是非做人情

所為是非做人情，姐係借某個人o既口黎幫佢向佢o既情人話：某某人鐘意你bo～

就以我為例喇…（真野黎）
我暗戀某人（我發現佢竟然唔係珊），但我又唔敢示愛，驚會嚇到佢雞飛狗走，於是我借故自我散播消息－－搵一個「最多事」o既朋友，將我暗戀某某人o既事講左比佢聽，希望佢會將呢件事講比我暗戀果位對像聽，睇下佢有（暗戀對像）咩反應。

我咁樣做目的只有一個：如果我同某某人真係情投意合o既話，話唔埋對方會比機會我呢；如果某某人唔領我情，我都可以避免左正面被佢拒絕果種尷尬場面。

其實呢個辦法係好蠢…

因為將感情事放係是非圈到全由佢滋長o既話，只會引起一大堆本來不必要o既變數…

某某人即使真係鐘意我，因為件事浮左係水面，某某人可能會驚被人說三道四因而改變主意；某某人唔鐘意我，就只會令到件事越唱越黑（我同珊件事可以話係一個好例子），越多人亂估。

成人聽到人講我同珊時都間唔中會爆出幾句野：「珊拒絕左小任呢！仲叫小任收皮bo！」「乜野原因？」「嫌小任矮吧！」「唔係，係嫌小任唔夠靚仔！」「唔係呀唔係呀，因為珊鐘意左第2個，而小任又咁岩講錯野得罪左珊，結果珊聽到左之後，順便知道埋小任鐘意佢，於是咪絕交lo！哈哈哈！」

一時間，我好多微不足道o既缺點，就變成左大家o既話題。無喇喇將自己變成「示愛失敗」o既主角，唔係幾岩計…




所以話：感情事，還是敗在自己的手上，才算死得心甘命抵。


其實，某某人姐係龜呢~xd（祝大家愚人節快樂，哈哈，龜都唔係我鐘意o既人ｘｄ）

一睇就知佢唔會鐘意我喇！

【佢】除左指珊之外，仲指埋某某人…

其實珊同某某人情況都差唔多…

今日睇報紙，某副刊見到一個標題，叫「聰明的女人」。
無無聊聊就睇下喇，越睇佢越講得有道理…

唉…
40條入面有幾條講中哂：
22.對不喜歡的追求者向你示好或關心，要堅定說不和拒絕。
珊同我絕交果日，我sd左無數個sms比佢，但係都冇回覆我…
我應該知咩事了…

（呢個情況僅係我方面出現）29.如果發短訊給你喜歡的人，她不回，就不要再發。
同上，因果關係～

仲有幾條都幾岩我：
5.要相信自己，善待自己，讓自己活得精彩。
相信自己？相信自己鐘意某某人…？
後面果部份呢家做緊…

其實仲有好多，因為唔夠時間，就打到呢到先…


唉…唔通我同珊真係冇機會…？
呢家又傳我鐘意（暗戀/單戀）某某人…

唉…我咁毒男，點可以高攀到某某人呢…？

即使我真係鐘意某某人，我都唔敢同佢開始－－因為同我發展感情o既人，大多都絕交收場。
我唔想再冇多個朋友…


所以話：一睇就知道珊同某某人唔會鐘意我喇！

星期日日記

今日11點幾起左身…
唔知點解，今日成個人感覺好似好空虛咁…

唉…

4點幾就出左去城門河畔散步…

其實…我呢家係追求緊 d 乜野呢…？

珊？成績？定係……

星期日感覺真係好孤獨…

突然有種動力係我心入面爆發出黎，由於唔知點發洩出黎，所以就沿著城門河畔跑左半個鐘…

我邊跑邊諗究竟係乜野動力可以令到我無喇喇跑起步黎…
同埋跑到我隻腳頂唔順都仲要跑…

究竟係乜野動力令到我咁做？
其實我心入面係咪想追求某 d 野…？

當時我即刻諗到可以比到動力我o既名單：珊？龜？考試成績？壓力？……（死喇，做咩龜都係呢個名單上架？唔通我對佢真係…？）

我乜都唔知呀！
跑左半個鐘，終於都停左係到喇…
上面o既名單真係可以比到咁大動力我？唔會吧…？

唉…
可能就因為呢 d 動力，令我無喇喇又屈左個病出黎…

15分鐘秒左個飯之後就落去睇醫生，話我生汗廯…之於係邊到生就無可奉告了～
醫生話要最快兩個星期先可以醫得返好…

唉…唔通呢 d 就係我對珊唔好o既報應…？

唉…聽日就英文口試，都唔知得唔得…

希望明天會更好。

真係好尴介

今日真係好尴介呢…

11點幾起身，做埋 d 功課之後就去左新都會，除左撞下見唔見到珊之外，仲諗著重遊舊地，懷念一下…

4點幾果時，收到sms話今日會同龜一齊去彌撒…
一睇就知有古怪喇，做咩無喇喇提龜佢呢？

…

原來果2條友想我同龜有得發展-,-

大佬呀，我根本就冇鐘意過佢，同埋佢都唔鐘意我…

表面上去彌撒，其實就係一個陰謀-.-

好尴介呀我…
今次彌撒我特別唔自然同分心，唔知乜野原因…

雖然今次表面上我好似表現到男士應有o既風度，但係我都要人提先記得…
我根本就冇鐘意過龜，大家唔好誤會我喇！


唉…我唔想佢好似珊咁，因為我鐘意佢而同我絕交…唔想又冇多個朋友…

我對龜真係冇野架！

星期五的大挑戰

講定星期五有咩壓力先：
1.普通話口試
2.中文作文（一次比賽的感受和感想）
3.好書推介
4.體育考試

第1果個唔洗理…我已經準備好哂。

第2果個就…好似冇乜靈感…唔係又寫珊吧…？
諗唔到呀>_____<
但係我想寫輸多 d …
多野寫 d …

第3果個真係…小任一年一度好書推介：「台獨」的社會基礎…
點講好呀>_____<？
諗緊中…

第4果個睇運氣了…
盡量努力吧…



一定要頂埋聽日！
唔好放棄！

擺脫「珊的珈鎖」吧…

經過左一日檢討之後，我決定我會盡我可能忘記珊。

雖然不免係有時聽到「珊」（或同音字）時可能會有過敏反應，但我會盡量去改…
已經接近2個星期冇問淆珊點樣喇…不過今日最後都忍唔著問左…

盡管答案都係【唔知道】，我都心安理得…

擺脫珊o既珈鎖吧！小任，做返個正常人，出去再打天下吧

冇理由因為一枝樹枝而放棄成個森林～

以後聽到班同學刻意講「珊」（或同音）呢個字，就當佢地好似din奴咁唱歌吧～
左耳入，右耳出


又有話我鐘意邊個邊個，隨你地吧…

或者新o既感情真係可以令我轉移視線都唔定…

盡量發展下吧…

愛上珊真的是我人生中的一個大錯誤嗎？

自從我發現自己鐘意左珊之後，就一直諗緊一個問題：我究竟係咪愛錯左珊呢？



係珊同我絕交之後，我就更加肯定：係



係之前，我早就知道珊唔會鐘意我喇…

但係我當時點解仲要申個頭埋去呀？小任你個腦有冇問題架？



明知強求係冇幸福o既，我仲要去強逼自己鐘意珊…

唉…咁樣只會害到我…
連考試作文都係寫有關珊o既野…
最後仲要抄左tim…

唉…
真係好想忘記珊，但唔知有乜野動力係咁令我諗返起珊…

唔通真係要搵段新感情去蓋過珊呢個回憶…？
唉……


有冇人可以做我o既指路明燈呀…