謝謝您給我的驚喜

故事時間：

Sam 同 Yuma 因為一 d 小事而罵到絕交了。其實 Sam 一直都好遷就 Yuma ，認為 Yuma 只係細路仔發脾氣，Sam 萬萬都估唔到呢場冷戰一拖就已經係兩個月。
Sam 感到非常無奈，對 Yuma o既脾氣感到難以捉摸，佢信再花 d 時間同心思，應該可以同 Yuma 和好如初。

Sam o既生日將至，佢邀請左一班好友出席party，當然 Yuma 亦都係邀請列中，Sam 希望係派對上與 Yuma 和好之餘，仲諗著比個驚喜佢。

生日派對當晚，大家都非常盡興，Sam 成晚就心不在焉，因為 Yuma 仲未出現，佢只好周不時望向門口，昐望可以係第一時間見到 Yuma 。

差5分鐘就12點正，呢個時候 Yuma 已經黎到，朋友話左比 Sam 知，但由於人太多，視線搵唔到搵。

Sam 穿過人群，終於見到 Yuma 喇…

愛人係眼前，少不岡掩唔過心中o既喜悅－－呢家係 Sam 成晚最快樂o既時刻，因為佢要送上o既驚喜，就係當眾向 Yuma 求婚。

正當 Sam 伸手入口袋拎出戒指時，Yuma 身後出現左一位男人，Sam 從未見過亦無邀請呢個人，佢係邊個呢？

Sam 見到果個男人將手放係 Yuma o既膊頭上，態度非常親密，呢個人唔通係 Yuma o既新歡嗎？

Sam 唔敢相信呢家見到o既野，腦海即刻諗出十萬個藉口。佢正想開口問清楚時，場內已經奏起生日歌－－12點正了！
蛋糕推到面前，Yuma 同呢個男人被朋友群埋沒左。Sam 視線一直冇離開過 Yuma，因為佢係到牽著呢個男人遠去…

Sam 將戒指收返係口袋，接過切蛋糕 o既刀，一片歡呼聲後，Sam 在切出一片三角形蛋糕o既同時，眼淚亦都滴係刀柄上…

故事完…－－－－－


我真係好驚，我真係好驚呢個情況會係我生日會到出現…（當然我今年未必搞生日會）

我以前係夢入面已經見過呢個情況－－珊拖著佢男朋友係我生日會到出現…

我真係唔想見到呢個情況！如果係咁，不如唔生日仲好，反正係又一日，唔係又一日！

好難相像見到自己鐘意o既人係自己生日會上拖著另外一個男人o既手會點樣…

唉…

不過如果真係可以令我知道佢係唔鐘意我，我諗呢個驚喜係值得o既…