今日係馬泳如15歲o既生日，上緊堂果陣問佢今日心情點樣…
佢話唔期待，佢都唔知點解自己會咁（同上次講o既野相反）…
期間又講左點解呢家 d 人咁憎PC o既原因…
佢話PC係 d 煽風點火o既人。
有冇咁誇張呀？
仲有好多關於PC o既衰野，不過唔想講-.-
之後馬泳如因為聽到導師係到罵學生，就同我抱怨，話佢地唔識教學生…所以佢話下年唔再做導師…
呢個見人見智喇…
我已經盡力挽回架，不過既然去意已決，算喇…
之後又同我講左佢老公（男朋友）小小野…
原本諗著話比個驚喜佢，一齊慶祝生日，點知我唔小心講左比佢聽呢個plan…
算吧…反正後來都知道因為龜唔得閒而不了了之…
哈，本來我一肚開心，呢家就冇哂-.-
算…反正馬泳如個老公會同佢慶祝生日，算吧…
我仲叫佢唔洗陪我地，去搵佢老公-.-
之後去左開導師大會…
camp地點係長洲唔知邊到，7月25至26日-.-
咁遲…
同埋最重要一個問題：下年仲繼唔繼續做小導師。
潘某，PC，馬泳如都表示下年唔再做導師，得返我去向不明…
仲做唔做好呢…？（呢個問題hold著先）
開完會之後我地就去左沙田市中心食晚果餐…30蚊…真係心痛…
之後因為我話好想飲啤酒，叫我去買…
雖然都驚驚地，但最後都係買左（好彩無比人問歲數）…
之後去左公共圖書館飲，仲比人偷拍左我飲酒個膠樣-.-
< 未免太膠了吧-.-
飲完就去左影貼紙相…
影完後先發現自己原來除左眼鏡就好似成個女人咁-.-
之後潘某無聊得濟，就係某處寫左【小任「心心」某人】…
大佬，我講左n次，都話我冇鐘意佢lo…
因為太多，同埋已經10點，所以就散水…
之後去埋好運，送埋李諾欣返屋企就走人…
果然，去到城門河果到就開始wing…
係到大叫：「我真係好鐘意阿x架！」「但咁又點呀？佢都唔鐘意我！」
過左翠溶橋再大叫多次：「阿x，Ｉ Ｌｏｖｃ Ｕ！我真係好鐘意你架，我都希望你會鐘意我！」
最後果次有埋回音…
唉…愛到控制唔到o既地步？未至於o既…但好似成日會諗起佢咁，好似以前阿珊咁…
算吧…我同佢應該無可能喇，雖然潘某推薦左個plan比我，但太多未知因素…
算吧…
至於主日學去留問題，我諗我有答案：留！
因為我要守護著大家o既橋樑！
唔想剪頭髮-3-
剪短剪溥，留平陰，剪「滴水」，但留型，後面剪短剪溥，但唔好「剷青」…
真煩呢…
沒有留言:
發佈留言