心理陰影仲未放得低…

考完試，唔係應該一身鬆哂咩…？

發現呢幾日黎，心理壓力被考試前大左好多陪…

發生乜野事？

唔通我有太大ｏ既心理問題？

…
係喇，呢幾日我成日都話自己無一個正確o既渠道去發洩。

所以我近日可能因為太憂鬱而得左個心理病/心理陰影…

但我唔知係咩…

呢排我又好似以前咁笑唔出…

唉…珊…唔通係你…？

岩岩上跑，居然見到珊解封左我…
真定假呀…？

珊會放低仇恨…？

我再望真 d －－佢已經係斷左線o既樣…


小任呀，你做乜野呀，珊只係解左一陣封姐，佢之後咪封返我 lo …
點解我對珊仲會有任何想像架？我唔係已經忘記左珊喇咩？

…
已許真係唔可以忘記吧…

但…過去左o既野，又點可以回頭呢…？


唉…太多野煩喇…

搵日要買返灌啤酒飲，一定要買！用黎發洩嗎～
雖然我知道我唔可以飲太多…

但我已經開始控制唔到我自己了！

考完試，個心真係放鬆哂嗎？

今日就考完試喇…

考完電腦卷之後，第一個感覺就係：正呀，我身心終於都得到解放喇！

本來我以為考完試會好開心，因為可以打足成日機…

但一出到課室後，成個心情即刻180度轉變…

我考完試報，心入面即刻諗起一個人…
係佢…！？

我想見佢，我真係好想同佢講我考完試…

但…現實真係可以實現我o既願望咩？

成個心即刻拿著哂…

即使表面個樣係笑著，但當得返我一個人時，果份開心o既感覺就會消失得無影無終…

點解？
再一次因為佢，令到我唔開心…

考完試，雖然表面上o既壓力叫無左，但心靈o既創傷就反而加深…

就好似上次大考完左之後諗起珊一樣…


！？

同上次一樣…？
唔通我真係鐘意左佢？

無可能，無可能o既 ！

一切都係我心理作用姐，我點會鐘意佢先？
但點解我成日都會諗起佢……？點解…

（補星期一）女仔真係好鐘意被人追o既感覺嗎？

星期一放學後，同潘某一齊坐巴士，係車到又講我同某某人o既事…

（上刪數百字）
任：其實…我想問，女仔係咪真係鐘意被人追求o既感覺？
潘：點解咁問？
任：我聽馬泳如講，佢話女仔係好鐘意被追o既感覺。究竟係咪真？
潘：咁就緊係喇！打個比喻：男仔鐘唔鐘意打機先？
任：緊係鐘意喇…
潘：咪係lo，同「男仔鐘意打機」呢個結論一樣，女仔係鐘意蛄人追o既感覺架！


真係好似你講咁？
女仔真係鐘意被人追…？

呢個問題之前唔記得問珊tim…

唉…苦惱…

不過我驚講左出去o既野收唔言，萬一佢唔鐘意我點算？
可能連朋友都做唔成架bo…


同埋我單方面鐘意人係冇用架，愛情係要達到「雙重偶合條件」－－姐係雙方都鐘意（愛）雙方先得…

我呢 d 單方面o既…點得呀…

呀～救命呀！諗呢 d 問題真係諗到人都kai！

愛情果然係需要勇氣

今日再一次証明，想擁有愛情，就必順先擁有勇氣。

今日返主日學期間，無無聊聊同馬泳如吹水（少見-.-），期間講到有關「愛情需要勇氣」o既事…


任：呢個世界都變哂喇，仲邊有人會鐘意我呀…？
馬：點會呢？
任：睇珊件事就知道喇…唉！
（下刪數百字）
任：我發現每次我鐘意o既目標，目標都係唔會鐘意我…我唔知點解永遠只係單戀！？
馬：你搵個你鐘意佢，佢又鐘意你o既人 lor！
任：話搵就搵咁易咩？我呢 d 人邊會有人鐘意呀？
馬：其實呢，女仔係好鐘意被人追o既感覺架，只要你拎起勇氣去追佢就得架喇。總之試下喇！


再次道出真理：一段成功o既愛情，連貫著o既就係勇氣（另一個係信任）。

女仔鐘意被人追o既感覺？真係只要夠大膽就得？
今次我信馬泳如呀，佢都拍過拖幾次，我諗都應該係真吧？

但我驚咁樣同我呢家個「目標」示愛，可能會嚇到雞飛狗走…


真係要試下？

果然愛情係需要勇氣，好似我咁冇勇氣，又點會有段成功o既愛情呢？

唉…

情史

有 d 人擁有好豐富o既情史，就好似一部精彩而惟面o既百科全書，記載著唔同o既浪漫史；有 d 人o既頭腦更似個電子紀錄儀，隨抽隨樣，可以隨時講出邊一年發生過乜野事。

講到明係情史，自然唔係單一而專情o既故事，可能好似黃頁咁又長又多，與「執子之手，與之俱老」o既中國傳統觀念，岩岩相反。

舉過例子：哈林同伊能靜。
自從哈林被扣上綠帽（雙方離婚後）後，觀眾都好關心哈林o既一舉一動－－佢有冇喊到？
佢地兩個之所以離婚，係咪因為伊能靜手拖手o既黃維德？
伊能靜早前接受志雲飯局o既訪問時，仲口口聲聲話：我一生最愛哈林！

你會信咩？既然咁愛，點解要離婚？


再一個例子：白韻琴同謝偉俊。
我地都可能認為佢地係未婚男女…

白韻琴－－才女一名，主持電台節目表現非常出色，最難得佢染有文人世族o既味道，如果唔係偶然上演「孟姜女哭崩長城」果類型o既電影橋段，佢o既影象大既會係好優雅。

才女背後，我地會諗到佢同佢丈夫o既相處模式，係咪「一哭二罵三上吊」？面對謝偉俊o既網戀，白韻琴又喊過幾次？


不倫男定女，「偷食」總會令到伴侶咬牙切齒。但係有 d 人，將快樂建築係伴侶傷痕累累o既背上－－總係以「情聖」自恃，以情史作為最強勁o既籌碼，比擁有乜野牛津大學o既博士學位，更感自豪。

今日o既人唔再以長情（好似我咁）為樂，卻以濫情為樂。有句俗語：「姣婆遇上脂粉客」，坦白講，「牛唔飲水唔襟得牛頭低」，但飲水飲得太多，好容易會頂唔著而死。





其實…我記得以前珊都好似同我講過佢都換左幾個男友（有真有網上），當時好似係向緊我哂命咁…

我自己有時都會為左單戀失敗而驕傲－－細細個就去拍拖喇，威唔威先？ ＜我有時會咁諗

太多o既情史，對真正愛情o既發展始終唔係咁好…或多或少都會有影響吧？


呢個世界唔再有專一同長情呢 d 事出現…
唉………

居然為左佢而傷心想喊？

今日同潘某一齊去沙田到做功課同溫書…
（下刪數百字）

4點幾返黎果時，冇喇喇又講起佢…
大佬呀，講左成個月有多，唔悶架咩？

我真係冇鐘意佢，我對佢係冇意思（唔可以完全布冇，但只係得超少）。

潘某話我望著果位小姐時o既眼神同平時唔同，係凝視…

我真係冇…我平時望人都係咁喇～

但我唔小心沖口而出，講錯一個字詞…

我已經即時講左「我對佢真係冇意思架！我真係冇鐘意佢…」

但係潘某仲未斷重複果個字詞…

突然間我好傷心…

我點解冇喇喇會講呢個字詞出黎？
我覺得我自己不但只污辱左我自己，更加對佢好唔尊重…

於是我搵左個地方坐低（潘某冇理到我，自己返屋企先）反思…

既然我對佢係冇意思，咁點解我仲要講果個字詞出黎呢…？

我真係好對唔著佢，我都覺得自己好賤格…

我不斷咁話：「我真係冇鐘意佢，我真係冇，我真係冇……」
呢句野我講左成10分鐘。

中間流左少少眼淚…
點解我要為左佢而傷心，喊呢？
我又對佢冇乜意思…

我覺得我真係好賤格，唔死都冇用…
我係到同「佢」講聲對唔著先…

「對不起！」

仲等？

今日溫完書，岩岩好2點半，而又未到宴會時間，所以今日去左坐地鐵周圍行，散下心咁…

無喇喇…我去左葵芳就停左係到…

好明顯－－又係為左珊。

唔係放低左佢喇咩？點解仲要去搵珊？

可能就係因為我仲當珊係我朋友吧？
過去o既經歷話忘記就忘記咩…？

於是我就係葵芳車站呆左…有3個鐘頭…

呆到6點幾先走人，點知走唔到閘－－因為我入閘太耐，過左２個半鐘頭就要扣$50（我扣$25）…

好彩最後都冇扣到…

唉…我仲等乜野呀？
唔通珊會真係回頭同我做返fd咩…？

其實係當時，我覺得珊好似望到我咁，不過唔認我咁解…
當然真實珊今日係冇出現係我眼前，但唔知點解…

我點解對珊會有咁多期望呢？…

幻覺黎架小任！珊唔會再同你做返fd架！

醒下喇！無謂將時間投資係一個無回報o既人物身上喇！　



唉…得返1日放假ja…
又要考試…汗……～