純愛？

咩係純愛？
單照字面解釋，就係【絕對純粹，冇計算過o既愛情】。

當我愛上珊時，我發現－－我同珊未必有將來/佢已經有男朋友/明知同珊性格根本唔岩/什至全世界都反對我同佢o既感情…

但，我就係好愛好愛珊。

到左呢個時候，我係我仲有青春其間，我會孤注一擲咁選擇盡可能同珊開始…
可見得我係幾咁在乎輸嬴…

因為，我仲有籌碼（青春）在手，同埋我真係愛佢…

但呢家，我同珊不但只冇開始到，反而連朋友都做唔成…

所以我對愛情o既抉擇時，會混合左好多客觀因素…

因為我在乎我同我o既情人（未必係珊）點樣先可以長長久久…

如果呢家要為未來打算/著想，好自然咁，我會開始希望有個家，希望同情人有段隱定o既關係…

太轟烈o既愛情，我玩唔起了…【純愛】係我心目中，已經進化到一個美麗o既傳說，可以用黎幻想，可以用黎回憶－－但唔可以用黎追尋。

除非，我真係好鐘意我o既情人喇～（廢up，我一定會好鐘意我未來o既情人）

就因為咁，所以我最後都係輸左－－失去愛情o既可能，同時失去埋做朋友o既機會。

就好似賭場買大小咁，即使手上o既籌碼已經得返好小，我都仲將僅有o既幾個都押係其中一方，以為至少有50%會得到勝利，但我卻唔記得左一個情況叫【圍骰】。

結果？n方通殺。

在乎輸嬴o既我，根本就唔適合下注－－因為一開始，你o既勝算已經注定連小小都冇。