給珊的一封書信

眼看心愛o既人離去，係十分難以接受o既事，獨自生存落去，需要有更大o既勇氣，先可以去面對呢個事實～



To珊：

珊，妳同我已經絕交左3個半月喇…
唉…諗返起我同妳o既野，仲好似係尋日發生咁…

【我呢家唔係話要轉新目標咩？點解我仲要諗返起珊呀？】

其實…如果我冇認識到珊妳，我諗我呢家個人仲係好低B，妳真係可以話係幫我啟蒙o既重要人物。
妳令我認識到愛情世界入面係點樣，點樣先可以愛到轟轟烈烈，又可以輕鬆咁分手，更加令我體會到亂講野o既後果等……

可惜我自作多情，錯誤咁愛上左妳，而令到妳心靈愛到傷害，真係對唔住…
我知道呢家講乜野都無補於事，雖然我好想妳可以原諒我，但我知道妳一定唔會原諒。


唔知點解，係我同妳一齊玩o既日子，我感覺自己過得好開心，好充實，或者只有妳先可以比到真正o既快樂我吧…？
原來我比到妳o既，唔係幸福，而係開心快樂o既感覺…

珊…希望妳仲會記得係呢個世界上有一個叫小任o既人，同埋記得小任同妳一齊玩o既回憶…
不論開心定唔開心，我都會將我同妳呢段友誼銘記係心入面，直至我生命終結…

希望珊妳都可以將呢段友誼銘記於心…


祝
身體健康，青春常駐，幸福快樂
　　　　　　　　　　　　　　　　　　 　　　　　　　　　　　　　　　妳的好朋友
　　　　　　　　　　　　　　　　　　　　　　　　　　　　　　　　　　　　　　　 小任