有誰會去追思他們？

相信係呢刻，全球都會追思一個人－－米高積遜（下稱MJ）。

不可否認，MJ係全球音樂方面有好大貢獻，MJ唱片係全球銷量可以話係全球第一。

當呢位偉人去世o既時候，好多人都會心痛－－點解我地會冇左一位咁出色o既歌星？

正當大家去追思MJo既時候，唔知大家有冇諗過其實仲有 d 人更應該去追思呢？

我唔係唔比人追思MJ，但大家好似忽視左某 d 應該追思o既人…

比如政治人物。
係我o既話，第一個去追思o既係孫中山先生，其次係蔣中山先生。

我唔明…
點解大家永遠都唔去追思一下政治人物呢？

睇下民賤聯馬力o既追思會，有幾多人去？
再睇下沈澱霞o既追思會，又有幾多人去？


唉…
點解政界o既追思會永遠都唔夠音樂﹑演藝界o既人多…？
音樂同劇集真係重琅過政治嗎…？

我唔明白！

究竟每有邊個會去追思佢地？
除左民主人士外，會有幾多平民係真心去追思呢班為人民﹑為民主而死o既偉人呢？

佢地用血汗﹑用佢地o既歲月去幫我地爭取一個自由民主o既國家…
但係呢家，究竟仲有幾多人會去追思佢地…？

孫中山先生﹑張學良先生﹑蔣中正先生﹑蔣經國先生﹑民運人士﹑為革命而死o既人…
實在太多太多…

唔通佢地o既功勞仲少過MJ嗎？
起碼都同MJ相同吧…？

點解冇人去追思佢地？

唉…
無言…


係到再次為MJ﹑孫中山先生﹑張學良先生﹑蔣中正先生﹑蔣經國先生﹑民運人士﹑為革命而死o既人等等致上再大o既敬意！

即使你地o既功勞誰多誰少，我都會去追思你地！