愛真係堅定不移嗎？

係以前，我相信世界上係存在著堅定不移o既愛（戀情）；以為只要心入面有對方，即使相距千里，都可以連繫起黎…

但今日我相信：今天堅定不移o既愛，明天都會被動搖。

珊可能係一個好例子…
雖然我同佢唔係情人，但我係暗戀緊佢呀…

12月之前，我同佢o既朋友關係已經發展到好到冇得再好o既地步。
我以為只要我心入面有著珊，我同佢就一定會…

可惜，我一句話摧毀左我自己o既希望…

愛情同友情，真係堅定不移嗎？
今日可能係情人/朋友，聽日就係可能情敵/敵人…

珊…多謝您比左呢個教訓我，感激不盡！

人我想得到依靠時，最愛o既人未必可以出現，好自然，人就會選擇佢身邊果一位…

唔通就係呢個原因，令我鐘意佢（唔係珊）？

我可能愛佢，但佢係唔愛我…
我知道o既…
我知道你係非常之憎我﹑討厭我…


或者我應該搞清楚一點：眼前o既佢，係愛人，定係友人，定係仇人呢？


今日o既我，已經唔會再咁天真咁傻，再去相信咩「永恆的愛」等…

不過珊同某人，真係好感謝你地o既教訓…
令我相信愛情唔係堅定不移的！