民主黨否決五區總辭，是好是壞？

最令我估唔到係民主黨內部只係得20% o既人支持五區總辭，真係有 d 離譜…

不過我都尊重民主黨，始終民主黨內有好多資深人士，佢地睇到o既政治現實比97後建立o既黨清得多…


民主黨否決五區總辭好處：
1.保著泛民十席，避免泛民全滅
2.可以先等民建聯出手攻擊社民連同公民黨後，民主黨可以從後攻擊民建聯（以不變應萬變）
3.可以吸引一些既支持民主又不太激進的人加入民主黨

壞處：
1.令市民對"爭取普選"呢個議題更模糊
2.不能令社會分化（香港係爭取中國民主o既最後防線，唔分化社會就好難爭取民主）
3.令大多支持普選的人失望
4.被市民質疑泛民是否有心爭取普選
5.顯示了泛民內部的分裂，令左派有機可剩分化泛民


唉…
始終我自己都係覺得泛民一齊行動好，咁樣做都機會打動到市民，令市民更關心普選…

不過我認為民主黨長期都係咁樣就唔好，3年（2012年）話長唔長話短唔短，呢家再唔做野，恐怕市民已經被共產黨or左派洗腦…

即使唔參加五區總辭，都應該以黨名義去支持下泛民吧？
「不能以黨的民義參加或支持五區總辭」，民主黨未免太過怕黑心吧…？

只可以用個人名義有咩用？民建聯最勁係咩？唱黑人嗎！
如果民主黨派左 d 唔係太有名氣（社會對佢唔太認識）o既人出黎選，同民建聯堆左派人士（佢地有共產黨同政府支持）爭，好大機會輸。

普選係要公投，而唔係選人，但市民恐怕都係以選人為先吧？

目標相同呢點我認同，不過大家ｏ既手段都唔應該差咁多吧？
手段相差太大，就好難一齊達成目標。


應該民主黨可以提譏每區先辭一個，咁樣會安全好多，又可以測試都民意…
不過會被人批評無力度就是…


五區總辭無左民主黨，雖然唔可以話會胎死腹中，不過前境都好黑暗…

泛民會點樣解決呢個破局呢？唔多唔少都要睇民主黨…

總之，總泛民好運吧…