呢篇應該係我最後一篇寫比你o既文章吧……？
以下係我打比你最後一篇
字海，
假若有一日你睇到，希望
你會記起我呢個朋友…
由星期日晚我唔小心得罪你開始，到呢家已經有兩日，基本上我一開電腦上msn就唔開心，因為我唔見你on，冇人同我吹水……
自星期日晚10點38分開始，你已經冇再同我聯絡了……打電話你又唔聽，sms你又唔回，msn又封左我，我睇得出你有心避開我……
我已經打左好多sms想同你道歉，但係你果晚始終都冇覆我…
以我認識o既珊以前絕對唔會係"果個"話題之下發咁大火…
可能人會變吧？自從我插手你同字典o既感情之後，我發現你好似好憎我咁…當然你緊係口口聲聲話冇喇，但係我睇得出…你唔會因為我o既勸告而放棄字典~
其實我自己都唔多明白點解我會插手你o既私人感情，可能真係想你好吧…或者係我多事吧…？
最後同你對話果晚，你只係同我講左句：你xx喇，我唔想再同你講野，88之後你就封左我了……
10點38分你應該無咁快off，當時我都覺得我講錯野（根本就係講錯野），我就sms番你話我知錯喇，對唔著等等……
你睇到之後，應該就當我sms你係玩玩下吧？
你並無回我，我心入面都覺得大獲，但係我當時並無做任何野，以為你訓左，所以我都off機休息了。
我好後悔當時冇作出行動去道歉（例如送下野咁），而係不自覺地sd sms比你，我訓果一剎那就知道－－我呢一步行錯左~
我唔應該sd sms比你，因為我不斷比你，你當我玩玩下，反而會有反效果，認為我超煩，火上加油……
我非常後悔行果一步……
星期一朝早起身溫書果陣，突然心入面有種恐懼感－－好驚冇左你呢個fd，我從未試過比你嬲得我咁緊要…
6點幾開機見到你仲係無on到，我都已經知道你o既答案了－－絕交
我再一次後悔我當時狂sms你，同埋打電話比你……我明知你唔會回覆我，唔會聽我電話，但係我傻到仲要做……相信會加深左我同你o既誤會，令你更憎恨我~
我其實都好想搵一個時機親口同你講：【珊－－對唔著】
可惜你冇比機會我講……我當時已經知道我錯乜野了…我已經自我檢討我所犯o既錯誤－－口出狂言
珊，如果你真係比機會我改過，我第一樣會改o既係呢樣衰野……
當然同你分享心事o既人應該唔止我一個，但係同我分享心事o既人，就只有你~
夜晚唔見你msn，總係好似唔習慣咁……我成個人變得好冷清，從未試過打機咁唔開心…
深夜果陣，我有個fd問我點解我同珊－－姐係你，點解會嘈起上黎
我將成件事講哂出黎，佢話你可能係"乜乜"到－－女人通常係呢個時期會比較燥
我唔知你唔係真係黎左，但有一定成份係我講錯野……
星期二我一起身就喊左一陣，因為我冇左（唔見）你，個心好似好空虛咁…
一開機，你都係封左我，照舊冇解到，雖然我估到係咁，但我都仲係好難接受。
到左7點45分，淆震我，話我同你做咩事嘈，仲話你要同我絕交
我聽到之後好想喊，因為我唔想面對o既事－－絕交，終於都發生左~
同埋淆話你唔會再比我入你個blog到睇野，呢個我真係估唔到…
我係到講聲對唔著，我唔應該私自入你blog
你比淆o既回覆係：無奈
相信你當時應該係好嬲吧？
之後我叫淆盡能力勸你原諒我……我當時已經流左眼淚，但係無時間去喊，因為要趕著去食飯…
食完飯之後9點15分開番機，淆話你無回到，之後我心急，因為再唔做野你一定唔會原諒我
所以我都打左某d說話，希望你可以原諒我……
但我最後等到你o既回覆係：【我忍夠佢（我）喇／我好憎佢／我睇得出佢玩玩下／我唔想再見到佢】等等。
當時o既我，已經知道－－我同你o既朋友關係，由呢刻開始，已經斷左，從此各行各路~
我知道淆已經盡左力，我係到好多謝淆做我o既中間人，幫我將我o既對話轉告比你
既然知道左我同你已經玩完，我都應該可以放手吧？但係我真係唔想放手…
雖然我同你識左只有半年多少少，也許你當我只係一個極其普通o既朋友，但係我當你好似父母一樣，什麼比我真實的父母更重要
我諗番起以前我同你o既回憶，不論開心，傷心，我呢世都會記著，永不忘記！
後來淆off左，我真係喊左出黎…我居然會為一個視我如仇人o既人喊…
回想起有你同我一齊o既08年電玩展，暑假，10月萬聖節等等…令我喊得更勵害…這些回憶，難道真的不能再重現眼前？
我好後悔當日我講果一句話，令到我同你o既關係斷裂……
假若我冇講果句話，可能我…現在仲同你係fd……假若……
我無法講到我呢家o既感受，呢刻o既傷心，比我伯公過世時更深刻…
我只可以打呢篇文黎舒發我呢刻o既心情，以及對你o既感受…
呢個結局其實係幾日前我早就預到了…
當時因為你同字典o既事而搞到差d嘈交，我話男人唔係你想像中咁簡單果時，已經睇到你對我o既不滿了…
之後你話我唔會嬲我，更加唔會同我絕交
然後我問你：假若字典同我2選1，你會選邊個？你話2個都要
之後我再問：如果一定要2選1呢？你冇答到但係我同你心入面都應該有答案吧－－你一定會選字典~
情人同朋友比起黎， 一定係情人重要d~
兄弟如手足，妻子如衣服~咁朋友呢？
呢個就係我同你絕交其中之一個目的，另一個就係我口出狂言
唉…真係好想當呢半年幾係一場夢…如果冇發生o既話會點呢？
可惜呢家就係發生左…
你呢家應該都仲係好憎我，好嬲我吧？
你應該都覺得我好煩吧？成日跟著你…
珊……我今日只可以打到呢到，以後有咩事，你可以直接搵我，打我手提，或者同淆講，叫佢轉告比我
而我都會繼續做d你會原諒我o既事，以及將我想講比你聽o既野叫淆轉告比你聽…
我真係好開心可以識到你呢個朋友，你令我學到好多野（比如待人處事方面）
以後我同雖然天各一方，可能以後都冇機會再見，但我同你o既回憶－－永遠都唔會消失
今晚就係平安夜喇……
係呢到我祝你前途無可限量，事事順利，一年靚過一年，以及你同字典會有美好o既將來~
最後
祝你聖誕及新年快樂~
by：你永遠的好朋友小任(cpu)
沒有留言:
發佈留言