原來立法會容許人講【狗噏】－－特首也爆粗？

繼唐英年用【拍拍籮柚】，再用【條條 Fing】黎公開發言之後，我地曾特首都決定不落在唐英年之後，有史以來係立法會第一次使用【狗噏】呢個形容詞！

曾特首：【首先呢我地…我唔想同佢【狗噏】辯論，頭先湯議員（湯家驊）所講o既，佢所講o既唔係我應承o既…】

有片為證架，大家可以重聽十次，一百次，一千次！
我聽來聽去，除左係【狗噏】之外，都諗唔到係另一個可能；唔知大家有咩睇法呢？
比起【福佳】，其實【狗噏】更加接近粗口，我到今日都唔明，點解咁多廣播團體以及傳媒咁怕【福佳】呢個詞，但係就任由高官在立法會上直接【狗噏】。

記得當年梁耀宗講左句【臭罌出臭草】，被立法會主席趕出場－－梁國雄講野大聲一 d ，又被人趕出場，我到今日都唔明，點解唐英年講【條條 Fing】，立法會主席會冇表示？我更加唔明，點解今日曾特首在立法會講【狗噏】，立法會主席都冇表示？

為左證明【狗噏】係唔會被趕出場，我緊急呼籲各位立法會議員，特別係社民連三人眾，係下次立法會會議上，直接用【狗噏】去形容所有高官，測試一下曾鈺成主席o既公正程度，大家不攞部 mp3 入場，各播曾特首講【狗噏】果句，以及自己連環講一百次【狗噏】，去諷刺膠港班垃圾膠官【狗噏】。

如果曾鈺成只趕議員，就可以再次證明左，我地偉大o既垃圾會發生緊咩事；掉轉頭，如果立法會主席唔敢有乜野表示，咁就多謝曾特首送一份新年禮物比我地，等我地以後有更多字可以在立法會上使用－－我期望特首下次根據我地香港人o既習慣，在會上講多幾句【福佳】，【杏加橙】，【跳九里】等名句，等我地偉大o既立法會紀錄上面，可以增加更多o既香港文化特色。

而呢一方面，就絕對需要各位o既努力協助了－－立法會議員，希望下次人人上去陪特首一齊【狗噏】！

注：狗噏＝尸+九 up（粗口黎）