早日脫離電車男吧

3月8號同3月15號TVBo既《星期日檔案》，講述香港男女點樣睇"港女"同"電車男（獨男）"。

我首先發現左珊並唔係乜野港女…

首先，珊唔係物質主義者。
好易証明－－我送咁多野比珊，但從未見佢心動過。
呢個事例就証明左佢唔係物質主義者。

第2，珊冇嘟起個咀o既習慣。

第3，佢身上唔係全部都名牌。
名牌就一定有喇，但至少唔係成身喇～


而我呢…？好簡單－－電車男一個。

第1，詞不達意。
比如講復國，我好易比人博返返轉頭，同埋成日講埋哂 d 唔合理o既野…（做第2個戈巴卓夫唔過分吧？）

第2，陀背。（呢個改緊）

第3，對著女生反應好遲鈍，不過我呢個只限某 d 女仔，除左呀媽，有某 d 女仔我係唔會咁樣。

唉…真係冇得救？

其實，電車男係面對愛情上，永遠都會逃避責任。以電車男Peter為例，以一個24歲o既成年人，點解唔去搵方法好好進步／改善呢？

Peter話過想搵個女朋友，幫佢管理好自己o既財產。點解要搵人黎【管理】呢？
其實係Peter（包括所有電車男）o既潛意識入面，根本就已經將改7變自己o既責任，交左比【未來】o既女朋友－－未來，姐係現實根本唔存在。

一日未搵到女朋友，Peter仍然有藉口講：未來o既女朋友會管教我，所以我呢家無必要改變自己。

少年靠母親，大個仔後靠女友，老左唔通靠細女？呢個應該係近幾十年，成人幼稚化o既其中一個例證。

要自己o既財政變得好 d ，係自己o既責任。如果電車男要成功脫離電車一族，就要先學識好好照顧自己先得！

好好承擔自己o既責任吧～小任！一個男友唔負責任，根本就唔係一個男人！


要改變自己，脫離電車一族，珊呢 d 高不可攀o既女人先可以睇中你架…

希望向位電車男（包括我）早日脫離電車男一族，不再電車。