再一次失敗…

今日潘某又話去彌撒…

我都估到今日又會唔開心，因為又見到「佢」同我最唔想見到o既人（唔係「佢」，唔係潘某）

果然…

今日一開始就已經注定我行衰運…

因為要等「佢」，我地遲左入去搵位…

搵到喇，但入入下發現，得4個位，有個人一定冇位，果個就係我…

唉…

有 d 似被排斥o既感覺…

本身諗著企係果到算，但因為係神職人員通道，所以我閃左去聖水池到…

其間PC同潘某都黎過叫我返去…

但我都拒絕左…

其實我好想冷靜下…

我越諗越有種被無視o既感覺…

唉…

佢地又sd過sms比我叫我返去，但我叫佢地唔好理我…

唉…自己拎黎衰？



之後真係出左問題。


唔知咩原因，我領聖體果陣，一時唔小心將聖體趺左落地…

唉…我不但只膠膠地，而且我仲褻瀆神明呀，天大o既罪黎！

唉…我神經衰弱嗎…？
領左聖體三至四年，呢家先黎失手？

呢件事都夠証明我係低能吧…？

失敗者小任！

我真係…好想喊，但係又唔可以喊出黎…

我成個人都已經打唔起精神…

個個都以為我有病﹑唔舒服（其實係心病）…

之後發生咩事，我都唔記得太清楚…
我成個人變到好似行屍走行肉咁…無哂知覺…

之後去左沙田圖書館溫書，PC約左人走左，得返4個人去溫…

唉…本來都好地地…但唔想見到o既事最後都發生左…


我見到「佢」訓係潘某到！

果刻，我真係冇野好講…


一個心儀對像，居然訓係人地到，你話咩感覺喇…？

我當視同潘某望左眼，我眼神表現得好妒忌，佢都好似回左個好串o既眼神比我…

唉…潘某，你成日話「佢」唔係鐘意你，家下証明到呢個唔係事實吧？

你成日話「佢」係TB，呢家証明都唔係吧？
你地兩個仲唔係有野？…

諗到呢到，我隻手已經唔可以再寫筆記，因為我個頭好痛…

因為我實在接受唔到呢個現實…

我明知自己情緒一定會失控，但我都仲係控制唔到自己…


即可係妒忌果刻，除左有呢種感覺外，
我亦都許左個生日願望－－希望你地兩個有情人可以終成眷屬。

我知道我時日無多，我只係希望你地兩個可以幸福快樂咁生活落去…

我亦都唔想做你地o既中間人…
見到呢個情況，我就更加肯定我係第三者，我唔應該插隻腳落黎呢到！

潘某，就當係你送比我o既生日禮物吧…
同「佢」好好咁生活落去，ok…？



出左圖書館後，我已經無哂知覺，因為我唔想面對呢個殘酷o既事實…！

之後我好似比左好多麻煩佢地，而佢地都以為我病或者唔舒服…

無錯！我係病，我有心病呀～！


帶著個心病去見到呢 d 事發生，好嗎？

亦都說明左我同「佢」係無可能－－我無可能高攀得起「佢」！


之後去左邊我已經唔係好記得…

好似係送「佢」走…
去做服務…

送完「佢」走之後，佢地兩個仲係唔放心，話要送我返屋企…

我唔肯，最後潘某係停車場到昇左我兩把掌…

我咁大個仔，除左比屋企人打之外，第1個就係你喇潘某。

昇左我兩把掌之後，我仲想叫潘某昇多把，但係最後都係算…

昇左兩把叫做醒左 d ，但係都仲係行屍走肉…

結果去到城門河，我就叫佢地兩個返屋企先，過左橋我就跳唔到河喇，放心返屋企喇…

打發完佢地走之後，我係城門河呆左陣…
慢慢去接受呢個事實…

唉…




我返到屋企，第一時間on msn ，同「佢」道歉…
係咁叫「佢」原諒我…唔好嬲我…

7點幾佢回左我，話冇嬲我…

我都仲係不斷【sorry】﹑【對唔著】…（起碼講左20次以上）



唉…


再一次証明我小任真係一個失敗者。


最後我想同潘某同「佢」講句：祝你地兩個以後可以生活得幸福快樂。

呢亦都係我今年o既生日願望…

希望你地可以幫我實現吧…