【政治】：海洋公園中華鱘死亡背後的意義

國寶疑撞傷不治　另兩條有類似傷痕中華鱘館無限期休館

【本報訊】海洋公園的國寶多災多難，兩條中華鱘相繼死去，還有兩條傷病需要隔離。據了解，上周死亡的中華鱘 7 號，是因為游水果時撞傷魚身，傷口受感染致命。受傷的中華鱘 2 號及 6 號，目前情況穩定。中華鱘館今日起無限期休館，以便內地專家稍後來港查找死因。


近黎海洋公園傳來訃聞，八方即刻衝入去中華鱘館，憑弔一下為國家－為左香港而捐軀o既國寶。唔去猶自可，一去到就周身唔聚財，公園上空烏雲蓋頂，煞氣好大。

其實講真，中華鱘o既外表，你問下有幾多遊客會對佢有興趣呢？就因為數量少同埋歷史長，就被人掛上左【中華】兩個字，就變成左國寶。先被海狼咬死一隻（可能係死左先比佢咬），然後就送去冇左鯊魚o既鯊魚館，但係照舊都出事－死兩條傷兩條，海洋公園主席盛智文呢頭入中國藉，果頭又身痕，就同上年一齊支持葉劉o既一干人等，如IT膠人譚偉豪，仲有果位倪震一樣，有排震，有排搞。


世界上既事物，就係咁奇妙o家喇，睇著某d做得衰野多既人死o既死，傷o既傷，失禮o既失禮，羞家o既羞家，黑起黎果然有條路，於是國寶安安會咬人，國寶中華鱘會連環突然死亡，呢d騎呢事，只係再一次提醒做人要行得正企得正。問問良心，就有如倪震被全世界鬧爆一樣，做少兩件衰野會唔會仲咁乞人憎？但又問下自己，點解倪震抹黑某人成十幾二十年，到今日先被人清算？


簡單而言，中國膠o既潛規則就係：只有黑才可以吃黑；一大班以聖人教誨，同膠人講耶穌o既，結果只係浪費氣力白費功夫；膠人膠起上黎，你同佢講一千次真理都唔會影響佢o既硬膠思維。

其實更有效o既方法，就係從另一件膠事去引導班膠人轉向硬膠，這亦是中國的核心思想－－國事已不可為，唯一可為o既就是化衰野為正氣，再以正氣治衰人。




末世思想固然可悲可嘆，但係可以從中又有多少無奈呢？