我都有今日lo…

苦笑…

我由細到大，都未試過病足5日都未好返…

唉…

3日發燒，2日感冒"手尾"…

睇2次醫生…

唉…

好辛苦…

功課雖然做左一半，但…

5日冇出街，好痛苦…

成日藥力發作，要訓覺…

我o既生日幾時先會回覆正常…？


不過諗深層，呢 d 可能就係代價（苦笑）…

應得o既報應…？


唉…
總之，要快 d 好返先得…

放手o既代價…

明明決定左放手…

明明以為放左手成個人就可以輕鬆哂…


但睇黎，我太高估自己…

原本以為會無事…

點知尋日決定放手，今日就已經成個人都…

冇哂精神。


唉…
我真係失敗呢…


呢 d 就叫做天罰嗎…？
放手o既代價，就係極大o既心理壓力…

孤獨﹑無視﹑遺忘等心情…


唉…

我應該點做先好…

前幾日話會change，過左3日就已經再次陷入迷茫…


唉…

睇黎呢個心結，都係要自己解…


係解結果段時間，唯有忍著吧…


不過諗深一層，可能呢 d 就係我應有o既懲罰…
唉…

應該係時候完結…

嘛…

希望呢次係最後一次寫比「佢」…


一直以來…
我都以為我係鐘意「佢」…

其實…
只係一個假象。

我根本就冇鐘意「佢」，只係…

唔好聽講句：「自作多情」…


本來就唔屬於自己o既野，點爭取都好，都唔會得到返 d 乜野…

唉…

某句歌詞：「朋友比情人更懂得傾聽…」


有時做朋友真係好過做情侶…


既然係冇結果，不如早 d close file仲好…

當然自己都好唔開心…

但…
呢個方法，其實對於雙方，係一個最好o既方法…


雖然唔開心，但我覺得咁樣係值得…（我講緊乜野= =？）

哈哈哈…唉…
又變返做自己一個…（其實不嬲都係自己一個嘛！）


…

總之，係時候要完結呢場惡夢﹑呢個誤會。


呢件事，可以close file喇…
唔知算唔算放低舊心頭大石，但成個人都好似輕鬆左好多…



最後一句，「某人」多謝您！

不改變，不可原諒

呢2日經過2位好心人o既「提點」，我開始明白我呢家要改變乜野。

首先係吹水o既態度…
一講錯野，唔可以dup低頭…

其次…
嘛，呢個最唔掂－－搵話題。

對於我呢個唔擅長溝通，再加上小出聲o既人黎講…
係一件難事…

始終我自己性格夠哂怪…
有共同話題o既真係小之有小…


不過呀，唔改變，往後只會係末路。

成功，永遠係需要朋友幫手。


要識到更多o既朋友，就要改變一下自己。
即使變唔得哂，變得幾多得幾多！


如果只係原地踏步，無人會可憐你。

唔去改變，就會好似日本o既酒井法子話自己接近毒品一樣－－不可原諒！


所以…
為左未來…
我一定要改變…

即使幾難都好…

都要試下…


我唔可以再令人對我感到失望或者擔心！

挨罵了…

今早我一上msn就被某位好心人罵了…



其實嘛…

可能係我傻，先唔知道原來你地係關心我…



…



點都好…



我真係太自私，太不負責任…



好心人問我回解唔返church…





其實如果係一個正常人，就唔會因為果 d 無厘頭﹑無結果o既野而煩…



我…

就係因為果 d 無厘頭野，所以先唔返church…



咁o既原因，被人罵係好正常…





好心人罵得好岩，呢種行為係「逃避現實﹑極不負責任」o既行為…



我真係對唔著天地良心…



唉…





改變…

改變自己o既日常生活…

改變自己對世界o既睇法…

改變自己…



的確…

唔改變自己，就只有死路一條…



一個人一但無任何覺悟，前路就肯定係黑暗。



覺悟…



change…



唉…



我真係一個失敗者呢…



當好多人都比左希望我時，但我…

永遠只係會將失望還返比人…



就因為果 d 無聊煩惱唔返church，就比人好多麻煩人地…

唉…

我真係唔係一個人…





鬱埋 d 野無得發洩，真係好痛苦…





的確，如果只係困著自己係一角到，果然得到個抑鬱症…





由生活中找尋快樂o既源頭…

係呢個世界，真係會有快樂o既源頭嗎…？





好心人罵得岩，再咁樣自暴自棄，最終只會得返自己一個人…

孤獨…





覺悟吧小任！如果唔想第時變成咁，就覺悟吧！



如果唔係果位好心人罵我，我諗我呢家都唔會諗到呢 d 野…

雖然我就係咁變態，要人罵先會醒…





再次係到多謝呢位好心人罵醒我，多謝！

李氏力場失效？

嘛…

原以為李氏力場會好似傳聞中一樣咁勁…

彈走個風…
或者令天文台唔發8號風…

點知…

9號風都黎緊…

聽日6點15分前如果都仲係8號風，唔洗返學都得…

李氏力場幾時搬左去北京…？


算吧…

李氏力場係可以一晚間全開，令天文台第2日即落…


不過唔知點解出面仲係好大風= =




李氏力場，全開！！！！！！！！

由陳水扁坐監證明民主就是一切

相信今日o既大新聞，應該就係阿扁o既一審宣判吧？

結果，陳水扁同吳淑珍被判無期徒刑（終身監禁），而陳致中就判2年半…


再一次證明，台灣係個民主之國！

一個國家領導人，當犯左彌天大錯時（比如貪污），人民係有權去控告佢。


雖然我係支持阿扁o既台獨路線，不過對阿扁o既貪污，我就感到有 d 可惜…

堂堂一個「台灣之子」，點解會走上成魔之路…

明明係反共o既中堅份子，點解會搞成咁…

但今次阿扁犧牲都有價值！


至少可以比香港人睇到有民主o既國家係可以將犯左罪o既國家元首入罪…

中國內地o既人更加要睇！
共產黨每年每年貪埋貪埋都唔止8億美元喇？


我地亦都睇到台灣o既司法係唔會受到政治干預。

係大陸，只要係對共產黨不利o既案件，土共一定會秘密用政治手段去插手，影響司法公平。

如果要舉例，大把！

比如三鹿奶粉事件，政治一開始係保三鹿，人民向法院告，但最後都係無功而還，如果唔係件事暴光，你認為中國政府會真係比人民嬴場官司嗎？

再比如近期中國內地有個女子因為防衛過當傷到人，被人拉左。
初頭法院係判女子有罪，後來網民介入，向法院施壓，法院先判女子無罪。


台灣民主o既成功，證明法院係由人民開，而唔係政府。

有民主先有民生，如果香港呢家已經好似台灣咁民主發展得咁成熟，真係唔知會有幾多官員因為某 d 事件而下台。

香港 d 官員係好鐘意死唔落台，明明出左事，當冇事，因為冇民主嘛！
人民耐得佢何？


台灣o既風災，就因為有好多官員救災不力，加上人民不滿，所以先會落台。

香港果 d ？
比如泰國包機事件，唔知邊個要付上最大責任呢？首係曾對權，次係李少光。
最後佢地點樣？咪都係乜事都冇？

同埋香港政府永遠都只係識得「狗嗡」，「嗡」就天下無敵，但真實呢？
乜野「我o既意見就代表香港人o既意見」…
呸！


所以話民主先係一切！

阿扁今次o既犧牲，好值得香港人去體會。
體會一下人地台灣有民主o既時候係點好法。

民主，令人民有權力去監督政府，萬一政府犯左乜野大錯誤時，可以要求佢下台，呢個就係民主其中之一個好處。


至於台獨…
我唔相信台灣冇左阿扁台獨就會玩完，始終民進黨都係仲係蠢蠢欲動…

放心喇阿扁，只要一日中共未侵犯台灣，台灣一日都仲係民主之國…
所以阿扁，祝你二審可以減刑。

至於反共，我地中華民國子子孫孫會繼續反落去！



陳水扁等人被判終身監禁，係民主o既表現；假若中國有一日共產黨倒台，相信果日就係民主降臨中華中地之時！

我小任在此向陳水扁－－呢位民族英雄致敬！！！！！！…


民主萬歲！