尋找暑期工

哈…唔經唔覺又一年喇…

除左「六四」同大考之外，另一樣重要o既事就係搵暑期工（始終想賺返人生第一桶金）

今日諗著潘某唔會等我，點知佢叫我去火碳搵佢…

之後同佢去左沙田，係同佢為「佢」o既問題對質同時，佢話要去搵暑期工做…
我諗我都得吧-_-？

始終我6月尾號前都已經15歲-_-
雖然身材細左 d 姐-_-


新城市中心就應該唔請暑期工架喇…

今日行左兩個鐘沙田區，我發現左一個現像－－點解 d 店員一提到暑期工就黑口黑面咁拒絕呢？

除左撈麵店外，我地仲去左兩間麵包店問…

或者係撈麵店規模細，所以親近人吧？另外兩間麵包店一話暑期工就黑口黑面？

大佬，你咁o既 x 樣點做生意呀？
黑口黑面，真係做你間野都做得唔安樂！

真係火到黎埋，我只係差冇咒人地快 d 汁笠…

唉…行左新城市中心﹑好運中心﹑河畔花園﹑第一城同埋愉翠苑，都冇人請-_-

我終於睇會到搵工o既痛苦喇@@"

撈麵店本身有機會請我同潘某，但已經比 d 大學生搶哂-_-

唉…睇黎今年都未賺到錢架喇…

well…聽日諗著去馬鞍山同新港城搵下，希望有吧～～～