寧做挪威狗，不做香港人呀…

今日去新都會搵珊果陣，去左書店睇書…

鐘組康鐘先生繼《來生不做中國人》後，出左本名為《中國，你憑什麼？》o既書…
強烈推薦的說！

入面分3個部份，分別講中國﹑香港與挪威，係政治﹑經濟和民生等議題作比較…

中國我無時間睇，遲 d 會再睇，至於香港就睇哂，挪威就睇左幾頁…


香港部份就係講現今高官點解「人工高但品質差」o既問題…


香港o既特首月薪係40萬，計埋果 d 乜乜問責金，都唔止50萬…

至於挪威，果到o既最高領導人只係得6萬幾人工（港元）…


相差幾多呀兩地！

一個五十幾萬一個月，另一個就6萬一個月…

唉…

就係因為香港 d 高官人工咁高，所以先唔知道民間生活係點…

呢家香港人平均每月都係得1萬幾人工…

呢家仲要話4千港元一名大學生…

如果政府可以有 d 誠意去減薪，呢個香港都唔會搞到咁反智喇…


仲有，唔係減7%-8%，係減70%-80%…

我地香港人就「一生懸命」（拼命）咁搵錢，先可以供到一家人o既日常生活費用…

香港高官你地就可以隨便講幾條 d 垃圾政策出黎，然後就收工走人…


人地挪威政府比你地都唔知少幾多，減左果 d 錢根本就可以去創做多千幾個職位…

起碼都可以做到失業率下降呀？


好心你地班香港高官唔好成日以為自己好似【基拉大和】咁當自己係神喇…

成日以為自己 d 政府「一定得」，「為香港市民好」…

唉…


仲有工作時間問題，呢家個個人工作都平均都有13-14個鐘…

其實政府你可以訂立【最低工時】，凡超時工作就罰款，什至坐監都得…

唔明點解你地仲可以無所事事…


呢家用道德黎立法係硬膠+反智o既行為，唔好以為咁樣就可以當完成件事…


挪威果邊o既生活真係好過香港多多聲…


我真係寧願做挪威果邊o既一隻狗，什至一隻老鼠，都好過係香港做一個市民…


係香港真係冇生存同發展空間…

唉…


對香港呢個地方完全絕望…


不過係香港淪為共產黨o既殖民地前，我都會去盡一分力去改變香港，趕班高官下台！