2009年7月27日星期一

失望的camp,超絕望

唉…



今次主日學o既camp,超失望…

至少比我預期中遜…



「佢」冇黎對我黎講已經「三月不知肉味」…



果 d 活動點樣我冇咩意見,有時都玩得幾開心。


不過…始終對我黎講,都係有小小遺憾…


係臨走之前,pc同我講話「佢」將會去camp一個月…

同聖母軍一齊去bo…


唉…無言…
當然我會尊重「佢」,「佢」想點咪點…

我做咩都冇用…

不過係有 d失望姐…


於是由上船果刻,直到完左彌撒,我都仲係好失望…


但唔知係咪真係【乜野】,居然比潘某講中,話「佢」今日會黎彌撒…

比我係完左彌撒後撞見「佢」…


不過「佢」對我態度好冷淡…
有少少唔自然…


唉…
總之今個8月一定係充滿著絕望同失望!


「絕望了,我對我這人生和世界都絕望了!」

2009年7月24日星期五

去camp…

今日就係去camp o既日子喇…

24號朝早9點至25號夜晚7點半…


雖然今次「佢」冇黎到,但都希望會識到 d 新人,玩得開心 d 吧…

唔想成日對著果條福佳…

總之好期待…

2009年7月23日星期四

去書展o既目的?

尋日書展第一日,我就已經急不及待咁去左…

目的?除左去搵政治書外,其實更重要係想撞到「佢」…

即使知道係【零機會】,我都係去試…

唉…


撞唔到吧…

或者「佢」真係有心避我…


今日「佢」先同潘某一齊去吧…?

唉…二人之約會…
雖然係心痛…但只要「佢」好o既話就算了…


我係書展已經唔再好似以前咁買政治書,今次去左買愛情書--「不愛會死」…


我真係不愛會死…


唉…

可惜我有邊個可以愛,邊個又會去愛我…

唉…

2009年7月21日星期二

是好是壞?

今日20號應該就係約左人去唱k…

本身就話個個都唔黎得,點知我一學完結他返黎,潘某同「佢」就打比我話出黎唱k…

佢地兩個緊係有野…
唉…都唔知應該係妒嫉定乜好…

唔理咁多,帶左百達通,$500,電話就出街,中途又返左屋企拎埋相機,直衝mk!

衝到mk…

見到kai子﹑潘某,馬小姐同「佢」係到等緊我…

總算某條福佳唔係到…好彩…


之後去唱k…


對我呢 d 少聽香港歌o既人,唱k真係一種虐待=]

不過睇見佢地玩得咁開心都算,我都樂在其中…
雖然冇拎咪唱,但我都有唱返幾首o既= =


同埋最重要係我請哂佢地唱k呢= =
$53…好彩我帶定$500= =(話唔唱k果位請哂大家= =)

算,反正條福佳唔係到,我請哂你地又點話= =?
就當係大放送= =

中間又拍左2段影片-0-

總之係好好玩喇…


不過到左唱k後期,睇見「佢」同潘某o既親密行為,令我有少少憂鬱…

唉…
睇到佢地兩個…真係無聲出…

之後馬小姐走左先(17:20分),由於冇人所以我地一路唱…

之後又係到屈「佢」機= =(變左共犯= =)


到左6點…「佢」收到馬小姐電話,馬小姐話佢唔開心,於是我地就閃人去九龍城搵馬小姐(的士錢計我)。


馬小姐因為失戀bo…想我地哄返佢開心…
唉…

係呢方面我真係唔知比咩意見好…
通常食雪糕個人都會開心d,所以我地去左m記…

呢次我就自願請,初初只係新地筒,點知個個都要【密x風】…

算= =
豪埋今次算= =(成班人叫「佢」求我買,心軟- -)

期間聽左好多大家對失戀o既睇法…(獲益良多)

期間又係到狂爆話我鐘意「佢」lo咩事…
當著「佢」面前講…
唉…算。

我諗「佢」都應該不以為然…


可惜後來真係變態…

【ture or tare】…

今次tare唔係 d乜野,都唔知算唔算係懲罰…
要我同「佢」接吻…

冇可能o既事終於都要發生…

經過多次抗爭後…


係馬小姐走之前,佢地終於由接吻改為面對面…

唉…好彩…

如果真係接左落去,都唔知會發生咩事(可能連朋友都冇得做)…


之後送馬小姐返去期間潘某同kai子又不斷係到整另外兩位小姐= =


以為送左馬小姐返去就會告一段落,點知…

潘某同kai子仲要繼續係呢到逼我同「佢」接吻…

係街到呀orz…

第1次仲算頂得順,第2次真係…

差多真係接左落去…

好彩最後都…冇事…

唉…好彩。



邊行就邊去左旺角火車站,等「佢」食完雪糕,玩埋籃球機…就閃去沙田新城市中心繼續玩= =

其實去果到目的係飲啤酒…


本身話會有得買,點知沙田中心間7仔唔比買= =

但另一間又比買= =
「佢」睇見我買到啤酒都o哂咀= =

飲完之後首先就送「佢」去小巴站…

之後我去買m記同佢地兩個坐多陣就返屋企…



唉…搞左成日真係死咁濟…

整體上都算係開心,只係有時有時時憂鬱,同埋見到「佢」同潘某兩個人o既親密行為有 d 火…

不過睇真 d ,佢地兩個真係好岩key…


希望好景長存吧…


其實今日係好係壞我都唔係太清楚…

兩樣都有…
不過都係好多 d -v-b

2009年7月17日星期五

(補7月15號日記)解散後記

解散之後,我同潘某仲有某人(同校)諗著咁早唔返著,於是去左潘某對出o既海濱坐…

本來都諗著冇事,坐坐下,「佢」打比潘某…

証明左「佢」係鐘意潘某嗎…?


定一定…可能係吹水姐…

但越聽越唔簡單…


開始只係以為佢地吹水,後來都知道佢地係談情說愛…
都算,忍…


但係潘某睇到我 d行為越黎越衝動,就用激將法激我…

於是潘某開大喇叭,話:【喂,小任問你你係咪鐘意佢?】

冇喇…玩完喇…

答案一早就知道--【唔鐘意】

聽到之後,所有開心回憶,一下子消滅了…

既然潘某講左出黎,「佢」肯定連朋友都冇得做…


潘某再重複多次問題,今次答案係:【唔好意思,我唔鐘意佢(我)】…

即刻全身無力…


死喇…
我記得潘某仲話「佢」叫我【收皮】…


咁似珊果番話o既…


一時間成個腦一片空白,唯一諗到o既--就係【死】…

之後潘某又加多幾句…

唉…
肯定「佢」o既答覆係:【由佢跳lo,關我咩事?】


身體已經不由自主咁伸向城門河…


之後潘某暫時收左線,話要拎我去「x柱」…

隨你地吧,反正我已經唔知比咩反應你好…


身體已經變到冇哂感覺,你地點整我都係冇用…
內心o既痛楚已經超越左身體o既痛楚。

玩完我之後潘某又打返比「佢」…
之後佢地吹乜唔知道,因為我已經唔想再聽…

再聽落去我躁鬱症一定會發作…


之後因為落雨,我地就去左附近個亭避雨…


出面落得正好大雨,潘某又繼續同「佢」談情說愛…

我決定唔理,出去淋雨。



冷冰冰o既雨水打落我o既身體,都無所謂…

呢家內心o既痛楚,已經…

唉…
好快我成身已經都係雨水,望著城門河海濱,一個人都冇…

孤獨感…

於是我將隻腳放係防撞堤上。

遠處聽去佢地兩個突然一聲「喂!」,但我無理到佢,繼續淋雨…


今次淋雨目的應該係要接受+面對「佢」知道左我鐘意佢o既事同埋「佢」真正鐘意o既人係潘某等…


唉…


過左一陣佢地兩個叫我返去…
應該都淋夠吧…


之後佢地話吹水…

出面又大返雨喇…

我諗著出去o既時候被潘某叫停左…
不過佢之後又改口話隨我…

唉…
出去吧…
我仲未清醒!



於是我繼續同一個姿勢去淋雨…

今次真係風吹雨打…

雨越落越大,而風亦都越吹越大,感覺成個人都有機會被吹跌到城門河…


好辛苦,好凍…

城門河一陣陣o既兇湧若隱若現,反而增加左我o既孤獨感…

我覺得呢個世界已經冇人再關心我…


冇錯,Who will care for me?None!
「佢」講得岩:「與其咁痛苦,倒不如死左佢算!」

可能對大家會更好都未定呢…

唉…


15分鐘之後雨就停左,潘某佢再次叫我返去…

吹多2分鐘左右就散水…


放心,我唔會跳河,我只不過…
係想冷靜下姐…

…


雖然深夜果陣係msn到搵左「佢」道歉,並表面我真係冇鐘意「佢」…

「佢」雖然話唔緊要,不過…
女人應該成日都係口是心非吧…?

今日冇事唔代表將來冇事…


唉…
唯有痛苦咁繼續走埋人生最後一段路吧…

2009年7月15日星期三

先喜後鬱(喜)

原來都好期待今日o既BBQ活動…

首先係踩單車…

…

大約1點5x分去到佢地3個女仔…

還返件衫比某人後,就一言不發咁等…

大約2點,潘某就到喇…

之後去左大圍搵埋果位馬小姐…

就去左租單車…
由大圍踩到大尾篤。
勁遠的說…


搵左個有籃o既,用黎裝著尋日係沙灘汁果代野…

搞錯…?架單車又高又大…

初頭真係唔識控制…

經常失控…

最無奈係居然撞到同校 d 人,仲要當著佢地4個女仔面前叫我【鋒哥】…

好彩都冇咩咁大回響…

真係…


踩到中大果陣已經頂唔順…

於是行多陣就去科學園休息…

佢地就入去休息,我就係出面睇著 d 單車…

雖然係打雜,但我當時都算,無所謂。


連呢 d 野都唔刻做,只會被排斥出去。




唉…
諗返起當時o既景,我真係有少少感慨…

以為今日會過得好開心…



等左10分鐘左右,佢地已經返黎,吹左陣水就繼續向大尾篤出發。


早知去買定枝水…
越踩越辛苦,去到大埔市中心時已經…

之後又上坡又落坡…

去到打後時已經頂唔順…

單車連人都差 d 跌低…


去到後來買左枝凍水,好返 d 喇…

但都冇用喇,都到終點 lo…


還左單車之後就開始去燒烤場…
影埋相tim…(幅相似征服某某地多 d )


本來都以為唔會出事…

點知潘某中間開始話飲啤酒…


比果4個男人挑起左啤酒慾…


連「佢」都飲,我唔飲咪唔得?

邊個話我一啖就醉?

唔理,買左枝青島先…

之後就被人逼多杯藍妹…

我諗我真係飲醉左…
居然去買第2枝青島…

中間仲要被人去「咩柱」lo…


…算喇,燒烤呢一刻,都算唔錯…
雖然後面仲激…


我醉醉地咁上巴士,睇黎我地半班人都醉哂…

潘某係巴士上係咁搞(玩下姐)馬小姐…

之後kai子又頂著「佢」…

真係忍唔著笑…

仲拍埋片…

不過之後聽到司機多次警告,事件先平息…

之後就坐左係樓下…同果3位女仔…

之後我都醉到唔知發生咩事…

但係過左幾分鐘後「佢」又叫潘某落黎…

唉…我都醉到死咁濟…


頂到落水喇…

好想去廁所lo咩事…

出到黎就聽馬小姐o既情史…(真係勁呢)

之後就坐左火車去新城市廣場…

中間又醉到唔知講左 d乜出黎…



去左新城市之後就去滿記食糖水…

中間又聽左好多馬小姐o既野…(某句野真係好屈機)

…

之後…

唉…送左「佢」受馬小姐去車站就散水…


不過呢個其實係憂鬱o既開始…


總括黎講今日上大半部份都唔錯,好開心,有問題係最後果到。

2009年7月14日星期二

突如其來o既活動

原來以為今日會好平凡咁過一日…



點知下午2點幾時收到PC電話,話「佢」想去沙灘…



「佢」?



於是唔理三七廿一,即換衫,lunch﹑下午茶一律唔食,即衝出門口。



聽PC話「佢」想去馬鞍山果沙灘,所以我即坐馬鐵衝到馬鞍山…



去到4點…

唔見人…



我以為PC昆我,所以就坐馬鐵返屋企,但去到石門時PC就call我…



下?係新城市到等?



算,照去…





第一時間去到就緊係唔好即刻去等喇,廢事見到潘某同果位人見人憎o既人…



點知到第2次PC call我之後,我只係見到PC同「佢」…



於是就去搵佢地…





PC話今日只會得我地3個人去沙灘…

當場嚇左一跳+超開心…



潘某係唔係到唔緊要,只要果條福佳唔係到就得喇!



好彩唔係得我地3個…PC老豆都有黎(我都放心D)=_=





坐小巴去-_-?

不如我係馬鞍山等你地算喇-_-



不過只要同「佢」一齊,哂幾多錢到值得 =]







去到沙灘,即時換左拖鞋,佢地就出去挖類似「蚌」之類o既野…(總之係雙殼綱o既貝殼喇-_-)



咩黎架-_-?





一開頭真係唔知點挖…



仲要比 d貝殼介親隻手-_-



第1次都無乜野,自動止血…

第2次傷口太深喇,流勁多血-_-



緊係喇,又石頭又貝殼…

呢個「地雷陣」4月12號果次都試過,又係拿野-_-



後來終於知道點樣搵喇-_-



不過搵親都係好細隻-_-



之後佢地話落水bo-_-



起初我都唔想落…



但係冇理由得我唔落架…





學小鏡話:得我一個冇共同回憶點得呀?





唔理喇…



放低相機手機眼鏡手錶,結果就衝左落水-_-



呀…



坐係水到睇日落~_~

真係好靚…











諗著話訓係水到睇星星…



老天爺你今日出返一粒星好冇\口/





雖然今日冇星,但對我黎講,唔落雨已經好足夠…





係水到玩左半個鐘…



真係好開心…



希望呢刻o既開心可以令果個躁鬱症減輕吧…







shit-_-



成身又水又沙-_-



到左8點真係要走人-_-





去左附近仲左 d 沙先,之後再去馬鞍山體育中心沖涼-_-
原來我浸水果時都介左手,仲介得勁勁勁深,不過血早就流乾-_-



吹乾先煩-_-



吹左半個鐘都吹唔乾-_-



噓-_-





之後去左附近o既茶餐廳食飯,食完之後去左新港城行-_-

不過我好凍,衫褲都未乾-_-



之後就坐小巴返去-_-








總括黎講,今日對我黎講係一個好大收穫o既日子,特別係心靈上…



希望第時都會有呢類型活動吧-_-

流幾多血都值得-_-


好期待聽日o既BBQ^_^