亞視【百日維新】宣告失敗？

張永霖接納王維基辭職　稱處事作風有分歧

2008-12-15 HKT 16:35

亞視執行主席張永霖發表聲明，接納行政總裁王維基請辭。他表示，經過連日來的合作，發現兩人在處事作風上，出現重大分歧，對於王維基的請辭，表示十分抱歉及惋惜。

王維基由上任到落台只有唔夠兩星期，一句意見不合就下台，仲快過康有為同梁啟超o既【百日維新】。

係呢百幾個鐘入面既維新，佢地究竟做左d咩呢？

佢地上台果日，就不斷強調唔會再做中央第10台，新聞部玩獨立自主，改革要由新聞部開始～

點知無幾耐就撞板……

我諗係人都知咩原因吧？

簡單：中央干預

今個星期六王維基先發出左指引，希望新聞部既人可以真正【新聞自主】，不為政權抹粉，亦同時不偏向支持民主派－－事實就係，只係希望做到咁樣，當立即遇到今日o既下場，希望香港o既新聞仲可以自主？比起當年阿牛等人突襲登陸釣魚台仲有難過n陪呢～

星期五先出左篇【亞視戰略論】，估唔到o既係反撲黎得咁快，黎得咁兇－－但係仲有好多單純o既人以為咁樣係【市場問題】，而唔去面對呢個係【政治問題】o既現實！

今次事件，正係對果堆半睡半醒o既人，黎一野當頭棒喝！