東莞3日遊簡述

上東莞，我係十萬分唔想去…

因為我諗起某個人…（唔係珊）
唔見佢3日真係有 d 唔捨得佢…

第1日（過關後）：
我以為會係去 d 咩賓館，酒店等等，原來係去渡假村…
全廣東省最豪華o既渡假村－－觀瀾湖…

一去到：wo！
佔地大到睇唔哂…
我諗有一個觀塘再大少少…20平方公里！
所有地方都係高爾夫場！（有成12個場…）

雖然呢個旅程目的係爺爺姥姥結婚60週年紀念，但我都唔係幾覺得開心…

check in 左同埋食完飯後，就去左玩wii sport…
都ok好玩吧…但始終都唔覺得太開心…

到左4點就去打羽毛球…總算搵到個開心 d o既環節喇！
打左成粒鐘，我頂…
玩到仆係到…

再返去沖個涼，正呀！

之後我等7點睇頭條新聞，睇下我有冇上鏡…
點知睇左幾分鐘就比人拉左去食飯…

d 野都唔算難食…

食完再去打wii，但今次…唔知點解諗起佢（唔係珊），結果玩wii，嬴左都板著哂口面…
我真係成個黑面神。

打wii打到11點半就返房訓…


第二日：
朝早10點幾食完早餐後就去左虎門睇由江澤民起o既「海戰（鴉片戰爭）博物館」。
入面真係有好多關於鴉片戰爭o既真實史料…又有大炮，又有文書，仲有當時殺過人o既軍刀同子彈…
仲有好多人像，除左林則除外，仲有好多不知名o既民族英雄，（例如關天陪）以為陣亡士兵名單…

一個鐘頭點行得哂？連虎門大炮都未睇就已經要走去市區食飯…
因為早餐仲未消化哂，所以食左好少就走人…

之後就經過3個鐘車程先返到去觀瀾湖。

唔係呀？又打wii？打到悶哂喇bo…
始終都係要打…
就當暫時忘記佢同珊吧…

打到6點已經悶到唔想玩…收機等食飯…

6畸40分就食飯…今次食哂2個鐘先食完…

返到去諗著預訂羽毛球場，原本以為無場，點知有個用緊場o既人係我親戚o既朋友…
我就落去同親戚同埋佢地 d 朋友一齊打…
打左20分鐘就走，因為唔可以打到出汗，聽日條褲仲要用。

於是走去上網…其實係睇返我有冇上鏡…

本身以為無…點知比我搵到喇！
第1節－李鵬飛+程介南－細豪問緊「"木"人的國家係邊個」－10:26－鏡頭右下角－白色衫細路

搵到喇！

期間有個來自黑龍江o既生意人同我吹水…
我好驚訝，估唔到 d 人話中國人熱情係真o既…

同埋佢好彩唔係中共黨員…

佢同我吹左15分鐘左右政治水…

中華民族同胞們，你地要等我呀！
等我解放中國，趕走共產黨後，新中國一定會可以令你地生活冇咁辛苦同埋有安穩o既生活！

好開心，估唔到中國人o既思想比我想像中開放光明好多…
都唔係所有中國人支持共產黨o既…

上網上到10點41分後就返房沖涼訓…


第三日：
朝早8點聽日到老豆話去亭左10點45分車票…

食完個早餐，睇埋觀瀾湖o既風景之後就走人喇…
忽然好似有種後悔o既感覺…

冇好好欣賞風景？冇好好去玩？…

算喇，後悔都冇用…

冇野比返左香港之後o既活動更重要…

10點45分果然有架專車黎接我地返香港…

雖然哂左180蚊去包車返香港，但我唔後悔…



東莞3日遊到呢到就暫時告別…
希望第時再有機會黎呢到渡假…