就在「你」的對岸…

今日終於可以再次見到「你」喇…

不過…最後都係失望而回…

完左彌撒之後「你」本身話去主日學導師全年檢討大會，上到去唔夠五分鐘「你」又話去當值閃人…

唉，我今日黎呢個會，其實都係因為「你」…

「你」走左，我仲有咩動力去聽大會…？





死撐5個鐘頭…
完左大會之後聽潘某話會黎搵「你」，我心入面就好開心…

但因為某人又跟埋一齊去，一諗到呢到所有表面上o既開心就消失得無影無蹤…

見到「你」喇！
「你」第一眼見到我可能會覺得我好kai（我好似影衰你咁…）…

其實我唔係飲醉（飲一啖啤酒我唔會醉o既），我只係扮傻…

見到某人（唔係潘某）一齊黎就好唔開心（超憎他的說）…

唉…
總之我知道「你」一定好討厭我定…


好似仲要「你」擔心我飲醉左會跳河咁…（雖然我曾經試過想跳…）
我係「你」眼中真係一個咁無用o既人…？

雖然有潘某係到我都唔會好得去邊（我同潘某根本無得比，我輸緊）…
但…

唉…


之後走人果時，我o既仇人就同潘某返左去，而我就去左城門河畔（你o既對岸）…

唔知點解我唔想走…

於是我由3點半企係城門河畔企到6點45分…
任由自己做蚊仔o既大餐…


其實係呢個時段，我有7成時間係係「你」對岸望著「你」…

真係唔知點解我會咁做…
唔通我真係鐘意「你」咩…

其實會唔會係我將珊o既影子投射左落「你」到…？

唉…一直望到「你」6點45分先走人…（其實「你」6點25分已經走左）



即使相距一個城門河畔，我係「你」o既對岸…
「你」知唔知我有好多野想同你講…

我心儀o既對像－－「你」，已經多次係我面前出現…
但係我始終…無一個機會可以單獨同你講…

唉…失敗者，我嗎？






ｘ，「你」知道嗎？
我係對岸已經等左「你」好耐喇…

雖然我知道我呢個期望係無可能達成…
但……


我真係好愛「你」！