情緒最低點

今日就係我咁多年以黎情緒跌到去最低點o既一日…

本來今日約左潘某出黎打籃球，點知下午3點幾，話要上pc屋企食住家飯，而且要我地自己親手煮！

下…煮野食？我呢 d 毒男根本就唔會識煮野食…

經過一輪行街市，終於上到去pc屋企喇…

之後要我洗菜…由於我唔識洗，所以被趕出客廳坐…

呢家已經唔係尴尬，係無面！

我真係唔知做咩好…我唯有坐係sofa到沉思（發晚夢）…
唉…

食完飯之後要我洗碗，但…
1.我洗得慢
2.洗左等於無洗過

於是又被人趕出廳了…

唉…我已經…無哂面喇，呢家仲…

再加上佢地洗緊璦果陣o既對話，我已經係冇哂心機去做任何一件事…

曾經有一刻，我諗過想死。
因為冇面？可能吧…

之後我呆左咁坐左係sofa，我好想快 d 可以完結呢個飯局…

等到10點半，終於都走得喇…
但我反而更唔開心…

由pc屋企送龜走果段路，我係成個人都六神無主，我當時發現自己成個人不就控制咁…
如果唔係龜同潘某帶路，我諗我呢家仲係沙田市中心漫遊緊…

送完龜走之後，我係城門河到終於都開始講野喇…
不過我第一句講到係：我想跳河自殺。

就因為無面子就要跳河，呢個理由唔合理吧？
我真係踩左上去，諗著跳落去，但係最後都被潘某阻著左…

之後佢用左20分鐘黎安慰我…


自殺，真係可以解決問題嗎？



經過潘某20分鐘o既安慰後，我總算…可以回復返少少精神了…
同埋佢叫我返到屋企諗清諗楚…

我一定會！


其實我呢家係好想要時間去冷靜，咁岩我有2日半上左大陸…得喇！就用呢兩日諗清楚佢喇！

我保証：【係12號果日，我一定可以冷靜落黎，回復返正常，回復返平時o既小任！】


大家只要唔好嫌棄我，我就心滿意足了。