2009年10月13日星期二

呢排真係做咩都唔順利…

唉…

開始發現,10月,真係做乜野都唔會咁順利…
或者可以話係黑仔…

首先,呢兩個星期變哂做測驗周…
雖然已經叫做正常,但日日都測驗,遲早有日我真係頂唔著…

今日又唔見左一本圖書(其實係自己整唔見)…
一本書展買返黎o既書咁就冇左…

一本大約成$100…
搞到呢家下午果餐唔食得…
食一日lunch要$16,大約唔食lunch 13日先可以有錢再去買多本…

唉…想約某人又被拒絕(明顯係唔想同我出黎)…

失敗呢我真係…

真係做乜野都唔順利,成個人好似廢左武功咁…

唉…
點算啊…

2009年10月11日星期日

我真係好失敗

居然因為一件小事,就令到我…

唉…
其實我真係小題大做,一般人認為呢 d 咁普通o既事,對我黎講…
真係唔知話自己乜野好…

點講呢…
都唔明自己點解會變得咁"乜"(可能本身我性格就係咁…)…

啊…
都係唔想講…
諗返起真係…

唉…無心情講落去…

2009年10月10日星期六

人生第一次war game…

以前嘛…
我對war game真係不聞不問…

始終一來我怕痛,二來動態活動呢家野唔岩我…

但今日o既我,居然主動去打war game…
唉…我都打war game,世界變了嗎?


第一次玩,連槍未識揸,槍都未開過就已經要上戰場…
即使全套避彈衣又點?中到咪又係痛到飛起…

有個fd打完第1場就已經有3個圓形傷口…

即使打落牛仔褲到,都有個圓形紅印(沖涼果陣先發現…)
當然,第一場係冇可能殺到人,被人殺就有…

一中彈就已經痛到我即刻叫「死」…

第2場情況都差唔多,不過呢次係比人camp死…
想開槍果陣粒bb彈已經打中我隻手。

痛到我…返到休息區除左手套--紅左一點…
已經叫好彩…射唔中手臂…

之後幾場都係中彈死,一係就中斷…


好彩打左9場,都殺到2個人…
不過都係包抄+汁雞…


講真,揸著皮槍周圍走,好辛苦…
對我黎講,真係好重…

一開場就要不斷拎著,又要周圍望,又焗(貨倉入面打),成身又裝甲…
打果時真係好辛苦…

想中途退出,但中彈又會好痛,逼著打…

果然一開始選G36C步槍係個錯o既選擇…


總計9場,殺2死6中7槍(有一槍中手都冇叫死,有一槍中甲),慘呢…
4彈中大腿,2彈中手,一彈近距離中腰(某條友係休息區向戰場開槍,好彩有甲擋著)。


啊…不過第1次打算係咁………吧?

睇見人地打果陣真係勇…
明知前面仲開緊槍都照沖,結果佢殺左2個自己又死唔去…神爆…


總括呀…
war game都唔錯呀…
聽聞今年候選學生會有意支持,所以班學生先想搞個 war game club…
今次去係要拍片比校長睇…

拍片真係…= =
要扮恐怖份子+扮死(訓地)…



希望測完驗後可以再有得玩吧(愛上了war game 嗎我…?)

2009年10月7日星期三

奇蹟真係出現?

msn上,我記得係08年12月20日之後,珊呢個名就已經沉左低(因為冇on)

但尋日…
我發現我msn name list入面多左個人…

"shan shan  *阿珊” <類似咁樣喇…

我撞鬼嗎…雖然盂x節已經過左成個月…

以前我經常希望發生o既事發生了…

但點解冇喇喇會見返佢解封我…?
原因?

當然我諗珊都應該冇將果句野放係心頭上…

所謂「經一事,長一智」,我更加唔會再胡言亂語…


機會已經係眼前…

只要同珊講一句話…就可以回復到絕交之前o既狀況(當然只係比較樂觀咁去諗)…

一切…都會回復正常……嗎?


珊已經知道我鐘意佢…
仲有可能做返朋友嗎…?
呢個奇蹟究竟係咪只係老天爺o既一個局…?好似有種被命運玩弄o既感覺(苦笑)。


唉…
久遺o既嘆氣又出返黎…


嘛…
其實我認為呢家仲未係時機…
始終學業最高,升到中四,唔可能再好似中三咁hea,日日上msn搵珊吹水…

雖然果時係好開心,但後果係不堪設想(中三上學期考試成績大退步)…

再加上我都唔知珊係咪仲嬲緊我定原諒左我…佢o既近況我又唔知…

唉…
諗到咁複雜做乜?想做咪做lo,做返原本o既我--「死小孩」…



呢個真係奇蹟嗎?

唉…睇黎到11月前我都暫時解決唔到呢個問題…

呀,咁我應該點做…
又多個無謂o既煩惱了…

2009年10月4日星期日

究竟我缺少乜野?

呢幾日黎,我開始發現自己出左問題…

感覺我日常生活好似缺少左某樣野咁…

究竟係乜野…


我表姐就話我性格咁怪係因為我冇愛情…
一個人只要有愛情,性格就真係會改變嗎?

唉…
但如果愛情方面行得唔去,後果可能會好慘…


突然間諗,係咪快樂o既根源…

對於我黎講,真正o既快樂究竟係咩…

對著一成不變o既生活,發自內心o既笑容,係我身上已經係搵唔返…
即使表面上笑,實質上我根本唔想笑…

或者我可能太現實吧…
唉…

僕…究竟缺少左乜野…?

朋友?愛情?快樂o既根源?定其他…


…
唔知道…

呀!真係諗到好煩!

想過返日無憂o既生活都唔得…

或者我可能係缺少安全感吧…
總覺得呢家再唔做 d 野將來肯定係死路一條…

但我究竟要做咩…
唉…

2009年9月30日星期三

抗議中共專制,抵制官方「國慶」活動,十一外出穿著黑衣!(唔係叫大家去反共)

聽日就係一班獨裁統治左中華大地o既共產黨建立o既所謂"新中國"60週年…

可能會有人好開心,話咩"中國掘起喇,中華民族萬歲"等等…
但我都希望香港人諗下,家下o既時勢,"新中國"真係算係"掘起"嗎?

一個國家係政治同經濟唔平均發展下(中國重經濟輕政治),只會令國家得到一時o既繁榮,不過好快,一定會走向下坡!

"新中國"雖然好著重經濟發展,呢點的確可能會為人民帶來繁榮安穩o既生活,但"新中國"係政治上又極唔開放(至少言論&思想自由係接近冇),眼前o既繁榮我相信只會係曇花一現。

所以向位香港人,如果你想"新中國"可以永遠繁榮穩定,就應該用行動去提醒班共產黨高層!
抗議中共專制,抵制官方「國慶」活動,

十一外出穿著黑衣!
注意,呢個活動目的唔係要你反共,而係想你以杯葛方式去提醒中國共產黨。


那怕只係細小o既力量…
只要你肯做,就有改變o既可能!

雖然我係反共產+支持台獨,但我反共o既原因只係想中華人民可以過到 d 安穩o既生活…
台獨只係推翻共產黨o既手段…

我冇權阻止大家去參加國慶活動,不過我係想大家反思下,所謂"新中國"真係可以永遠都咁強大繁榮嗎?
作為一個中華民族,應該好好咁諗下自己國家o既前途係咪真係咁明朗…



我期待大家可以係十月一日"新中國國

慶"當日著上黑衣,以表達你對"新中

國"o既意見!

如果係為左國家未來,

就更加應該咁做!

2009年9月28日星期一

終於病好…

唉…

病左一個星期先,今日終於"清底",正式病好…

唉…
好似仲未有返上堂o既感覺…

星期二綜合症嗎…

哎唉…