10月14號個施政報告…
真係…點解施政報告o既內容可以一年比一年廢…
要每點指出真係寫一日都未寫得完…
1.民生問題
睇過施政報告，我發現唔到有"貧窮"呢兩個字出現lo…
起碼有7成內容都係咩六大優勢產業。
你施政報告中冇提民生，所有o既事項講到幾好幾強大都好，最後只會係「狗嗡」！
特首呀，唔該你多 d 落去民間睇下我地o既生活係點過喇！
每次我去維園城市論壇時，途中都見到好大無手或者無腳o既人係到訓係街到乞食…
我睇到真係唔忍心。
比$5佢地，佢地已經講哂多謝之類o既說話…
點解？
特首你有冇人性？
民生係整個社會中最基本o既議題，民生好，人民先會支持你。
你唔理民生，就去大講六大優勢產業﹑十大基建等…
呢 d 叫未學行先學走！
的確，派錢唔係一個長遠解決民生o既方法，但應該仲有其他方法吧？
比如減稅。
香港每年庫房都有少量盈餘，點解減低下我地市民o既稅呢？
特首你究竟仲有冇理智？
社會最基本o既問題你唔去講，你做咩野特首呀？
2.樓市問題
我今日問過我阿媽，90年代700多呎o既樓要幾多錢，阿媽答我160萬左右…
但今日，一個400呎左右o既樓都要至少280萬…
一呎至少都要$4000蚊以上…
$4000呀！一個大學生收入最低都係得$4000…
$4000一呎，一個400呎o既都要四百萬…
真係供一世都供唔完，老豆買左要曾孫先供得哂…
政府點解你唔去控制下樓價呢？
6萬﹑7萬蚊一呎又點？WHO FKING CARES？
你仲可以夠膽講：$4000一呎o既都仲有…
以前呀（90年代初），都係$1000一呎架特首！
呢家 d 樓，只有大財團先買得起，特首你唔好只係掛著官商勾結ok？（不過你做得都預左唔會理我地 d 小市民）
我地市民呀，呢家連一層700呎o既單位都未必負擔得起呀，仲要呎呎過$4000…
特首你35萬一個月就話買樓唔驚冇錢比姐，我地市民最多都係$10000一個月，有 d 可能連入場費都比唔起…
樓價貴到咁你都仲可以話唔洗控制？
係，係未到97年風暴前o既高峰，但如果到左果個價先黎控制，會唔會太遲呢？
到時唔擔保又再出現多次風暴…到時又唔知幾香港人走去跳樓…
特首你諗清楚先好講！
3.另類社會問題
咩叫國民教育？
好簡單，姐係所謂o既「洗腦課程」。
特首你擦中央鞋都唔好擦得咁盡喇唔該！
你咁樣做係咪想令香港變成北韓？
周圍都宣傳金日成同金正日o既思想？
另外，你話要香港o既大學增加內地大學生收生o既名額…
內地大學生…唉…
特首你想提高我地香港學生對學位o既緊張？
大學學位已經唔夠，呢家仲要話增加大陸學生，咁係咪代表著香港收生名額會減少？
仲有引入大陸學生可能會引發好多問題（比如陳一鍔話六四係學生錯 or 大陸學生話六四事件冇發生過等）。
睇黎特首你真係唔多了解香港現時o既教育情況…
4.慳電膽風波與利益輸送問題
今年施政報告最大o既論點（亦都係國際笑話之一），莫過於慳電膽計劃。
好，就當曾特首你做野做得太攰，唔記得你親家係做慳電膽呢行…
但成份施政報告中，似乎行益係傾向大財團果邊。
特首你幾時變到好似台灣o既陳水扁一樣架？
自己有權力就可以亂做野？
成份施政報告中連"貧窮"都唔提，但就去提咩六大產業，擺明係忽視低層喇！
至於慳電膽，真係膠到冇朋友！
拿！政府比$100我地去買慳電膽，但係慳電膽一個都唔止$100吧？
但另一方面，政府又要求中電同港燈加5%電費！
ok，就當你係向好方面出發，但你加果5%電費做咩？
你一方面推環保政策之餘，都不忘抽我地市民水，特首你係得o既！
好一個羣"策"創新天！
5.國際笑話
今年施政報告，除左明益親家外，仲有一個笑點就係"特首o既英文水平"去到邊…
泛民：BOW TIE，KEEP YOUR PROMISE！
特首：英文動詞"keep"係有"s"="keeps"，你冇加"s"呀。
呢家泛民係用名令（即第三身）黎同你講，係唔洗加"s"（即使我英文幾差都好，一睇都知道呢句係命令吧？）
6.政制發展
點呀政府？
仲為左擦中央鞋又唔落實2012雙普選？
你知唔知道中央已經2次否決左普選喇？
香港2012唔落實普選，2017年係唔會有普選lo…
2017果個一定係假野！
中央推遲得一次，就一定會再推遲第二次。
究竟特首你明唔明？
你今年只係話唔好再將重點放係2012到…
你仲話你自己流香港人o既血？
總括今年施政報告…
今年政府唔著重民生，而去大搞經濟發展，更以環保政策之名去搶市民o既血汗錢，政制發展停滯不前，又唔去控制樓價，由樓市勁出天文數字，09-10年o既施政報告可謂差到貼地…
唉…香港人，你地話喇，我地香港人應該搬走好定係跳樓死左佢好？
不是這個世界變得無聊了，而是我小任變成了無聊的人啊！而並不是這個世界有了這麼大的變化！
沒有留言:
發佈留言