究竟今日過得有意義嗎？

今日大朝早起身，食個m記早餐就去左主日學

咁就返去做乜？今日主日學有個義工活動－－幫公公婆婆【大掃除】

我被分到去新田圍村，因為人為失誤，係主日學出面行左個圈，之後飛的上到新田圍先話要工作證
結果要人跑返落去

不過都冇阻到

我地去左陳婆婆到，同佢一開始誚左幾句，就開始邊做邊同佢吹水

我發現…呢個婆婆都幾好客

雖然成日要我清潔呢到，果到咁，但係我反而好似好開心

當我聽到婆婆會心一笑時，成身o既即使好似充滿活力咁…

結果一做就做左兩個鐘頭…

個婆婆真係好好客，唔知點解我呢家反而對做家務上左隱咁… （我記得呢位婆婆叫做陳少蘭）

同陳婆婆道別後，就去左另一間到搵湯婆婆，可惜佢唔係到…

之後去左另一組果到睇下有咩幫到手，結果2個鐘o既事15分鐘做完

之後去左茶餐廳食野，不過我冇乜食到野…

之後就跟左班朋友去玩

之後去左買玩牌，玩左好多我唔識玩o既野…

之後就返左聖堂話要諗禱文

之後無喇喇佢地話我有買果 d 野…（唔講得係咩）

之後無喇喇就上左我課室攞左我個袋走，係咁係我個袋到拎我 d 野出黎

我真係睇唔順眼，一氣之下就攞埋本【中國近代史】走左出去

去左麗豪果邊停左落黎…一路睇書，一路諗：我係咪會太少會呢？

但始終人係有底線…
唉…

我當時係想像唔到會點樣…

之後等到4點50分我開始返去聖堂

我當然果時仲未下哂火喇，仲係好嬲咁上4樓

我個老師話好多人係聖堂到都搵緊我，我忽然覺得自己好衰格

要咁多人黎搵我一個人…好難落台咁…

為左唔令我 d 火係堂上爆發，我除左眼鏡去上堂

今日有位姐姐定妹妹（同年）黎左我地班做客串小導師，但係我好似比左好多事佢做

如果有o既我係到講聲sorry先…

由落堂至到彌撒完之後，有4個人向左我道歉
其實我諗返起都唔係太嬲o既，再加上我份人好易哄，應該就冇事了吧…？

之後我急急腳走去灣仔做節

本人最後一個出現，當然就到好多親戚o既問責喇

回頭一望，見到我表妹
好似唔識佢咁…哦
原來佢靚左（索左好多）
真係睇唔出－－冇帶眼鏡+冇爆牙，果然係唔同

之後我地一齊同我細表第一齊玩左陣就走人…


唉…今日真係好支力呀…但係今日算唔算過得有意義呢？

做義工…應該有吧？至少可以令到人開心，我就應該心滿意足了…


陳婆婆同湯婆婆，祝你地身體健康，長命百歲