恭賀民建聯成功爭取領匯上市－－瘋狂加租！

民主黨承認當日支持領匯上市

判斷錯誤 2008-12-17 HKT 17:50

立法會正辯論，由獨立議員梁家騮提出的動議，促請政府回購領匯股份。

民主黨主席何俊仁承認，民主黨當日判斷錯誤，支持房委會分拆出售商場及停車場，對此深表遺憾及歉意。他說，當日無想到領匯，不斷加租。

民建聯陳鑑林表示，不應開倒頭車，令公屋商場回復房署惡劣管理的年代。政府回購領匯股份，亦可能重演入股港交所的情況，令股價被炒高。

運輸及房屋局局長鄭汝樺表示，政府無任何計劃回購領匯股份。她指出，房委會當日決定分拆出售零售及停車場設施，目的已經達到，房委會的財政已得到改善。

睇完呢段新聞之後大家有咩感想？四年前領匯上市，反對最力o既大班（仲有長毛）被受千夫所指，當時泛民o既盟友去哂邊？民主黨當年居然走去支持上市，四年後居然掉轉槍頭？上左市再回購，你估玩泥沙咩？中間o既差價由咩人去補貼？如果要反對，四年前就應該反對到底；今日來回購，有 d 野衰左就冇得返轉頭－－話買番就可以補救咩？傻架？

民主黨膠起上來衰衰地都仲識得出來認錯，民建聯（下稱民賤聯）呢？當年左派搵兩條友去小額錢債庭告大班，成班土共報紙打o既打，唱o既唱，聯埋成班買左領匯o既圍攻大班，最無恥o既仲搵 d 陰陰濕濕o既史前英國案例，話大班犯左【普通法】中的【包攬訴訟罪】，搞完一大輪，告大班果兩條友連庭都唔上就消失左；於是，即使日日話關注基職民生o既民賤聯，又點敢掉轉槍頭呢？所以，緊係派太監陳鑑林出來死撐喇。

最過癮就係，一手加撐領匯上市o既有陳鑑林同佢地所屬o既政黨（民賤聯），一手大聲示威遊行反對領匯加租o既又係陳鑑林同佢地所屬o既政黨，到最後一手反對回購o既都係陳鑑林同佢地所屬o既政黨，總之神又係佢，鬼又係佢，到領匯真係加少 d 租，或者送一個豬頭骨優惠，各位就會見到民賤聯向大家公布：民建聯成功爭取領匯減租五毛！

多謝各位民賤聯人兄，真係辛苦哂～

我小任再次多謝民賤聯成功爭取領匯上市瘋狂加租！