12月15日－－晴

雖然今日係天晴，係我個心打緊風呀>____________<

今日返到學校，都估到有d衰野發生嫁喇……

數學堂要做數作，偏偏係要留番d最難既比我地做-,-
做剩3題唔識做……聽日實比陳梁炸到屍骨無存 T____________T

英文堂真係……要我地作求職信！
好鬼難呀-,- 要吹到自己天下無敵咁，仲要講到你唔請我就你o既損失咁……
做小導師又唔洗寫呢d信，聽日真係要諗下點作好……

中文堂都差唔多，作文……有關聖誕o既題材～ 真係諗唔到呀>_________<
不過好彩星期六果日過左個導師聖誕聯歡會……靈感突然出現－－就作呢件事喇……
點知一開左頭都收唔到-,- 用左400字做開頭；約450字去做內容…50字做結尾 /..\
d同學果果都o哂：xx鋒你又作千字文呀？
中文呀sir聽到之後就串我：作得太字唔代表勁o既…… 聽到之後有少少hurt-,-

作到lunch time，連飯都唔食，比我做左900幾字（算少喇-,-）
但係仲未作哂-,-


本來體育堂開開心心講筆記o既，以為唔會落去，所以冇帶衫。

結果講筆記出奇地超快講哂-,-
搞到我唔洗上體育堂-,- 最慘係平時分冇左1分呀 T_______________________T


放學後，我D文其實未作哂……

用左20分鐘作埋剩番果d…… 作完仲未走得－－中史學會睇戲！！！
睇果個咩【一個人的奧運】，講劉長春o既事跡……前面真係悶到死呀，後面都還可以……
最後更改寫左歷史－－劉長春居然參加左200米賽跑@________@ 真係廢片-,-

我建議呀……下次睇【赤壁】仲好，某d橋段給引哂d人黎睇 A_____________A

放完學走去食個抄飯，唔小心走左去7仔睇game書，睇左成個鐘…… 返到屋企都已經成6點-,-

書都溫唔切就開機打機，搵求職信……

一陣仲要溫ILU呀>___________<
聽日考果健康問題，用番英文報告一次>_________________<


死喇死喇死緊喇死緊喇！！！　　T____________________T


打哂喇，去溫書先喇>_________________<