2009年1月25日星期日

唉…

今日朝早起1諗著做功課,點知眼訓到頂唔順,11點半起身都仲係眼訓…

果堆功課小山呀…真係冇咩心情幹掉佢

之後一路狂打機,打到5點後 d 就出街去提前彌撒…

一時去到先諗起要摺星星…

唉…點解個個都識摺,得我唔識摺架…唉…小任呀…

彌撒完左之後我地就各有各事做,睇黎呢個年假…都冇咩機會出黎玩…

之後去左呀爺果到食團年飯

之後就返左黎又繼續打機…

聽日年30大家都有野做…我係呀婆到食完團年飯,好大機會會去新都會到撞下珊…

呀…要買心意卡…寫多封人手寫o既道歉信…不過我寫得好樣衰架bo…
算喇…心意才是首要…總之,小任加油吧…

2009年1月24日星期六

終於放年假喇(1月23日)

我地間學校真係冇人情味架,年28都唔肯放人,真係搞錯…

等左咁耐終於都得放學果一刻喇…

但可惜…老師比左好多【新年禮物】我地…

果堆作業小山真係冇乜心情清左佢…

算喇…

之後放左學返屋企換件衫就趕著去沙田

等左15分鐘,PC終於都到喇…

之後我跟佢地(幾個主日學小導師)去左圖書館附近唔知做乜-,-

之後等到龜黎左,佢地就走左去買野食留我一個係到-,-

都估到會咁架喇,好彩我帶左部nds黎玩姐-,-

玩左30分鐘之後,佢地終於返黎喇…可惜買唔到啤酒-,-

佢地見到我著校服,話我著校服個樣好乖-,-

即場o左-,-

之後5點30分就散水…

等左咁耐年假終於放得喇…

係到祝大家新年快樂

2009年1月23日星期五

真係衰開有條路

今日最令我唔開心就係派v.a

真係搞錯…卷18/25,晝就拉到低哂,結果變左做24/50

唉…真係衰開有條路…我v.a.由中一開始係未試過合格…今次已經算做好高分,但係始終都係唔合格…

唉…

總之呢…以後要加把勁了…呢家就要加把勁去摺星星

加油吧…

2009年1月20日星期二

寧知莫見真係一個明智方法嗎?

今日睇報紙,作者又講左個故事…

我(作者)有個女性朋友,呢位女性朋友有位男友,拍左拖幾年,感情唔錯,兩人睇落去都好似好合雙方心水

但係男方有個問題:佢出面有好多女人

其實她知道自己男友係出面不停咁媾女,一夜情,但係佢選擇左扮乜野都唔知
也許是她EQ高吧?

其實她知道自己另一半對自己不忠但都唔離開佢o既原因,除左因為她好愛佢o既男友外,仲因為佢已經係情海中行得好累,唔想再過返單身生活,同埋她唔想再面對又有人暗戀她追求她要拒絕人o既過程

其實只要佢男友做o既事唔好過佢o既底線就ok了…

呢件事本來可以你呃我我呃你,係大家都唔踢爆o既情況下繼續愛落去,直至永遠

但係某一日,她借男友o既電腦用一用,結果佢發現左佢男友同其他女仔上床o既相

她一張張咁睇落去,最後仲見到有一個係佢朋友,於是她死心了,除左離開,已經別無選擇…

其實她乜都知道--佢知道佢同其他女仔上床,佢都知道自己男友同自己朋友搞上左關係
雖然佢知道,估到,但係佢親眼睇唔到

總結呢個故事:無論係呃人,定係呃自己,寧知莫見都係情場中o既一個暗規模。

寧知莫見真係一個情場遊戲方法嗎?

我唔應為--其實呢種有可能係一種逃避方法。

當你見到你另一半同其他人搞上關係時,你個心入面會點樣?

相信好小人會好似故事入面果個女仔咁扮乜都唔知,而係當面走去問自己男友,之後分手

其實故事中o既女仔,佢係唔想重新黎過,先至唔提出分手…


將呢件事套落我同珊到…

當我睇到珊同其他男仔一齊時,我個心入面的確係好亂
我試過用方法去分化佢地,珊雖然唔知我分化緊佢o既未來,但始終最後都係同佢 d 仔分手…

感情真係可以用黎玩咩?感情(愛情)唔係一生一世咩?點解呢家 d 人可以當感情係一件平常事?

寧知莫見,我可能係不知不覺間都用左…

但我唔會唔出聲,我會勇敢去試下同珊講:珊,我愛你

即使結局係點,我都唔僧介意,至少可以結束雙方o既壓力…

今日過得還ok吧…

今日呀,派左3科卷

第一份卷係音樂…

真凹,40分攞得果4分…

好彩我有交到音樂會報告, d 分拉到合格…26/50

之後到聖經…

作為一個天主教徒,加上我係主日學導師,如果聖經唔合格,我點服班學生?

好彩果天冇令我失望,係冇左20分(55分)o既情況之下,44/75

第一部份都有44分,如果有做埋後面,一定過55…

可惜唔夠時間

小息之後就派我最勁o既一科西史…我好失望,只係得59/75

唔好睇我好似咁高分,全班第一咁
我以前可以有64分架,果然我小任真係江郎才盡…唉…

放學之後就同左某人遊花園
之後去左愉翠園,睇下個野仲係唔係條柱到…結果仲係到…

結果我輸左,返主日學果日要比佢打兩巴…真係估唔到香港人 d 眼力差左咁多…

之後返左黎打機…

好喇…成績就應該知得7788喇…應該有2科抄…就係v.a.同電腦…

加油吧小任…仲有珊…唉…

2009年1月19日星期一

小任論分手?

今日睇到某份報紙,又有果個版,今次佢講左個有關作者朋友分手o既故事

我(作者)有個識左好多年o既朋友,我朋友經常同佢女友一齊傾未來o既事--結婚,婚後生活等…

某日,我又撞到呢位朋友了…

我同佢開玩笑:點呀?新年有伴唔理我喇?
朋友答:冇--我同佢(女朋友)已經分左手

當我再睇下朋友塊面時,我發現佢豪無傷感

佢繼續講:我同佢分左手兩個星期
我問:你地有冇考慮清楚架?唔通你真係少少都唔心痛?

由於我同朋友相見o既時間唔太岩分享心事,於是我冇追問落去,佢都冇答到

一對男女又果分手,應該係好傷心先岩,但係我見到朋友佢豪無傷心,我諗佢地兩個真係好認真咁考慮分手吧?

畢竟分手後冇傷感,姐係表示雙方都已經係冇哂感情果隻

之後果 d 唔關事,所以故事完了~

同前幾日果個故事--【還好她懂得生氣】一樣

將呢個故事套落去我同珊到…

我記得珊同我絕交時我係好想喊(最後都有流眼淚)

但係我發現珊係少少唔開心都冇,反而覺得佢冇左我呢個朋友好似更加好咁

引用上面故事,已經得出左結論:

落花有意隨流水,但流水無心戀落花

珊同我絕交,有如食飯一樣,係幾咁平常,但我唔明白,點解我將呢件事睇到好重

也許我o既【情傷】要好耐先可以忘記吧?珊有咁多拍拖經驗,分手自然都好平常…

唉…總之我呢家心情好亂…

不過都係果句:我唔會放棄

同埋…

我的好朋友--珊,祝你好運~

江郎也會有才盡的一天

相信大家都聽過江郎才盡吧?

今日第1一堂數之後就到地理,又係派卷時間

結果我攞到52/75(全班第2)

我自己都諗下都叫做唔錯呀?

咁諗就大錯特錯喇…

高分並唔代表 d 乜野~

【將不能數勝】再加上【江郎才盡】,我真係一敗塗地

中文今日派卷1(作文)同卷3(聆聽)

卷3就19/30,中間吧…

卷1真係要好好檢討下…

語文部份16/20,作文就22/50

天呀!作文…我係作我同珊絕交o既事…

可惜內容可能太空虛吧…?始終改卷老師冇作出評語…

點解呢篇作文會咁低分?文入面o既全部都係我心底話,點解????

啊~~~~~~~~~~~~~~~~~~~~~~~~~~~~~~~~!!!!
諗到呢到我真係成個人都好upset

唔通我同珊真係冇得救?(後面會講…)

卷1兩部份加埋就38/70

中文總分加埋116/200,全班第九,相對返上次有明顯o既退步(上次全班第一)

之後我都無哂心機上中文同英文堂…

到左I.S.堂,派左卷返黎…

卷1:49/100
卷2:36/64
兩份卷拉埋再加埋平時分就合格多幾分…
卷2我係後面成頁空左,我唔知道要做~

唉…

今日篇中文作文除左令我心情趺到谷底外,我仲知道我已經係江郎才盡了…
惜日作文風光風采已經不再…

唉…睇黎我又要一段時間消化下呢埋【事實】…