雖然緣份已盡，但機會還會來吧？

星期六夜晚，出完沙田後返黎，見到徒弟係msn到sd左個句野比我：
2009-4-3 08:16p.m. betsy02329（珊） 自由退出

珊走了…

珊…我同你o既緣份係咪已經到左盡頭…？
即使做唔到情侶，但都可以做到朋友吧…？

珊你點解仲要唔理我…唔通你仲未原諒我…？

唉…星期6成晚就因為呢件事搞到我成個人悶悶不樂…


就係呢個時候，我收到pc電話，話聽朝早約左龜（專登提龜做咩？）去望彌撒…我居然諗都唔諗就應承左pc…

明知係個陰謀都仲要去…？
其實我只係想借龜去忘記珊者，我對龜冇任何非份之想（唔敢有先岩），我同龜只係朋友，ok？

朋友only！


到左星期日，成個人呆哂。
唔知點解訓左一晚，成個人都變到冇哂精神，即使見到龜，我都唔覺得太開心，唔通又因為珊…？

呀！唔係話要忘記佢咩？
自從我失去珊之後，我成個人變到冇哂目標－－除左政治上o既目標之外，我人生仲有乜野目標可言？唉…

機會幾時會再光臨我呀？

食完早餐之後潘某走人先，得返4個人去行沙田幫龜睇袋…
終於知道女人買野原來係要用咁多時間…

用成個半鐘先買左個$328 o既袋…
有人話叫埋我買埋同龜一樣o既袋，乜野情侶裝-.-

袋…我唔諗著買，遲 d 先買都唔遲喇…


買袋其實同做人一樣－－最緊要買左先，唔好後悔，如果你呢家唔買，聽日就可能有人買左，到時後悔都冇用喇…


行街居然可以領悟到 d 咁o既野…

龜同其他人走左之後，我就自己一個走左去圖書館幹掉左2樣功課。

走之後，見到頭條新聞20週年o既野仲係到，但今次居然有個大發現…e？果個人咁似主持人細豪o既？

經過我幾番掙扎後，我終於敢開聲問佢：請問er…你係咪細豪呀？

佢話唔係…我都知佢-.-
同埋佢仲話聽日頭條新聞係尖沙咀會有活動，叫我去參加…


我一定會去呢！

原來做毒男開聲問句野都要掙扎咁耐…
但我冇後悔，因為我有試過！即使知道佢唔係細豪，我都冇後悔。




唉…總是快 d 忘記珊喇；龜，我以後要靠你喇－－借你幫我忘記珊！
如果以後有咩得罪，龜請你原諒喇>_____________<