綠燈（我居然唔識玩-.-），猜樓梯，影 d 無聊想等等…

之後又去左史路比主題公園到同細路玩魔街（我都難以置信-.-）
連video都拍埋-.-

但…唔知點解，當時心頭上有種妒嫉感突然間爆出黎…

點解？當我只要睇到某個情況，我就……

於是係去彌撒途中我就失去左意識……
唉……咁樣比佢o既感覺咪只係會更加無用…

呢個情況直至到彌撒開始前…
飲左一杯凍水，成個人……精神哂！

原來我失去意識o既救星就係一杯凍水…
不過又有咩用呢…？


彌撒之後被逼去慶祝母親節…

好彩我唔死心，未食完就提早走人返新城市…

大約9點45分撞返佢地…

之後龜話想去文化中心門口睇人跳舞…

唔知點解我同潘某係靜哂…龜問我地都答唔出點解…

之後就散水lo…

潘某話想去河畔買啤酒飲…

飲之後9成我又失言喇…唔記得左自己講過 d 乜…

本身想係城門河大叫，但係唔知點解今晚仲旺過彌敦道…

同埋潘某講左比我聽，話佢今日帶左佢去貼紙睇到果樣野…

唉…我同佢o既關係玩完lo……

知道之後，我係好絕望…因為龜睇完之後冇反應…
佢開心又好，嬲又好，總之有反應都好過無反應…

玩完……

潘某叫我直接同佢講清楚，以免第時…
佢將我想同佢講o既野打哂落手機到………

好彩我等佢打完之後即時拎返部機走… ＜ 只希望呢個動作唔好令我再後悔！

我真係好亂…大叫又叫唔到…
痛苦o既感覺…

我果陣可以做o既就係訓係賓景後面河畔o既圍牆到，一邊聽歌，一邊望星…

望星果時居然下意識咁講左佢別名好多次…
想你的瞬間…究竟我係咪真係愛上你？

我真係唔知可以點做先可以表達到我o既愛意…
呢個問題直接影響我留唔留係主日學o既決定…

唉……永無休止o既痛苦…


我睇得出佢係鐘意潘某…
我真係唔想做佢地中間 o既 第三者…
電燈膽小任…

唉…