好不幸o既我－－小任，係無意間不但只做左人第3者，而且仲破壞左人地o既一生
雖然珊呢家又轉左男朋友，但係我好似仲係無形咁破壞緊珊o既感情…
淆成日都話我我鐘意珊
係！我係鐘意珊
之前我點解唔講真話？
好簡單－－因為我唔想得而復失
其實我，係好怕失敗，不論學業事業，都好驚會失敗
呀媽成日同我講如果你做人失敗，下場仲慘過雷曼 d 苦主
珊係我第1個我睇得上眼o既人，已許是我第1次鐘意人吧（小任都會鐘意人？）
我遲遲唔同珊表白，係因為如果我同佢開始得太早，可能會好早散，同埋我都唔知佢係咪真係鐘意我，所以我想試下珊…
其實珊只係當我呀哥，咁樣已經好好架喇…
可惜我不知足，我想令珊鐘意我，至少都希望想改到佢對我有少少掛念之心吧…
當你發現人地唔鐘意你o既時候，就唔應該再勉強佢鐘意你
如果再唔知足，後果就會好似我咁－－不單只冇"利息"，連"本金"都會冇埋
其實如果做唔成情侶，做朋友都好呀？
【如果不是你我不會相信，朋友比情人還懂得傾聽】＜某首歌歌詞
有時做朋友比做情侶更好，因為當人地兩個嘈交冷戰時，佢起碼都有機會同你講下心事
咁樣咪仲親密過情侶？
如果比我有得再選…
我會選做珊o既朋友…
可惜珊呢家已經唔當我係朋友…
不過是但你0,0
你呢加又唔係我fd
你鐘意點講是但你na a0a
唉…我係咪罪有應得呢？（根本就係喇死人粉小任）
相信呢個就係珊o既真心話…
即使我再做幾多野／摺幾多星星向珊陪罪都好，應該都冇用（未試過又點知呢？）
點知？我簡單－－因為我接受唔到呢個事實+我唔想乜野都要重頭黎過
乜野都要重頭黎過，我真係好難接受，再加上佢好認真咁同我講"絕交"兩個字
我真係接受唔到呢個時實
但係我唔會放棄，即使珊點樣再對我講絕交都好，我心入面都唔會放棄呢個朋友
只要佢仲當係我朋友o既話…
今次結論：
人苦不知足，已得隴，不望蜀
仲有，道歉時唔好做出 d 人地唔想見到o既事，否則會有反效果
我真係學唔識放手…
沒有留言:
發佈留言