12月26日－－晴

今日出去主要目的係去西九溜冰…（同主日學某d小導師）



冇左珊o既第6日，我照舊拐到唔開心o既樣出街（心入面其實好開心呢-,-）



上午10點45，岩岩好準時飛到去m記，就坐車去西九喇…



係車到我照舊要吐下苦水，講下點樣可以補救我同珊呢段友情…



我將成件事講哂出黎，結果佢地都係話：比著你咁講我，我都幫著個女仔（珊）啦！



我緊知喇-,-

其實果日我o既用詞係不當…



我並唔係形容佢全身都似欣宜，我想講只係珊當日o既髮型似欣宜only～

身形同樣貌都係似黎姿多d…



只可惜我當時唔記得補充（我當時有1分鐘去補充），結果搞到今日咁大件事…

唉…我罪我罪我的重罪…



到左西九之後，因為時間尚早，所以到左吉野家食牛飯，結果都係比人玩殘-,-（詳情唔講）



之後等埋某人到左就去溜冰，同埋2個靚女（好似係潘某o既親戚）一齊去溜-,-



唉…一入場，連溜冰鞋都未著就搞到亂哂龍…



一入到溜冰場就"落地開花"－－仆落d冰到-,-



我記得果種感覺係好痛-,-

第1次仆係咁上下-,-



我呀，連企都唔識企，一開始扶著則邊都仆倒-,-



後來d人見我真係唔掂，就搵左潘某d親戚教我（佢溜冰超神-,-），睇到我隻鞋有問題就幫我睇下-,-



我當時真係好醜-,-

大佬呀，當著咁多人面前比一個細我一年o既女仔除鞋-,-

不過算喇，人地一番好意唔領o既話仲死，所以最後都係乖乖咁比佢除-,-

之後呢，都仲係一仆一碌，不過唔仆又點知點溜呢~_~?

後來經過勁多人o既指導同埋幫助，我終於都學到點樣行同埋黠樣用右腳流~_~

但係始終都唔係太識搵平衡點，所以每n分鐘就會仆1次-,-

後來d雪糕筒拎走左，個場大左，我發現果到有個標誌比你睇，用黎學點溜冰（左＞右＞左＞右）

我照著黎行，結果真係比我學到點樣溜得快d-,-

可惜我仲未學到點樣停低，所以我一行得太快就會失控，然後p街-,-

同埋每溜一個鐘隻腳就已經好痛，無哂力，d人仲以為我失禁-,-

最後經過3個半鐘頭o既練習，技術總算好d，但係有待改善~

之後上左9樓xx樂園到打機同埋影貼紙相-,-（影得我好7____7）

之後玩到6點半就返去沙田-,-

照舊喇，買支啤酒之後去公園玩ture or dare，不過都問到冇野好問-,-

之後去左行一陣街~_~

之後就同潘某行返屋企，中間講左d 18+野，內容禁止討論-,-

為左要令珊原諒我，所以我走左去買摺星星o既花紙，摺d星星送比珊，以表示我o既誠意…

不過發現d星星好難摺-,-

要摺99粒-,-

不過要加油…1月1號前一定要摺哂佢@@"

寫比珊o既道歉信就聽朝早起身先打喇…

訓覺…好累…

溜冰溜到成身好痛-,-

今日係珊同我絕交之後玩得最開心o既一日！