平安夜感想

平安夜本來應該係開心先岩，但係我就好似…



因為珊冇再理我o既關係，我呢排變得好燥，個人好灰咁…



去子夜彌撒時，睇見街到o既人，個個都有伴，突然感到自己好孤單…

望一望城門河o既海景，幾咁靚呀！
但係冇人陪，即使幾咁靚o既景色，望入眼都唔會好顯眼…

子夜彌撒入面，我認為神父講o既野好有道理

佢話：
【聖誕節雖然係一個普天同慶o既日子，但係我（神父）相信今年應該冇咩人笑得出－－時關今年經濟不景，好多人o既身家都大出血，無咩錢去買野慶祝……雖然你笑唔出，但聖誕節始終都係你，開心定唔開心都係由你決定，你寧願有個開心o既聖誕節，定係想有個唔開心o既聖誕節呢？】

神父好有道理~
聖誕節係自己o既，就算你幾唔開心都好，聖誕節一樣照過

雖然珊同我絕交，但係我唔應該（至少唔好）係聖誕節呢個開心o既日子到喊吧？
我係好唔捨得珊呢個朋友，但係都唔應該唔開心得太耐…

所以我諗通左－－聖誕節過後再為珊道歉吧（雖然太遲，但我至少要表達出我o既誠意先得）

但係係彌撒入面我都係有流眼淚

係祝福環節到，神父要我地許一個願，我即使許左希望珊可以原諒我，同埋祝佢前途無可限量，事事順利，以及佢o既感情可以有一個美好o既結局…

結果祝福完之後都係流眼淚，比周遺o既人望著哂…

不過都算…

喊係冇用o既，要珊原諒我，就必需有行動先得－－所以我已經決定左唔會再係到喊，而係主動做d野令珊可以原諒我！

加油吧小任！
要珊原諒我，自己一定要主動d先得！