心聲

珊…

提起您，係以前，我會非常之緊張：「你到底知道我同珊 d 乜野？」

但係呢家，當有人再提起您個名，我已經唔再緊張，而係不痛不庠。

或者可能我已經搵到新o既目標而忘記左您吧？

果然，一段新o既戀情係可以消去舊戀情o既痛苦…

雖然我同新目標o既發展可能性係極低，但我對佢，並冇好似珊您咁，比我一種高不可攀o既感覺…

珊，其實您o既一舉一動，的確可以令我學到好多野…

係您令我明白乜野叫做單戀…
同埋令我知道單戀對自身o既傷害有幾深…

如果我冇認識您，我諗我到呢家都仲係好天真好傻，以為呢個世界係圍著我而轉…
係珊您，令我睇會到世界o既各種複雜o既關係同埋事物…


珊…即使我唔係您o既心儀對像，我都希望您可以放低您對我o既成見，可以做返好朋友。
我唔期望好以前大家可以成日傾計，我亦都唔期望可以成日見到您，我只期望msn可以再次見到珊您on…

當然，珊，我對您仲有好多心聲想講，數之不盡，但係今時今日，暫時只可以講到呢到吧…

都係果句：期望珊您前途無可限量，可以搵到一個比到幸福您o既青鳥…


有緣再見，有緣再談吧，珊！